ىنتىماقتاستىققا ىنتالى

قازاقستان پرەزيدەنتى جانىنداعى مەملەكەتتىك باسقارۋ اكادەمياسىنىڭ باسشىلىعى ەلىمىزگە ارنايى ساپارمەن كەلگەن ۇلىبريتانيالىقتار لەستەر ۋنيۆەرسيتەتىنىڭ رەكتورى پول بويلمەن, زاڭ مەكتەبىنىڭ ديرەكتورى فرانسۋا دە بۋامەن جانە ستراتەگيالىق ارىپتەستىك جونىندەگى ديرەكتور مايكل گرينمەن كەزدەستى. جيىنعا «استانا» حالىقارالىق قارجى ورتالىعىنىڭ وكىلدەرى دە قاتىستى. بۇل ساپاردىڭ ماقساتى – بريتان قۇقىعى نەگىزىندە جۇمىس ات­قا­را­تىن «استانا» حالىقارالىق قارجى ورتا­لى­عىنىڭ كادرلىق رەزەرۆىن دايارلاۋ جونىندەگى ارىپتەستىك مۇمكىندىكتەرىن قاراستىرۋ, بريتاندىق مامانداردىڭ كومەگىمەن اكادەميا بازاسىندا اعىل­شىن ءتىلى مەكتەبىن جانە لەستەر ۋني­ۆەرسيتەتىنىڭ قۇقىق مەكتەبى فيليال­ىن اشۋ سىندى ماڭىزدى جوبالاردى تالقىلاۋ. ءبىر اتاپ وتەرلىگى, لەستەر ۋنيۆەرسيتەتىنە, سونىمەن ق­ا­تار, باسقا دا بريتاندىق جوو-لار­عا وقۋعا ءتۇ­سۋگە ىنتا-نيەت تانىتىپ وتىر­­عان قازاقستاندىق تالاپكەرلەردىڭ دايىن­دى­­عىن كۇشەيتۋگە لەستەر ۋني­ۆەرسيتەتى ءۇل­كەن قىزىعۋشىلىق تانىتىپ وتىر ەكەن. جيىندا ءسوز العان مەملەكەتتىك باسقارۋ اكادەمياسىنىڭ رەكتورى فاتيما جاقىپوۆا قۇرىلىمنىڭ ەرەك­شە­لىگى مەن ارتىقشىلىعىنا توق­تال­دى. «مەملەكەتتىك باسقارۋ اكادەميا­سى قازاقستان پرەزيدەنتى جانىنداعى جال­­عىز وقۋ-ءبىلىم جانە يدەولوگيالىق ورتالىق ىسپەتتى. اكادەميا قازاقستان­نىڭ جانە وڭىرىمىزدەگى ەل­دەر­دىڭ مەم­­لەكەتتىك قىزمەتشىلەرىن وقى­تا­دى. قازىرگى تاڭدا بىزدە قازاقستان, اۋعانستان, قىرعىزستان, موڭعوليا ءجا­­نە تاجىكستان سەكىلدى ەلدەر­دىڭ 300-گە جۋىق مەملەكەتتىك قىزمەتشىسى ءدا­­رىس الىپ, بىلىكتىلىكتەرىن جە­تىل­دىرۋدە. تۇلەكتەردىڭ اراسىندا ۇكى­مەت مۇشەلەرى, وبلىستار مەن ءىرى قالالاردىڭ اكىمدەرى, ۇلتتىق كوم­پانيالاردىڭ جەتەكشىلەرى بار. قازىرگى تاڭدا مەملەكەتتىك باسقارۋ اكادەمياسى ەل پرەزيدەنتىنىڭ ءبىرىن­شى جانە بەسىنشى ينستيتۋتتىق رە­فور­مالارىنىڭ, سونداي-اق, «100 ناقتى قا­دام» ۇلت جوسپارىنىڭ جۇزەگە اسى­رى­لۋىنا بەلسەندى اتسالىسۋدا, – دەدى رەكتور. سونىمەن قاتار, فاتيما جاقىپوۆا اكادەميا ماگيستراتۋرانىڭ 5 جانە دوكتورانتۋرانىڭ 4 باعدارلاماسى بوي­ىنشا وقۋ-ءبىلىم جۇمىستارىن ءجۇر­گى­زەتىنىن, جىل سايىن قازاقستاننىڭ 2 مىڭنان استام مەملەكەتتىك قىز­مەت­شىسى قايتا دايارلاۋ جانە كاسىبي ءبى­لىك­تىلىكتى ارتتىرۋ بويىنشا قىسقا مەر­زىمدى كۋرستاردان وتەتىنىن جەتكىزدى. ونىڭ ايتۋىنشا, وتكەن جىلى اكادەميا رەسەيدىڭ 105 مەملەكەتتىك قىزمەتشىسىن وقىت­سا, بيىل دا وقىتۋ باعدارلاماسى بويىنشا تاپسىرىس الىپتى. ال لەستەر ۋنيۆەرسيتەتىنىڭ رەكتورى پول بويل ءوز سوزىندە ۋنيۆەرسيتەتتىڭ تاريحىنا, قازىرگى تىنىس-تىرشىلىگىنە, وقىتۋ جۇيەسىنە جان-جاقتى توقتالىپ ءوتتى. «لەستەر ۋنيۆەرسيتەتىنىڭ نەگىزى 1921 جىلى قالانعان. Times and The Sunday Times Good University Guide-2017 رەيتينگىسىنە سايكەس, ۇلىبريتانياداعى 120 ۋنيۆەرسيتەتتىڭ ءىشىن­دە بۇل جوعارى وقۋ ورنى 25-ورىندا تۇر. قازىرگى تاڭدا وندا 20 مىڭعا جۋىق ستۋدەنت ءبىلىم الادى. ولاردىڭ 23 پايىزى الەمنىڭ 117 ەلىنەن كەلگەن شەتەل ستۋدەنتتەرى», – دەدى پ. بويل. كەزدەسۋدىڭ قورىتىندىسى رەتىندە مەملەكەتتىك باسقارۋ اكادەمياسى مەن لەستەر ۋنيۆەرسيتەتىنىڭ اراسىندا ءوزارا تۇسىنىستىك تۋرالى مەموراندۋمعا قول قويىلدى. ءلايلا ەدىلقىزى, «ەگەمەن قازاقستان»