باقىتتى ۇرپاق وكىلىمىن

ءيا, مەن باقىتتى ۇرپاقتىڭ وكىلىمىن. مەنىڭ قازاقستانىمنىڭ, قازاق ەلىنىڭ تاۋەلسىزدىك العانىنا بيىل 20 جىل تولادى. مەن تاۋەل­سىز­دىكتەن كەيىن ومىرگە كەلگەن با­قىتتى قىزبىن. وسى ۋاقىت ىشىندە ەلىمىز تورتكۇل دۇنيەگە ءتورت قۇ­بىلاسىن تۇگەندەي وتىرىپ تانىل­دى. كۇنى كەشە عانا پرەزيدەنتتىك ساي­لاۋ وتكىزدىك. وسى سايلاۋ­دىڭ ناتيجەسى وتانىمىزداعى بىرلىكتى كورسەتتى. نۇرسۇلتان ءابىش­ ۇلى اتا­­مىزدىڭ ساياساتىنىڭ دۇ­رىس­­تى­عىن دالەلدەدى. ءبىز ەندى كوش­­باس­شى­مىزدىڭ باستاۋىمەن, ءبىر كەزدەرى اتاقتى ءسوز زەرگەرى ءابىش كە­كىل­باي ۇلى ايتقانداي, «تاۋەلسىز­دىك ءتاتتى ءسوز عانا ەمەس, ول ۇلتتىق جاۋاپكەرشىلىك» ەكەنىن تۇسىنە وتى­رىپ, بۇگىنگى جەتكەن بيىگىمىزبەن ەلدىك كۇنىمىزدى الەمگە تانىتا وتى­رىپ تويلايتىن بولا­مىز. ءدۇ­نيە­جۇزىنە مۇنداي ەلدىگىمىزدى كور­سەتەتىن جاقسى ىستەردى بۇ­دان بۇ­رىن دا اتقارعان ەدىك. بۇگىنگى تاڭدا مەن سەكىلدى جاس­تارعا نە جەتپەيدى دەگەنگە ايتا­رىم, بىلىمدىلىك, تاربيەلىلىك, ۇلت­تىڭ رۋحاني قۇندىلىعىن تەرەڭ ءبىلۋ دەر ەدىم. كەز كەلگەن ادام بوي­ىنداعى جاقسى قاسيەتتەردىڭ قا­لىپ­تاسۋىنا ءبىرىنشى كەزەكتە ىشكى مادەنيەتى, ادامي قاسيەتى, تەكتىلىگى, تازالىقتى قادىرلەيتىن بول­مى­سى كوپ سەپتىگىن تيگىزەدى. مەن استانادان الىستاعى اۋىل مەكتەبىندە ءبىلىم الىپ ءجۇرمىن. بولاشاقتا وتانىمنىڭ جاقسىلىعىن جۇرتقا جەتكىزەتىن جۋرناليست ماماندى­عىن مەڭگەرسەم دەگەن نيەتىم بار. وسىنداي تالابىما جاسالىپ وت­ىر­عان قامقورلىق اۋىلدا دا از ەمەس. سونىڭ بارىنە ۇيىتقى بو­لىپ, ەرەكشە قامقورلىق جاساپ وت­ىرعان ەلباسىنىڭ كورەگەندىگى دەر ەدىم. وسى ارادا ويىما اقتام­بەردى جىراۋدىڭ: «سارى ايازدا قاتا ما, قايناردىڭ اققان بۇلاعى. قاپ تۇبىندە جاتا ما, بولاتتىڭ اسىل سىنىعى. حالقى توزىپ, كەم بولماس, ءادىل بولسا ۇلىعى» دەگەن ولەڭى ويعا ورالادى. بۇل بۇگىنگى كوشباسشىمىزدىڭ ءادىل ساياساتىن, حالقىن العا جەتەلەگەن ەرەن ەڭ­بە­گىن كورسەتەتىن جىر جولدارى دەپ بىلەمىن. ەلىمىز وركەندەپ, ءبىز سي­ياق­تى جاستاردىڭ تاۋەلسىز مەملە­كەت­تىڭ التىن شاڭىراعىنا ءبىر ۋىق بولىپ شانشىلاتىنىنا سەنىمىم مول. بۇل ويلارىم تەك مەنىڭ عانا بايلامىم ەمەس, مەن سەكىلدى ميل­ليونداعان جاستاردىڭ پىكىرىنىڭ ارقاۋى ەكەنى ءسوزسىز. ۇلداناي تولەنباەۆا, و.جاندوسوۆ اتىنداعى مەكتەپتىڭ  11 سىنىپ وقۋشىسى. الماتى وبلىسى, ەڭبەكشىقازاق اۋدانى.