وقىرمان جاڭالىعىن جەتكىزەدى
بەنكس بارماعىن جالاپ وتىر
الماتى وبلىسىنىڭ اقسۋ اۋدانىنداعى سۋىقساي اۋىلىنداعى «ەدۋارد» شارۋا قوجالىعىنىڭ باسشىسى نيكولاي بەنكستىڭ اتا-اناسى دا بال ارالارىن وسىرۋمەن اينالىسقان بولاتىن. بىلتىر ءوز كاسىبىنىڭ ناتيجەسىن كورگەن كاسىپكەر بال اراسىن ءوسىرۋدى كونۆەيەرلىك جولعا قويا وتىرىپ, ءوز بيزنەسىن كەڭەيتۋدى ۇيعاردى. بۇعان دەيىن ونىڭ 20 ارا ۇياسى بولسا, «بيزنەستىڭ جول كارتاسى-2020» مەملەكەتتىك باعدارلاماسى بويىنشا 3 ملن تەڭگە نەسيە العان كاسىپكەر قوسىمشا 50 ارا ۇياسىن ومارتاسىمەن ساتىپ الادى. سونىمەن بىرگە بال قۇياتىن ىدىستار جانە باسقا دا قۇرال-جابدىقتار الىپ, ءوندىرىس پەن وتكىزۋ كولەمىن ۇلعايتا وتىرىپ 3500 كەلى ءونىم وتكىزدى. جاز ايلارىنداعى قاربالاس كەزەڭ مامىردان تامىز ايىنا دەيىن جالعاسادى, ودان كەيىن بال اراسىن قوسىمشا قورەكتەندىرە وتىرىپ ومارتالاردى قىمتاپ, قىسقى كەزەڭگە ازىرلەۋ قامىنا كىرىسەدى. ەكى جىل ىشىندە ول جەكە ادامدار مەن كاسىپكەرلەر اراسىنان تۇراقتى تۇتىنۋشىلارمەن جۇمىس ىستەۋگە ماشىقتانىپ الدى. زامانبەك مۇحامەتحانوۆ الماتى وبلىسى ...قۋانىشىن بولىسەدى
جۇرتشىلىق تىلەگى ورىندالدى
بىرلىك اۋىلىنىڭ مەكتەبىنە باتىر جەرلەسىمىز جىلبەك اعادىلوۆتىڭ اتىن بەرۋ جونىندە ونوماستيكالىق كوميسسياعا ۇسىنىس تۇسىرگەن بولاتىنبىز. 2013 جىلدىڭ ءساۋىر ايىندا مەكتەپتە وتكەن جيىندا اۋىل اقساقالدارى, اۋداندىق ءبىلىم ءبولىمى قىزمەتكەرلەرىمەن بولعان كەزدەسۋدە مۇعالىم مانسۇر بازاروۆ وسىنداي وي ءبىلدىرىپ, ونى اۋىل اقساقالدارى مەن ۇستازدارى قولدادى. وبلىستىق «سارىارقا سامالى» گازەتىندە سايا مولدايىپ جىلبەك اعادىلوۆ جايلى ماقالا جازىپ, باتىردىڭ زيراتى توزىڭقىراپ تۇرعانى ايتىلىپ, وعان اللابەرگەن قاجى باستاعان اۋىل اقساقالدارى قاراجات جيناستىرىپ, ارنايى تاس بەلگى ورناتتى. ال اۋداندىق تىلدەردى دامىتۋ ءبولىمىنىڭ قىزمەتكەرى باۋىرجان ادامبەكوۆ باتىر ەسىمىن مەكتەپكە بەرۋ جونىندە رەسپۋبليكالىق ونوماستيكالىق كوميسسياعا قۇجاتتاردى جيناقتاپ, بىرنەشە رەت استانا قالاسىنا ءىس-ساپارمەن بارىپ كەلدى. اۋىل اۋدان اكىمى ورازگەلدى قايىرگەلدينوۆپەن كەزدەسۋىندە بۇل ماسەلەنى تاعى دا