قوستاناي وبلىسىندا جىل باسىنان بەرى 60 ۇيالى تەلەفون ۇرلانعان

 وبلىستىق ىشكى ىستەر دەپارتامەنتىنىڭ قىلمىستىق ءىستى تەكسەرۋ پوليتسياسى باسقارماسىنىنىڭ مالىمەتىنشە, بارلىق ۇرلىق ءتۇرىنىڭ 20 پايىزىن تەك ۇيالى تەلەفون ۇرلىعى قۇرايدى. تەلەفون ۇرلىعىن ازايتۋ ءۇشىن  ىشكى ىستەر مينيسترلىگىنىڭ  قىلمىستى تەكسەرۋ دەپارتامەنتى  ۇلى بايلانىس وپەراتورلارىمەن مەموراندۋمعا قول قويعان بولاتىن.  مەموراندۋمنىڭ مانىسى—ۇرلانعان تەلەفونداردىڭ  ابونەنتتىك قۇرىلعىسىن بۇعاتتاپ, سىرتپەن بايلانىسىن ءۇزىپ تاستاۋعا سايادى. --قازاقستاندا قازىر ۇرلانعان تەلەفوندى پايدالانا المايدى. IMEI كودى بويىنشا قۇرىلعى بۇعاتتالادى. مۇندايجاعدايدا تەلەفونىن ۇرلاتقان كىسى  ىشكى ىستەر ورانىنا كەلىپ,  ارىز جازۋى كەرەك, وندا تەلەفونىنىڭ سىرتقى سيپاتىن كورسەتەدى, سوسىن ارىزبەن قوسىپ تەلەفوننفڭ ءوزىنىڭ مەنشىگى ەكەنىن راستايتىن   قۇجاتتارىن دا تاپسىرادى, -- دەيدى قىلمىستى تەكسەرۋ پوليتسياسى باسقارماسىنىڭ جەدەل وكىلى رينات قابىلبەكوۆ. 2016 جىلى وبلىس وڭىرىندە 3000 ۇيالى تەلەفون ۇرلانعانى تىركەلگەن, سونىڭ ىشىندە تەلەفوندارى دەر ۋاقىتىندا بۇعاتتالعاندار دا بار. امەريكا قۇراما شتاتتارىنداعى پوليتسەيلەر  ۇرلانعان تەلەفوندى بۇعاتتاۋ تاجىريبەسىن وتە بەلسەندى قولدانادى ەكەن. سونىڭ ناتيجەسىندە  ۇرلىقشى قولعا تۇسىرگەن تەلەفونىن كادەگە اسىرا المايدى, ول ءجاي پلاستيككە اينالادى,   ونى  يەسىنە قايتارۋدان باسقا امالى جوق. قوستانايلىق پوليتسەيلەر دە امەريكالىق ارىپتەستەرىنىڭ تاجىريبەسىن قولدانباق. رينات قابىلبەكوۆتىڭ ايتۋىنشا, قازىر  پوليتسياعا  تاۋىپ العان تەلەفوندى اكەلۋشىلەر قاتارى كورىنە باستاپتى. ءنازيرا جارىمبەتوۆا, «ەگەمەن قازاقستان»