اق تىلەكتەر اعىنى

ەلباسى نۇرسۇلتان نازارباەۆتىڭ اتىنا ەلىمىزدىڭ بارلىق ايماق­تارىنان قازاقستان رەسپۋبليكاسى پرەزيدەنتى بولىپ قايتا ساي­لا­نۋى­نا بايلانىستى قۇتتىقتاۋ حاتتار مەن جەدەلحاتتار اعىلىپ كەلۋدە. ولاردىڭ بىرقاتارى ەلىمىزدەگى زيالى قاۋىم وكىل­دەرىنەن كەلىپ ءتۇستى. «جان تەبىرەنەرلىك جاڭا جەڭى­سىڭىز­بەن قۇتتىق­تايمىن! ەل كوسەگەسىن كوگەرتەر ەرەن ەڭ­بەگىڭىزگە تولايىم تا­بىس­تار تىلەيمىن», – دەلىنگەن قازاقستاننىڭ ەڭبەك ەرى, كور­نەكتى قالامگەر ءابىش كە­كىلباي ۇلىنىڭ حاتىن­دا. ول مەملەكەت باسشى­سى­نا ءجۇ­رەكجاردى لەبىزىن ارناپ, دەنساۋلىق پەن ۇزاق عۇمىر تىلەيدى. تاراز قالاسىنان جول­داعان جەدەلحاتتا قازاقستاننىڭ حالىق جازۋشىسى شەر­حان مۇرتازا جانە بەلگىلى قالام­گەر­لەر نەسىپبەك ءداۋتاي ۇلى, ارعىن­باي بەكبوسىن, ءالديحان قالدىباەۆ, ەلەن ءالىمجان: «بۇل سايلاۋ تاۋەلسىز­دىكتىڭ 20 جىلىندا اقىل-پاراساتى ءپىسىپ-جەتىلگەن, تاعدىرىنىڭ تاڭداۋىن تاني العان, ەرىك-جىگەرى مىقتى ەل-جۇرتتىڭ كە­مەل كەلبەتىن كورسەتتى. نۇرسۇلتان نازارباەۆ مەرەيىنىڭ ۇستەم بولۋى – قا­زاق­ستاندىقتار دانالىعىنىڭ جەڭىسى! نۇر­سۇلتان نازارباەۆ جەڭىس ءۇشىن تۋعان بولسا, ول – ەل-جۇرتتىڭ كەمەل كەلبەتىن كور­سەت­تى!» دەگەن پىكىر بىلدىرەدى. جەدەلحات: «ۇققانعا بيلىك – مەملەكەتتىڭ جۇرەگى, حالىق – سونىڭ تىرەگى» دەپ تۇيىندەلگەن. «قازاقتىڭ ۇلى پەرزەنتىن ۇلى جەڭىسىمەن قۇتتىقتايمىن! باقىت قۇسىڭ اسپانىڭدا ماڭگى شارىقتاسىن!»,  دەپ جازادى كورنەكتى اقىن, مەملەكەتتىك سىي­لىقتىڭ لاۋرەاتى تۇمانباي مول­دا­عا­ليەۆ. سونداي-اق, جامبىلدىق اقىن نار­شا قاشاعان ۇلى تىلەگىن: «كوپتىڭ با­سىن قۇراعان, تاڭىردەن حالقىنا باق سۇراعان, تۋرالىقتىڭ تۋىن بيىك ۇستاعان, ەلىڭىز سىزگە امانات ەندى, نۇراعام», دەگەن ولەڭ جولدارىمەن جەتكىزىپتى. «قازىرگىدەي دۇنيەنىڭ استان-كەستەڭى شىعىپ جاتقان الاساپىراندى ءارى جاۋاپ­تى كەزەڭىندە, زامانانىڭ قيلى-قيلى تۇ­سىندا بارلىق قازاقستاندىقتاردىڭ ءوز بولاشاقتارىن ويلاپ, ءسىزدى تاڭداپ, ەل بيلىگىنىڭ تىزگىنىن وزىڭىزگە بەرگەندىگىن حالقىمىزدىڭ تاعى ءبىر كەمەڭگەرلىگى دەپ ەسەپتەيمىن», دەپ جازادى اقمولا وبلىس­تىق «ارقا اجارى» گازەتىنىڭ باس رەداك­تورى, جازۋشى, قازاقستاننىڭ ەڭبەك سىڭىرگەن قايراتكەرى جابال ەرعاليەۆ جەدەلحاتىندا. سونىمەن قاتار, قۇتتىقتاۋ جەدەل­حات­تارى قازاقستاننىڭ ءار وڭىرىندەگى قا­را­پايىم حالىق وكىلدەرىنەن – ءتۇرلى كا­سىپ جانە ماماندىق يەلەرىنەن, زەينەتكەرلەر مەن ارداگەرلەردەن, ۇلتتىق ءما­دەنيەت ورتالىقتارى وكىلدەرىنەن, اۋىل تۇرعىندارىنان, جاستار ۇيىمدارى مەن ستۋدەنتتەردەن كەلدى. مۇنداي جەدەلحاتتاردى استانا قا­لا­لىق جەدەل جاردەم ستانساسىنىڭ ۇجىمى اتىنان باس دارىگەر ق.توسەكباەۆ, مىر­زا­شول جۇرتى اتىنان وڭتۇستىك قازاق­ستان وبلىسى ماقتاارال اۋدانى جىلى­سۋ اۋىلىنداعى «ەربوسىن» شارۋا قوجا­لى­عىنىڭ توراعاسى ءسارۋار توباعا­بى­لوۆ, وڭتۇستىك قازاقستان وبلىسى وزبەك ەتنو­مادەني ورتالىعى اتىنان ورتالىق توراعا­سى يكرام حاشيمجانوۆ جول­داعان. «...قازاقستانداعى بۇگىنگى بەيبىت ءومىردى قوي ۇستىنە بوزتورعاي جۇمىرت­قالاعان زامانمەن سالىستىرۋعا بولادى. مۇنىڭ ءبارى ەلباسى – ءسىزدىڭ كۇندىز وتىر­ماي, تۇندە ۇيىقتاماي اتقارعان قىزمەتىڭىزدىڭ ايشىقتى ايعاعى», دەپ جازادى اقتوبە وبلىسى ارداگەرلەرى اتىنان جەدەلحات جولداعان ءبىر توپ ارداگەرلەر. ولار «رۋحاني ازىعىمىز, مىز­عى­ماس قازىعىمىز – تۋعان وتانى­مىزدىڭ ابىرويى اسقاقتاي بەرگەي», دەي كەلە, ەلباسىعا مىقتى دەنساۋلىق, تو­لايىم تابىس تىلەيدى. جەدەلحاتقا وب­لىس­تىق ارداگەرلەر كەڭەسىنىڭ توراعاسى ك.ءبىرمانوۆ, ارداقتى انا – ب.­وتار­باەۆا, «مۇنايشى» قوعامدىق قورىنىڭ توراعاسى ءا.اكىموۆ سياقتى ءبىر توپ سو­عىس جانە ەڭبەك ارداگەرلەرى قول قويعان. ال جامبىل وبلىسى ارداگەرلەر كە­ڭەسىنىڭ اتىنان حات جولداعان ارداگەرلەر ت.تورەبەكوۆ, ءا.ساندىباەۆ, ت.جام­بىلوۆ, ب.جاڭاباەۆ: «بۇل جاپپاي قولداۋ ءسىزدىڭ تاۋەلسىز قازاقستاندى الەم­دەگى وركەنيەتتى ەلدەر قاتارىنا قو­سىپ, قۋاتتى ءارى داۋلەتتى مەملەكەت قۇرۋ جولىنداعى قايتالانباس تاريحي ەڭبە­گىڭىزگە بەرىلگەن بيىك باعا», دەپ جازادى. «بۇل جەڭىس – ءCىزدىڭ تىنىمسىز ەڭبە­گىڭىزدىڭ, كورەگەن ساياساتىڭىزدىڭ, ۇلكەن پاراساتىڭىزدىڭ جەڭىسى. بۇل جەڭىس قا­زاق­ستان حالقىنىڭ سىزگە دەگەن ىستىق ىقىلاسى, شەكسىز قۇرمەتىنىڭ كورىنىسى» دەپ جازادى باياناۋىل تۇرعىندارىنىڭ اتى­نان قۇتتىقتاپ, يگى تىلەكتەرىن جول­داعان ەڭبەك جانە سوعىس ارداگەرلەرى م.