استانادا تۇرعىن ءۇي باعاسى تۇبەگەيلى وزگەرمەيدى - ساراپشى

قازاقستان قۇرىلىس سالۋشىلارى قاۋىمداستىعىنىڭ ساراپشىسى داۋرەن ايتكەنوۆتىڭ ويىنشا, اعىمداعى جىلى استانا قالاسىندا تۇرعىن ءۇيدىڭ باعاسى تۇبەگەيلى وزگەرمەيدى. ال باسپاناعا دەگەن سۇرانىس ۇلعايا تۇسەدى, دەپ حابارلايدى ۇيىمنىڭ ءباسپاسوز قىزمەتى. «بۇگىندە ەلوردادا تۇرعىن ۇيگە دەگەن سۇرانىس جىل سايىن ءوسىپ كەلەدى. 2014 جىلدان باستاپ ولسۇرانىستىڭ كورسەتكىشى 20 پايىزعا ارتىپ وتىر. الداعى ۋاقىتتا ادام سانىنىڭ وسۋىمەن باسپاناعا دەگەن سۇرانىس تا ارتا تۇسەدى. وعان «نۇرلى جەر» باعدارلاماسى دا ءوز ىقپالىن تيگىزەدى», - دەيدى ايتكەنوۆ. ونىڭ ايتۋىنشا, قولجەتىمدى يپوتەكاعا دەگەن سۇرانىس جىلجىمايتىن م ۇلىك نارىعىنداعى باعانىڭ كوتەرىلۋىنە سەبەپ بولادى. سوڭعى جىلدارى ونداي ءۇردىس انىق بايقالىپ وتىر. 12 جىلدىڭ ىشىندە تۇرعىن ءۇيدىڭ باعاسى ءۇش ەسەگە وسكەن. «ال باعانى نەگىزسىز كوتەرۋ ارەكەتتەرى دەۆالۆاتسيا كەزىندە, يا بولماسا, نارىقتاعى دەلدالدار تىم كوبەيگەندە بولادى. ماسەلەن, 2015 جىلى جەلتوقسان ايىندا ەكىنشى رەت ساتىلاتىن باسپانانىڭ ءبىر شارشى مەترى 468 مىڭ تەڭگەگە, 2016 جىلى قاڭتار ايىندا جاڭا ۇيلەردىڭ باعاسى ءبىر شارشى مەترى ءۇشىن 362 مىڭ تەڭگەگە جەتكەن. وسىلايشا, باعانىڭ نەگىزسىز كوتەرىلۋىنە دەۆالۆاتسيا مەن دوللار باعامىنىڭ 360 تەڭگەگە دەيىن كوتەرىلۋى اسەر ەتتى. كوپ ۇزاماي, باعا ءوز دەڭگەيىنە ءتۇستى. مەنىڭشە, اعىمداعى جىلدا تۇرعىن ءۇيدىڭ باعاسى تۇراقتى بولادى», - دەيدى ساراپشى.