«قۇتتىقتايدى قازاق ەلى, ۇل-قىزى!»

ەلىمىزدىڭ باس سايلاۋى ءوتتى. ۇيىمشىلدىقپەن وتكەن بۇل سايلاۋدا حالقىمىز سانالى تۇردە ءوز قالاۋلارىمەن ەلىمىزدىڭ پرەزيدەنتىن تاڭداپ الدى. مەن وسى ماقالا ارقىلى قايتادان ەلباسى بوپ سايلانعان نۇرسۇلتان ءابىش ۇلىن جانە دە ەل ازاماتتارىن تۇتاس ەل بولىپ بەرەكە-بىرلىككە بەتبۇرىس جاساعان قادامدارىمەن قۇتتىقتاعىم كەلەدى. مىناۋ الەمدە ءوتىپ جاتقان دۇربەلەڭ قوزعالىستار كەزەڭىندە ۇيىمشىلدىقپەن, سانالى تۇسىنىستىك­پەن وتكەن بۇل سايلاۋ قازاقستاندىقتاردىڭ ازاماتتىق دارەجەسىنىڭ كورسەتكىشىندەي بولدى. سايلاۋعا بەلسەنە قاتىسۋ ەلىمىزدىڭ ەلدىگىنىڭ, ازاماتتارى­مىزدىڭ ازاماتتىعىنىڭ كورسەتكىشى. وسى سايلاۋ ەلىمىزدى ەڭسەلەندىرە, بىرىكتىرە, باۋىرلاستىرا تۇسكەن سەكىلدى. بىرلىك-بەرەكەمىزدى ارتتىرا تۇسكەن سەكىلدى. بۇل قۇبىلىستىڭ قازاق ەلىنىڭ بەدەلىن الەمگە پاش ەتەرى اقيقات. ءار ادامنىڭ سايلاۋعا قاتىسۋى ءوزىنىڭ وسى ەل ازاماتى ەكەندىگىنە دەگەن سەنىمىنىڭ ويانۋى! ەل بولاشاعى ءۇشىن ءوز ۇلەسىن قوسۋى. مەن ءوزىمىز داۋىس بەرگەن سايلاۋ ۋچاسكەسىندەگى جاعدايعا قاراپ, كورسەتكىشتىڭ وتە جوعارى بولعاندىعىنا كوزىم جەتتى. كەۋدەمدى قۋانىش سەزىمى بيلەدى. ورتاق جەڭىسىمىز قۇتتى بولسىن, وتانداستار! ەلىمىزدىڭ بەرەكە-بىرلىگىن ءوز قولىمىزبەن, ءوز ىسىمىزبەن وسىلاي وركەندەتە بەرەيىك! قۇرمەتتى نۇرسۇلتان ءابىش ۇلى! مەن ءسىزدى وسى جۇرەك-جاردى ما­قالا ارقىلى ەلباسى بوپ قايتا سايلانۋىڭىزبەن قۇتتىقتاپ, «ەل اماناتى» اتتى اۋىر مىندەتتى بۇرىنعىشا ابىرويمەن ات­قا­را بەرۋىڭىزگە شىن جۇرەكتەن تىلەكتەس ەكەنىمىزدى بىلدىرگىمىز كەلەدى. ەلىڭىزدىڭ دە, ءوزىڭىزدىڭ دە جەڭىسىڭىز قۇتتى بولعاي, جەمىستى بولعاي! قۇتتىقتاۋ رەتىندە سىزگە ارناپ جازعان ولەڭىمدى جولدايمىن! بايتاعىمنىڭ باقىتىنا جارالعان – تاپقان ۇلى قازەكەمنىڭ ءبىر قىزى! قازاق اتى نۇرسۇلتان دەپ تارالعان, بار الەمگە نۇر شاشادى جۇلدىزى!   بايتاق دالام جاسىل باققا بولەندى, جالعىز اعاش ورمان ەكەن, كوردىك ءبىز! قامسىز ەلىم, قامال سالماي قورعالدى, جالعىز ادام قورعان ەكەن, سەزدىك ءبىز!   از جۇرتىڭدى تەڭەستىرگەن قىتايمەن ءبىر قازاقتى مىڭعا بالاپ, ءوزىڭسىڭ! ۇتىپ كەلگەن قارسىلاستى ۇپايمەن, اللا بەرگەن قازاعىما ءتوزىمسىڭ!   ەلىڭ بولجاپ بولاشاعىن سىزبەنەن, قۇتتىقتايدى جەڭىسىمەن جالعىزىن! ۇرپاعىنان ۇلىلىقتى دامەتىپ, نۇرگ ۇلىم دەر, نۇرسۇلتان دەر ۇل-قىزىن!   ماقتانامىز كىسىلىكتى سەزىنىپ, قاراپ قالدى ەۋروپا اۋزىما! بولماعان باق قازاعىما كەزىگىپ, سەنىم تاپتىق الاتىنداي تاۋ بۇزا! شاڭى شىقتى, ارتتا قالعان جاياۋدىڭ, ءۇنى شىقتى ارقاڭىزدا جالعىزدىڭ! دەيدى جۇرتىڭ, ءتاڭىر بەرگەن, اياۋلىم, عارىشتان دا ەلگە سالەم سالعىزدىڭ! ءار قادامىڭ قۇت اكەلگەي ەلىڭە, قۇتتىقتايدى قازاق ەلى, ۇل-قىزى! بيلىك ايتقان ەۋرازيا تورىندە, جاسا! جاسا! قازاعىمنىڭ جالعىزى! سايىن نازاربەك, ساۋلەتشى, اقىن, قازاقستاننىڭ  ەڭبەك سىڭىرگەن قايراتكەرى,  شىعىس قازاقستاننىڭ اباي اۋدانىنىڭ, اتىراۋداعى ماحامبەت اۋدانىنىڭ قۇرمەتتى ازاماتى. اقتاۋ.