استانا اكىمدىگى شۇبار شاعىن اۋدانىن ءسۇرۋ تۋرالى شەشىم قابىلدادى

استانا اكىمدىگى شۇباردى سۇرۋگە دايىندالۋدا. جەر ۇيلەر ورنالاسقان شاعىن اۋداندى ءسۇرۋ تۋرالى ماسەلە جيىرما جىلدان بەرى تالقىلانىپ كەلەدى. ەستەرىڭىزگە سالا كەتەيىك, ارحيتەكتۋرالىق جوبانى ىسكە اسىرۋعا ونداعى نىسانداردىڭ قىمباتتىعى كەدەرگى كەلتىرۋدە. ماسەلەن, شۇبارداعى ءبىر ءۇيدىڭ باعاسى 200 ملن تەڭگەدەن اسىپ كەتەدى. ال بيۋدجەت اقشاسى سۇرىلگەن ۇيلەردىڭ يەسىنە وتەماقى تولەۋگە جەتپەيدى. «كرىشا» سايتىنىڭ جازۋىنشا, 2017 جىلدىڭ اقپان ايىندا اسەت يسەكەشەۆ شۇباردى ءسۇرۋ تۋرالى قۇجاتقا قول قويعان. ناتيجەسىندە, سۇرىلگەن نىسانداردىڭ ورنىنا سالىناتىن ءبىرىنشى جوبا ورتا ءبىلىم بەرەتىن مەكتەپ قۇرىلىسى. الداعى ۋاقىتتا سۇرىلەتىن نىسانداردىڭ تولىق ءتىزىمى جاريالانادى. جوسپار بويىنشا, استانا باس جوسپارىندا شۇباردا ەكى مەكتەپ سالىنباق. ونىڭ ءبىرى وڭداسىنوۆ كوشەسىندە بولسا, ەكىنشىسى 78-ءشى كوشەگە جاقىن جەردە. ەرتەرەكتە شۇباردا ءىرى كوپقاباتتى نىساندار سالىنادى دەلىنگەن ەدى. دەگەنمەن, ازىرگە بۇنداي جوباعا قارجى سالاتىن ينۆەستور تابىلماي وتىر.