راحمەتوۆ, ت.مولداباەۆ, ق.نازارباەۆ, يا.سولداتەنكو جانە مۋسين. وسىلاي جەدەلحات ارقىلى قۇتتىقتاپ, تىلەكتەستىك بىلدىرگەندەردىڭ ىشىندە زەينەتكەرلەر – اقمولا وبلىسىنا قاراستى ساندىقتاۋ اۋدانىنىڭ تۇرعىنى ت.قايمۋلدين مەن وڭتۇستىك قازاقستان وبلىسى تولەبي اۋدا­نىنىڭ تۇرعىنى ت.كارىبەكوۆ جانە قى­زىلوردا قالاسىنىڭ تۇرعىنى گ.يس­مايلوۆا دا بار. مەملەكەت باسشىسىن سايلاۋداعى جەڭىسىمەن قۇتتىقتاپ, اق پەيىل, شىنايى نيەتىن ءبىلدىرىپ جاتقانداردىڭ ىشىندە جاستار دا از ەمەس. «قازاقستان حالقى ءادىل تۇردە ءوز تاڭداۋلارىن جاساپ, پرەزيدەنتىن سايلادى. ەلدىڭ بولاشاعى ءۇشىن بولعان بۇل سايلاۋدا حالىقتىڭ وزىڭىزگە زور سەنىم, ۇلكەن ءۇمىت ارتاتىنىن تاعى ءبىر مارتە پاش ەتتى»,  دەلىنگەن ءبىر توپ الماتىلىق جاستار جولداعان حاتتا. م.ح.دۋلاتي اتىنداعى تاراز مەملەكەتتىك ۋنيۆەرسيتەتىنىڭ جاستار كوميتەتى اتىنان ءبىر توپ ستۋدەنت اق تىلەكتەرىن ارناپ, جەدەلحات جولدادى. «ءبىز سىزگە تاڭ­داۋ جاساي وتىرىپ, ءوز بولاشاعىمىزدىڭ جارقىن بولاتىنىنا سەنىممەن قاراي­مىز» دەلىنگەن ۋنيۆەرسيتەتتىڭ جاستار كوميتەتىنىڭ ءتورايىمى ر.مۇحتارقۇلوۆا قول قويعان جەدەلحاتتا. ىبىراي التىن­سارين اتىنداعى ارقالىق مەملەكەتتىك پەداگوگيكالىق ينستيتۋتى ۇجىمى مەن ستۋدەنتتەرى دە ەلباسىن قۇتتىقتاپ, جەدەلحات جولدادى. جەدەلحات يەلەرى مەملەكەت باسشىسىنىڭ ەلىمىزدىڭ نىعايا بەرۋىنە باعىتتالعان ەڭبەكتەرىنە ساتتىلىك تىلەيدى. سونداي-اق, ل.ن.گۋميلەۆ اتىنداعى ەۋر­ازيا ۇلتتىق ۋنيۆەرسيتەتىندە وقي­تىن شەتەلدىك ستۋدەنت ياسىن قاتىران ءوز حاتىندا ەلباسىعا العىس سەزىمىن جەتكىزەدى. اقتوبە وبلىسىنىڭ اۋىل تۇرعىن­دارى اتىنان كەلگەن جەدەلحاتتا ءارتۇرلى اۋداننىڭ وكىلدەرى ەلباسىن ۇلكەن جە­ڭىسىمەن قۇتتىقتاپ, مەملەكەت باسشى­سىنىڭ اۋىلعا قامقورلىعى مەن قولداۋى ءۇشىن شەكسىز ريزاشىلىقتارىن بىلدىرەدى. وعان ب.عالىموۆ, ا.تولەۋوۆ, ا.چەمودانوۆ, م.اقكەنجين جانە تاعى دا باسقا اۋىل شارۋاشىلىعى قىزمەت­كەر­لە­رى مەن كاسىپورىندار باسشىلارى, شارۋا قوجالىقتارىنىڭ جەتەكشىلەرى جانە ەڭبەك ارداگەرلەرى قول قويعان.