كوتەردى. ءسويتىپ, 2016 جىلدىڭ قاراشا ايىندا ۇكىمەت قاۋلىسى شىعىپ, ءبىزدىڭ اۋىلدىڭ مەكتەبى جىلبەك اعادىلوۆ اتىنداعى جالپى ورتا ءبىلىم بەرۋ مەكتەبى دەپ اتالدى. بۇل ءبىزدىڭ اۋىل ءۇشىن ۇلگى-ونەگەلى, كوپ كوكەيىندەگى يگىلىكتى شارانىڭ ىسكە اسقاندىعى دەپ بىلەمىز. مەيرام قوجانوۆ, مەكتەپ ديرەكتورى پاۆلودار وبلىسى, باياناۋىل اۋدانى, بىرلىك اۋىلى
...قاۋىپ ەتەدى
«...ماعان پولكىم ەمەس, حالقىم كەرەك»
رۋ – قازاقتىڭ شىققان تەگiن تانىتاتىن تەتiك. «تەگiن بiلمەگەن تۇگiن بiلمەيدi» دەيتiنiمiز سوندىقتان. وسى رۋدىڭ ارقاسىندا قازاق الەمدەگi ەڭ قانى تازا حالىقتىڭ بiرi بولىپ ساقتالىپ كەلەدi. بiر رۋدىڭ ادامدارى جەتi اتاعا تولماسا قىز الىسىپ, قىز بەرiسپەيدi. قازاقتىڭ تەكتi, تالانتتى بولۋىنىڭ سىرى وسىدان باستاۋ الادى. قازاق ءوز رۋىن بiلگەنمەن, رۋعا بولiنۋشiلiكتi قۇپتاماعان. «بiرiڭدi قازاق, بiرiڭ دوس, كورمەسەڭ iستiڭ ءبارi بوس» دەپ ۇلى اباي وسىنى مەڭزەگەن. بۇرىنعىنىڭ شالدارى «قاي بالاسىڭ» دەگەندە اكە-شەشەمiزدiڭ اتى-ءجونiن ايتىپ قۇتىلاتىنبىز. قازiرگiلەر «قاي رۋدان بولدىڭ؟» دەپ سۇراقتى قابىرعادان بiر-اق قويادى. جاۋابىڭدى جاقتىرماي قالاتىنى دا جوق ەمەس. قازiرگi تاڭدا, نەسiن جاسىرايىق, ۇلتتىق نامىستان گورi رۋلىق نامىس الدەقايدا جوعارى تۇر. ونىڭ ۇستiنە كۇنشiلدiك پەن كورەالماۋشىلىقتى قوسساڭىز, رۋشىلدىقتىڭ وتى لاۋلاي تۇسەدi. اتتەڭ, وسى دەرتتەن ارىلا الماي-اق قويدىق. توپىراقتى ولiمدە, تورقالى تويدا توقايلاسقان ءار رۋدىڭ ادامدارىن كورiپ, قۇدايعا شۇكiر دەيسiڭ. بiراق سولاردىڭ iشiندە “بiزدiڭ قازاقتىڭ بالاسى” دەپ ەمەس, “بiزدiڭ رۋدىڭ بالاسى” دەپ ماقتاناتىنداردى كورiپ iشiڭ اشيدى. اقىن جۇماتاي جاقىپباەۆتىڭ وسى تاقىرىپقا قاتىستى ولەڭى بار. ولەڭىنىڭ سوڭى تومەندەگىشە تۇيىندەلەدى. «رۋلار – كوشپەلدى ەلدىڭ پولكتارى, ال ماعان پولكىم ەمەس, حالقىم كەرەك». ولاي بولسا, بۇگىنگى ءوز «پولكىن» اسقاقتاتقىسى كەلگەندەگە ايتارىمىز, رۋعا بولiنۋشiلiك – ەلدi رۋحسىزداندىراتىنىن ەستەن شىعارمايىق. ال بىزگە حالقىمىزدىڭ بىرلىگى قىمبات. ماحامبەت ساپارمۇراتوۆ وڭتۇستiك قازاقستان وبلىسى, ماقتاارال اۋدانى ...سەنىم ارتادى
ۋكراين, ورىس سويلەيدى قازاق تىلىندە...
