"دامۋ" قورى "قازكومەرتسبانككە" 1 ميلليارد تەڭگە نەسيە جەلىسىن ۇسىندى

"دامۋ" قورى "الماتى يننوۆاتسيالار" باعدارلاماسىن قارجىلاندىرۋ ءۇشىن "قازكومەرتسبانككە" 1 ميلليارد تەڭگە نەسيە جەلىسىن ۇسىندى, - دەپ حابارلايدى قوردىڭ ءباسپاسوز قىزمەتى. بۇل قارجىنىڭ تەڭ جارتىسى "دامۋ" قورىنىڭ ءوز قاراجاتى بولسا, قالعان سومانى الماتى قالالىق اكىمشىلىگى بولگەن. ناتيجەسىندە "الماتى يننوۆاتسيالار" باعدارلاماسىن قارجىلاندىرۋعا قاجەتتى 1 ميلليارد تەڭگە قور قۇرالدى. "دامۋ" قورى 500 ميلليون تەڭگە كولەمىندەگى ءبىرىنشى ترانشتى "قازكوممەرتسبانككە" اۋدارىپ قويدى. شارت بويىنشا بانك 6 ايدىڭ ىشىندە الماتى قالاسىنىڭ شاعىن جانە ورتا كاسىپكەرلەرىن "الماتى يننوۆاتسيالار" باعدارلاماسى اياسىندا قارجىلاندىرا باستاۋى كەرەك. نەگىزگى تالاپتار: كاسىپكەرلەر ءۇشىن بەلگىلەنگەن جىلدىق سىياقى مولشەرلەمەسى - 8,5 پايىز; بىر ادامنىڭ قولىنا 100 ميلليون تەڭگەدەن اسپايتىن سوما تيەدى; جاڭا قۇرال الىپ, نەگىزگى جابدىقتاردى جاڭارتۋ جانە اينالىم قاراجاتىن تولىقتىرۋ ءۇشىن 84 ايعا دەيىن بەرىلەدى. قاراجات الماتى قالاسىندا رەسمي تىركەلگەن شاعىن جانە ورتا كاسىپكەرلىك نىساندارىن قارجىلاندىرۋعا عانا بولىنەدى", - دەلىنگەن ءباسپاسوز حابارلاماسىندا. ايتا كەتەيىك, "الماتى يننوۆاتسيالار" باعدارلاماسىنا وڭدەۋ ونەكاسىبى, اقپارات جانە بايلانىس, كاسىبي, عىلىمي جانە تەحنيكالىق قىزمەت, دەنساۋلىق ساقتاۋ جانە الەۋمەتتىك قىزمەت سالالارى كىرەدى.