بيۋدجەت شىعىستارىنىڭ تيىمدىلىگىن تۇبەگەيلى ارتتىرۋ قاجەت - ەلباسى

سالىق-بيۋدجەت ساياساتىن جاڭا ەكونوميكالىق جاعدايعا بەيىمدەپ, بيۋدجەت شىعىستارىنىڭ تيىمدىلىگىن تۇبەگەيلى ارتتىرۋ قاجەت. بۇل تۋرالى قر پرەزيدەنتى حالىققا جولداۋىندا مالىمدەدى. ء"بىز 2017 جىلى مەملەكەتتىك دامۋ باعدارلامالارىن قاجەتتى رەسۋرستارمەن تولىقتاي قامتاماسىز ەتتىك. مينيسترلىكتەر مەن ۆەدومستۆولاردىڭ قاراجاتتى يگەرۋىنىڭ تيىمدىلىگىن تەكسەرۋ قاجەت. رەسپۋبليكالىق بيۋدجەتتىڭ 40 پايىزدان استامىن قۇرايتىن دەنساۋلىق ساقتاۋ,  ەڭبەك جانە حالىقتى الەۋمەتتىك قورعاۋ, ءبىلىم جانە عىلىم مينيسترلىكتەرىنەن باستاۋ كەرەك. ونىڭ قورىتىندىسى بويىنشا ماعان باياندالسىن. تيىمسىز باعدارلامالاردىڭ قاراجاتىن ءۇشىنشى جاڭعىرتۋ مىندەتتەرىن ىسكە اسىرۋدى قامتاماسىز ەتەتىن باعدارلامالارعا قايتا ءبولۋ قاجەت. سونداي-اق, قاراجاتتى ناقتى ەكونوميكاعا نەعۇرلىم تەزىرەك ءارى تيىمدىرەك جەتكىزۋ ءۇشىن بيۋدجەتتىك راسىمدەردى جەڭىلدەتكەن ءجون", - دەيدى ەلباسى. ء"بىز فيسكالدىق ورتالىقسىزداندىرۋ ساياساتىن جالعاستىرۋىمىز كەرەك. وتكەن جىلداردا ورتالىقتان جەرگىلىكتى جەرلەرگە كوپتەگەن فۋنكتسيالار مەن وكىلەتتىكتەر بەرىلدى. ەندى ولاردىڭ جەتكىلىكتى قارجىلىق دەربەستىگىن بەكەمدەي ءتۇسۋ قاجەت. سونىمەن بىرگە, قارجى شىعىسى جونىندەگى وكىلەتتىكتەردىڭ وبلىستىق دەڭگەيدە شوعىرلانۋىنا جول بەرمەۋ ماڭىزدى. ولاردى ءارى قاراي اۋداندىق جانە اۋىلدىق جەرلەرگە بەرۋ كەرەك. اكىمدەر وڭىرلىك جانە جەرگىلىكتى ماڭىزى بار ماسەلەردى شەشۋگە ءتيىس, ال ۇكىمەت جالپىمەملەكەتتىك ماسەلەلەرگە دەن قويۋى قاجەت", - دەدى ەلباسى.