مادەنيەت پەن ونەر سالاسىنداعى شىعارماشىلىق وداقتاردىڭ مالىمدەمەسى

قازاقستاننىڭ مادەنيەت پەن ونەر سالاسىنداعى شىعارما­شى­لىق وداقتارىنىڭ وكىلدەرى كەزەكتەن تىس پرەزيدەنتتىك سايلاۋدىڭ قورىتىندىسىن زور ريزاشى­لىق­پەن قابىلداپ, بۇل سايلاۋداعى نۇر­سۇلتان ءابىش ۇلى نازارباەۆ­تىڭ جەڭىسىن ايرىقشا قۋانىشپەن قارسى الدى. شىعارماشىلىق وداقتار تاۋەل­­سىزدىكتىڭ تاڭىنان باستاپ تۇڭعىش پرەزيدەنتىمىزدىڭ ەلدىك مۇرات, ۇلت­تىق مۇددە تۇرعىسىندا ۇستان­عان باعىتىن ءاردايىم قولداۋمەن كەلەدى. ەلباسىمىز مەملەكەتى­مىز­دىڭ ءال-قۋاتىن نىعايتۋمەن قاتار, حا­لىقتىڭ الەۋمەتتىك-تۇرمىستىق جاع­دايىنىڭ جاقسارۋىنا دا, ءما­دەنيەت پەن ونەردىڭ وركەندەپ دا­مۋىنا دا ۇدايى كوڭىل ءبولىپ وتىر­عانىن اتاپ وتەمىز. ءومىردىڭ سان ءتۇرلى سالاسىن­داعى مەملەكەتىمىزدىڭ قول جەتكىزگەن بۇگىنگى تولايىم تابىستارى, بيىك ناتيجەلەر بەرگەن قوعام­داعى وڭ رەفورمالار – ەلبا­سى­نىڭ الىستى بولجاي بىلەتىن, وزگەلەردى سوعان يلاندىرا الاتىن كورەگەن ساياساتىنىڭ ارقاسى دەپ بىلەمىز. سايلاۋالدى ناۋقان باستال­عان­نان-اق ءبىز نۇرسۇلتان نازار­باەۆ­تىڭ كانديداتۋراسىن تاباندى ءتۇر­دە جاقتايتىندىعىمىزدى اشىق ءبىل­دىردىك. كوپشىلىگىمىز ءتۇرلى دەڭ­گەيدەگى شتاب جۇمىسىنا جۇمىلا ارالاسىپ, جاقتاستار تاراپىنان ۇيىمداستىرىلعان اكتسيالارعا بەلسەندى قاتىناستىق. اسىرەسە, ەلباسىنىڭ «بولا­شاق­­تىڭ ىرگەسىن بىرگە قالاي­مىز» اتتى بيىلعى جىلعى جول­داۋىن­داعى جاڭا مىندەتتەر ونەر قاي­راتكەرلەرىنىڭ شابىتىنا شا­بىت قوسىپ, ايرىقشا جىگەر بەردى. بۇل باعدارلامانىڭ ويداعىداي جۇزە­گە اساتىنىنا نىق سەنەمىز. ءبىز, مۋزىكا مەن تەاتر سالا­سى­نىڭ, كومپوزيتورلاردىڭ, كينە­ماتوگرافيستەردىڭ, ساۋلەتشىلەر مەن سۋرەتشىلەر وداقتارىنىڭ شى­عارما­شىلىق وكىلدەرى, نۇر­سۇلتان نا­زار­باەۆتىڭ تاۋەلسىز قازاق مەملەكەتىن قۇرىپ, ونىڭ ەكونو­ميكالىق الەۋەتىن مىقتاپ, الەمگە تانىمال ەتۋ جولىنداعى قاجىر-قايراتىن جوعارى باعا­لايمىز. ءوز كەزەگىندە ءبىز دە ەلىمىزدىڭ ءما­دەنيەتىن ودان ءارى وركەندەتۋ ىسىنە, حالقىمىزدىڭ كەلەشەگىنىڭ كەمەل بو­لۋىنا بارلىق قاجىر-قايراتى­مىز­دى جۇمسايمىز دەپ سەندىرەمىز. ەرمەك سەركەباەۆ, تۇڭ­عىش­باي جامانقۇلوۆ, بالنۇر قىدىربەك,  يگور ۆوۆنيانكو, اقمىرزا رۇستەمبەكوۆ, باي­تۇر­سىن ومىربەكوۆ.