قازاقستان قورجىنىندا – قوس التىن

العاشقى التىننان اينالدىق!

ءسۇيىنشى! ءدال وسى مەزەتتە قازاقستان قورجى­نىنا العاشقى التىن كەلىپ ءتۇستى! 2015 جىل­عى ۋنيۆەرسيادادا (يسپانيا, سلو­ۆاكيا)  التىن مەدال العان بياتلونشى الينا رايكوۆا سونداعى كورسەتكىشىن ال­ماتىدا قايتالادى. 15 شاقىرىمدىق قاشىقتىقتا مىلتىق اتۋدان نەبارى ەكى رەت «سۇرىنگەن» ا.رايكوۆا 59 مينۋت 48,7 سەكۋند كورسەتكىشپەن التىننان ال­قا تاقتى. بار جوعى +2:21 كورسەتكىش ارت­تا قالعان تاعى ءبىر بياتلونشىمىز گا­لينا ۆيش­نەۆسكايا كۇمىس مەدالعا قول جەت­كىزدى. ءبىزدىڭ العاشقى التىنىمىز! ەكىنشى كۇ­مىسىمىز!

جانبوتا مەن باعلاننىڭ باعى جانعان ءسات

ءبارىمىز جاقسى كورەتىن, اتى اڭىزعا اينالعان مەدەۋدىڭ قۇدىرەتى بولار, ەر جىگىتتەر 5 مىڭ شاقىرىمدىق قاشىق­تىق­قا كونكيمەن جولعا تۇسكەن وسىناۋ سىندارلى ساتتە الاتاۋدىڭ تالعار جاعىنان تاعى ءبىر جۇرەكجاردى قۋانىشتى جا­ڭالىق كەلىپ جەتتى!!! فريستايلشى سۇلۋىمىز جانبوتا ال­­دا­بەرگەنوۆا سوزىندە تۇردى, اعايىن! ونىڭ كەشەگى قولا العاندا تولقىپ تۇرىپ: «الداعى كوماندالىق سايىس­تا قاتەلىك جىبەرمەۋگە تىرىسامىن», دەگەن ۋادەسى ورىندالدى. جانبوتا ال­دا­بەرگەنوۆا مەن باعلان ىڭكاربەك تاندەمى قورجىنىمىزعا ەكىنشى التىن مەدالدى سالدى. جاعالاسقان قىتايلىق قوس كوماندا دا ارتتا قالدى... بۇل كۇن بار جاقسى جاڭالىق بيىك تاۋداعى «مەدەۋ» سپورت كەشەنىندەگى باس­­پاسوز ورتالىعىنا كەلىپ توعىسقان كۇن بولدى! اتىڭنان اينالايىن, الاتاۋ! اتىڭ­نان اينالايىن, مەدەۋ! الايدا, اتاقتى مەدەۋ بۇگىن بىزگە ءبىر عانا مەدال سىيلادى. وكىنىشكە قا­راي, ەرلەر اراسىنداعى 5 مىڭ مەترلىك قا­شىق­تىقتا سايدىڭ تاسىنداي كىل ءىرى جىگىت­تەرىمىز جۇلدەسىز قالدى. بۇل الاماندا ءبىرىنشى بولىپ يتاليالىقتار مارەگە جەتتى. جاپوندار ەكىنشى, اۆستريا سپورت­شىلارى ءۇشىنشى بولىپ مارە سىزىعىن قيدى. سپورتشىلار كيىم اۋىستىراتىن زالدا ۋنيۆەرسيادا وتكىزۋشى ديرەكتسيانىڭ جەتەكشىسى نايل نۇروۆپەن كەزدەستىك. بۇگىنگى الاتاۋداعى جاپالاقتاپ جاۋعان قاردىڭ سپورتشىلارعا قانشالىقتى  قيىن­دىقتار تۋعىزعانى جونىندە ساۋال تاس­تادىق. – تاڭعى ساعات 9.00-دە شىمبۇلاققا تۇسكەن قاردىڭ قالىڭدىعى 50 سانتي­مەترگە جەتتى. توقتاۋسىز جاۋىپ تۇردى. جا­رىس شارتتارىنا ساي مۇنداي جاع­دايدا باسەكە توقتايدى, – دەدى نايل فا­ريد­ ۇلى. – سول سەبەپتى دە شىم­بۇ­لاقتا وتەتىن ايەلدەر كروسى ەرتەڭگە اۋىستىرىلدى. سنوۋبوردتان جارىس ەكى ساعاتقا شەگەرىلدى. شاڭعى جارى­سى مەن بياتلونعا قاتىسۋشى سپورتشى­لارى­مىزعا دا جاپالاقتاپ جاۋعان قاردىڭ تيگىزگەن اسەرى از بولمادى. ەرتەڭ كۇن اشىلۋى ءتيىس... ۋنيۆەرسيادانىڭ ەكىنشى كۇنىن قا­زاقستان سپورتشىلارى 2 التىن, 2 كۇ­مىس جانە 4 قولا مەدالمەن – جالپى­كو­ماندالىق ەسەپتە ەكىنشى ورىنمەن اياق­تادى. مەدەۋدىڭ اسپانىنان التىن جاۋاتىن كۇندەر الدا. ءۇمىتىمىزدى ۇزبەيىك! ويتكەنى, كونكيشىلەرىمىز ەرتەڭ, بۇرسىگۇنى, ونىڭ ارعى كۇنى... ءوزىمىزدىڭ مەدەۋدە تاعى دا باق سىنايدى, كۇش كورسەتەدى...  