«تۋعان ءتىلىم – تىرلىگىمىنىڭ ايعاعى» دەگەن تاقىرىپتا ماڭعىستاۋ اۋداندىق جاستار ورتالىعى مەن «جاس وتان» جاستار قاناتى اۋداندىق فيليالى جانە اۋداندىق بالالار كىتاپحاناسىنىڭ ۇيىمداستىرۋىمەن جاستار ورتالىعىندا شىعارماشىلىق جاستار كەشى ءوتتى. كەشتىڭ ماقساتى – اۋدانىمىزدا تۇرىپ جاتقان ءارتۇرلى ۇلت وكىلدەرىنىڭ انا ءتىلىمىزدى مەڭگەرۋىن جاستارعا پاش ەتۋ جانە انا ءتىلىمىزدى اسقاقتاتىپ جاستار اراسىندا كەڭىنەن ناسيحاتتاۋ. شاراعا ەرىكتىلەر مەن جاس وتاندىق جاستار قاتىناسىپ, مۇحتار اۋەزوۆ, ءابدىجامىل نۇرپەيىسوۆ, مۇقاعالي ماقاتاەۆ سەكىلدى اقىن-جازۋشىلاردىڭ شىعارمالارىن ناقىشىنا كەلتىرە وقىدى. باسقوسۋدا ۋكراين قىز ەلەنا لوستاۆەتسكايا, قاراقالپاق ۇلتىنىڭ وكىلى گۇلايىم نۇروتوۆا, اۋداندىق كىتاپحانا مەڭگەرۋشىسى گۇلجاميلا قاسىموۆا, اۋداندىق ىشكى ساياسات جانە تىلدەردى دامىتۋ ءبولىمىنىڭ باس مامانى ەلميرا ايتىمانوۆا, «جاس وتان» جاستار قاناتىنىڭ اۋداندىق فيليال توراعاسى اللابەرگەن قونارباەۆ ءسوز الىپ, پىكىر ءبىلدىردى. شارا سوڭىندا شاراعا بەلسەندى اتسالىسقان ەرىكتى جاستار ماراپاتتالدى. ءالينا نۇربەرگەنقىزى, جاستار ورتالىعىنىڭ باس مامانى ماڭعىستاۋ وبلىسى, ماڭعىستاۋ اۋدانى ...العىس ايتادى
اجالدى اراشالاعاندارعا ىقىلاسىم بولەك
ء«ومىر دەگەن ءبىر جارق ەتكەن نايزاعاي, ءومىر دەگەن كوك اسپاننىڭ كۇركىرى», – دەپ مۇقاعالي جىرلاعانداي, ءومىر – تاعاتسىز قوزعالىس ىسپەتتى. ءومىر – داريا. داريادا ەسكەك ەسۋ وڭاي ما؟ داريانىڭ تۇڭعيعىنان شىعارىپ, ءولىم مەن ءومىر بەلدەسكەن شاقتا دەم بەرىپ, مىنا جارىق دۇنيەنى سىيلاعان ابزال جاندار – استانا قالاسىنداعى №7 ەمحانا دارىگەرلەرى. 2011 جىلى سەمەي قالاسىندا اسا قاۋىپتى ۇلعايعان اسقازان جاراسىنا وتا جاسالعان. پروفەسسور سەرىكجان بوتباەۆ, حيرۋرگ مۇراتحان كۇدەرباەۆتىڭ بىلىكتىلىگىمەن وتا ءساتتى ءوتتى. وتا جاسالعاننان بەرى استاناداعى №7 ەمحانانىڭ №31 بولىمشەسىنىڭ باقىلاۋىندامىن. «دەنساۋلىقتىڭ قادىرىن اۋىرعاندا بىلەرسىڭ» دەگەندەي, سىرقات سىر بەرگەندە قول ۇشىن سوزعان گاستروەنتورولوگيا ءبولىمىنىڭ دارىگەرلەرى سارا تەمىربەكقىزى, الماگۇل بازاروۆا, ازاماتتىق دەنساۋلىق ساقتاۋ ءىسىنىڭ ۇزدىگى, رەۆماتولوگ باقىت اۋباكىروۆا, گۇلسىم بولاتبەكوۆا, فاريزا قۇلبەكوۆا, مەدبيكە شولپان ەسەنقىزى, وفتالمولوگ گۇلناز جاقسىباەۆا, مەدبيكە گۇلشات تاپاەۆاعا العىسىمدى بىلدىرەمىن. ءماريا بەكتۇرتەگى, زەينەتكەر, ۇستاز شىعىس قازاقستان وبلىسى, بەسقاراعاي اۋدانى
