قازاقستان – بولاشاعى جارقىن ەل

قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆ­تىڭ بيىلعى ەل حالقىنا جول­داۋى ەكونوميكالىق ماڭىزدى ماسە­لە­لەردى – لوگيستيكا مەن قۇرىلىستان باستاپ ءبىلىم بەرۋ جانە دەنساۋلىق ساقتاۋ سالالارىن تۇگەل قامتىپ وتىر. وندا باستى نازار قازاقستان ەكونوميكاسىنىڭ تەحنولوگيالىق جاڭعىرتىلۋىنا اۋدارىلعان. بۇل, قازىرگى الەمدىك ەكونوميكاداعى جاعدايدى سارالاي كەلگەندە, وتە دۇرىس باعىت بولىپ تابىلادى. مەنىڭ ويىمشا, جولداۋدىڭ ماڭىزدىلىعى شاعىن ەكو­نو­ميكالىق ماسەلەلەرمەن قاتار, حالىق اراسىنداعى كاسىپكەرلىكتى جاپ­پاي قولداۋ مەن كاسىپكەرلىك ورتانى دامىتۋعا جوعارى كوڭىل ءبولىنۋ­ىندە بولىپ وتىر. بۇل ءوز كەزە­گىندە شاعىن جانە ورتا كاسىپ­كەر­لىكتىڭ دامۋىنا داڭعىل جول اشىپ, سونىڭ ارقاسىندا قازاق­ستان ازاماتتارىنىڭ ءال-اۋقاتىن ارتتىرا تۇسۋىنە مۇمكىندىك تۋعىزادى. قازاقستان پرەزيدەنتى – كورەگەن كوشباسشى بولىپ تابىلادى. سوندىقتان مەن ەل تاۋەلسىزدىگىنىڭ 25 جىلىندا جەتكەن جەتىستىكتەرىنە ساي قازاقستان باسشىسىنىڭ ەڭ­بەگىن ايرىقشا اتاي وتىرىپ, ەلدىڭ ودان ءارى جاڭا جەتىستىكتەرگە جەتە بەرەتىنىنە تولىق سەنىمدىمىن. نيكولاي گوردىنا, ۋكراينا ساۋدا-ونەركاسىپ پالاتاسى دەپارتامەنتىنىڭ ديرەكتورى * * * گرەكيا ارقاشاندا قازاق­ستان­مەن دوستىق قارىم-قاتىناستا بولۋعا باسا نازار اۋدارىپ كەلەدى. ەكى ەلدى قازاقستاندا تۇ­رىپ جاتقان گرەك دياسپوراسى مەن ءبۇ­گىندە تاريحي وتانىنا ورال­عان بۇرىنعى قازاق­ستاندىق گرەك­تەر تىعىز بايلانىس­تىرۋدا. ءبىز قا­زاق­ستاننىڭ قول جەتكىزگەن تابىستارىنا, ەكونوميكالىق دامۋىنا, ساياسي جۇيەسىنىڭ ور­نىق­تىلىعىنا جانە ونداعى تۇراق­تىلىققا قاراپ شىن نيەتى­مىز­بەن قۋانامىز. بىزدەر, قازاقستاننىڭ گرەكيا­لىق دوستارى پرەزيدەنت نۇرسۇلتان نازارباەۆتىڭ بيىلعى «قا­زاق­ستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋى ەلدىڭ ەكونوميكالىق دا­مۋىنا ءسوزسىز تىڭ سەرپىن بەرە­تىنىنە كۇماندانبايدى. قازاقستان ءوز تاۋەلسىزدىگىن جاريا­لا­عاننان بەرگى ارالىقتا بەلگى­لەگەن باسىم باعىتتارىن, العا قوي­عان ماقسات-مىندەتتەرىن ابىرويمەن جۇزەگە اسىرا ءبىلدى. ءبىز بارشا قازاقستاندىقتارعا تابىس پەن ءوسىپ-وركەندەۋ تىلەيمىز. فەدور يگناتياديس, «افينسكي كۋرەر» گازەتىنىڭ باس رەداكتورى (گرەكيا)