مەدەۋدىڭ قارى تىزەدەن...

قاردىڭ جاۋعانى جاقسى ەمەس پە؟! – قىستىڭ كۇنى مەدەۋدە قار جاۋعانى ونشا قۇپتارلىق جايت ەمەس, – دەدى رياسىز جىميعان بيىك تاۋداعى «مەدەۋ» سپورت كە­شەنى­نىڭ باس مەنەدجەرى دۋلات كەي­كين. – ونىڭ سەبەبى, وزدەرىڭىز بىلە­سىزدەر, ءبىزدىڭ «مەدەۋ» دۇنيە ءجۇزى بويىنشا اشىق اسپان استىندا ورنالاسقان بىرەگەي مۇز ايدىنى. سولت-لەيك-سيتي (اقش) مەن كال­گاري (كانادا) قالالارىنداعى بىزدىكىنە ۇقساس بيىك تاۋداعى مۇز ايدىنىنىڭ ەرەكشەلىگى سول, ول ستاديونداردىڭ قاجەتتى كەزىن­دە شاتىرى جابىلا قويادى. سون­دىقتان دا­ بىزگە مىناۋ جاپالاقتاپ تىنىمسىز جاۋعان اپپاق قاردى ايدىن بەتىنەن مەزگىل-مەزگىل تىنباي تازالاپ تۇرۋعا تۋرا كەلۋدە. بۇگىنگى باس مەنەدجەر, كەشەگى كەشەننىڭ باس ينجەنەرى دۋلات جاردەم ۇلىنىڭ ەسىمى «مەدەۋ» سپورت كەشەنىمەن تىكەلەي بايلا­نىستى. سەبەبى, مۇزداتۋ-توڭازى­تۋ تەحنولوگياسىنىڭ بىلىكتى ين­جەنەرى وسى سپورتتىق كەشەندە بار­لىعى 25 جىل ەڭبەك ەتكەن بولسا, ونىڭ 20 جىلىندا باس ين­جە­نەر قىزمەتىن اتقارعان ەكەن. مە­دەۋ­د­ىڭ كەشەگى جانە بۇگىنگى بار تىنىسى, تىرشىلىگى وزىنە سون­دىق­تان دا وتە جاقسى تانىس. بىلىك­تى ماماندى ۋنيۆەرسيادا ديرەك­تسياسى جارىس قارساڭىندا عانا سىرعاناق ايدىنىنا مەنەدجەرلىك قىزمەتكە شاقىرۋىنىڭ سىرى وسىندا جاتسا كەرەك. ءيا, بيىك تاۋداعى «مەدەۋ» سپورت كەشەنى دۇنيە جۇزىندە وسى­­ناۋ قاسيەتتەرىمەن دە ەرەك­شە­­لەنەدى. «مەدەۋ» قاي كەزدە دە قازاقستاننىڭ برەندى بولعان, بولىپ قالا بەرمەك. ساعات 11.00. توپەلەپ جاۋعان قار توقتار ەمەس. مۇز ايدىنىندا سپورتشىلارداي-اق زىر قاققان قار تازالاعاش تەحنيكا مۇزدىڭ بەتىن ايناداي ەتىپ جالتىراتىپ تاستادى.

قولا مەدالدى قومسىنبايمىز

...ىسقىرىق ەستىلىسىمەن ايەل­­دەر اراسىنداعى كونكي­مەن 1500 مەتر قاشىقتىققا جۇگىرۋ­دەن ج­ا­رىس باستالىپ كەتتى. قازاق­ستان­نىڭ نامىسىن 12 سپورتشى قىز­دارى­­­مىز قورعايدى. ولاردىڭ ارا­سىن­­دا اتاقتى ەكاتەرينا اي­دوۆا, نادەجدا سيدەلنيك, تاتيانا كليمۋك, ماريا سيزوۆا جانە باس­ق­الارى بار. قۇستاي ۇش­قان قىز­دارىمىزدىڭ ءدال ءبۇ­گىن رەكورد جاسايتىنىنا سەنە­يىك! مەدەۋدىڭ رۋحى قايتا كوتەرىل­گەندەي! مىنە, قىزدار اراسىنداعى ەكىنشى جۇپ ساپقا تۇردى. ازىرگە جەڭىمپازدىق كورسەتكىش جوق... ايتپاقشى, ءدال وسى ءسات­تە ۋني­­ۆەرسيادا-2017 باسپا­سوز ور­تا­لىعىنان اۋا رايى­نىڭ قولاي­سىز­دىعىنا بايلا­نى­س­تى مەدەۋدىڭ يىعىنداعى «شىم­بۇلاق» تاۋ شاڭعىسى كەشە­نىن­دە تاۋ شاڭعىسى كومبي­ناتسيا­سىنا كىرەتىن ايەلدەر ارا­سىن­داعى سۋپەرگيگانت جارى­سى كەيىن­گە شەگەرىلگەنى تۋرالى حابار ءتۇستى. سونداي-اق, توپەلەپ جاۋ­­عان قار ۋنيۆەرسيادانىڭ سيم­ۆولىنداي بولعان «سۇڭقار» اتاۋ­لى ترامپ­ليندە دە قوس سايىس ءتۇرىن­دەگى بيىكتىكتەن سەكىرۋ جارى­سىن توقتاتىپتى. ايگىلى «الاتاۋ» سپورت كەشەنىندەگى بياتلون مەن شاڭ­عى جارىسىنىڭ ءوتۋ ۋاقىتىنا وزگەرتۋلەر ەنگىزىلۋى مۇمكىن ەكەن. سوعان قاراماستان, ءيا, سوعان قاراماستان... رەكوردتار ۇستا­حاناسى سانالاتىن بيىك تاۋ­داعى «مەدەۋ» مۇز ايدى­نى­نىڭ جيە­گىندە تۇرىپ, جانىمىزعا جا­عىم­دى جاڭالىق ەستىدىك. ۋنيۆەرسيادانىڭ العاشقى كۇنى قازاقستان قورجىنىنا ءبىرىن­شى بولىپ قولا مەدال سالعان شاڭ­عىشى اننا شەۆچەن­كو تاعى دا جۇلدەگەرلەر قاتارى­­نان كورىندى دەيدى! بۇگىنگى 5 شا­قى­رىمدىق ەركىن ستيلدەگى ايەل­دەر ارسىنداعى وتكەن ج­ارىس­تا 13:51,0 كورسەتكىشىمەن دارا­لان­عان شاڭعىشى قىزىمىز ەكىن­شى رەت قولا مەدال ۇتىپ الدى. بۇل جولى دا كەشەگى باستى قارسىلاستار – رەسەيلىكتەر اننا نەچاەۆسايا مەن ليليا ۆاسيلەۆا التىن مەن كۇمىستى قولدان الىپ كەتتى. نازار اۋدارارلىعى سول, بۇگىن التىندى – ليليا, كۇمىستى – اننا الدى. بەينەبىر, رەسەيلىك شاڭعىشى قىزدار ءوزارا الدىن الا اقىلداسىپ العانداي-اق... جارايدى, ءوزىمىزدىڭ اننامىزعا قۇتتى بولسىن ايتايىق! ءار جا­رىس مەدالسىز ەمەس, ايتەۋىر... ازىرگە! ءۇمىتىمىز – رەكوردتار ۇستا­حاناسى اتانعان مەدەۋدە!!! مەدەۋدىڭ مۇزىنىڭ ۇستىندە كونكيدىڭ تابانىنان وت ۇشقىن­داي باستادى. جارىس قىزدى. مىنە, ايتىپ اۋىز جيعان­شا بول­­عان جوق, ايگىلى كونكي­شىمىز ەك­ا­­تەرينا ايدوۆامىز 1500 مەتر­­لىك قاشىقتىقتا جۇلدەلى ءۇشىن­­شى ورىنعا شىعىپ ءبارىمىزدى ءبىر مار­قايتىپ-اق تاستادى. كاتيا­نىڭ كوزدەگەنى ودان دا بيىك ەدى! الاي­دا, بۇگىنگە – وسى. ايەلدەر ارا­سىن­­داعى جارىس قاس پەن كوزدىڭ ارا­سىندا اياقتالدى دا قالدى. «مەدەۋدەگى» العاشقى مەدال! قازاقستاننىڭ 5-ءشى مەدالى... «مەدەۋ» سپورتتىق كەشەنى­نىڭ مۇز ايدىنىندا دا, اينالا­سىن­دا دا قاربالاس تىرلىك قاي­ناپ جات­تى. ۇستىنە ۇيمە-ۇيمە قار تي­گەن اۋىر كولىكتەر تومەن قا­راي قۇل­دي­لاپ كەتىپ جاتتى. قار جاۋ­­­عا­­نىن توقتاتار دا ەمەس. ال­ما­­تى­­نىڭ توتەنشە جاعدايلار دە­­پار­­تا­­­مەنتى دە «قالعىماي», الا­­تاۋ­­دا قار كوش­كىنى جۇرەتىنى تۋرا­لى سۋىق حابار­دى قايتا-قايتا SMS حا­بار­­لا­مامەن جولداۋدان جالىعار ەمەس. ساعات 13.00-دە باستالاتىن 5 مىڭ مەتر قاشىقتىققا جۇگى­رەتىن كونكيشى جىگىتتەردىڭ باسە­­كە­سى تابيعاتتىڭ قۇبىلۋىنا باي­­لا­نىستى 14.45-كە شەگەرىلدى. مەدال كۇتىپ وتىرمىز... تالعات ءسۇيىنباي, «ەگەمەن قازاقستان»  الماتى