بىلتىر قازاقستاندا جاڭا كولىكتەر جاپپاي قىمباتتاسا, ەسكى كولىكتەر باعاسى ماركاسىنا قاراي ءار قيلى وزگەردى.
بىلتىر جىل باسى مەن جىل سوڭىنداعى باعانى سالىستىراتىن بولساق, جىل باسىنان بەرى ۇستالعان كولىكتەر ايتارلىقتاي ارزانداعان. ەڭ تومەنگى باعا جاز كەزىندە بولسا, جەلتوقساندا ساۋدا قايتا قىزىپ, باعا ازداپ كوتەرىلگەن. تومەندە حالىق ىشىندە ەڭ تانىمال ماركالاردىڭ باعالارى ۇسىنىلادى.
- Mercedes-Benz E230 (1992) كولىگى جىل باسىندا 940 مىڭ اينالاسىندا بولسا, ساۋىردە ەڭ تومەنگى كورسەتكىشكە ءتۇسىپ, 800 مىڭعا باعالاندى. ال جەلتوقساندا 1992 جىلعى E مەرسەدەستەرىنىڭ قۇنى ورتاشا ەسەپپەن 815 000 تەڭگە اينالاسىندا بولعان.
- Toyota Camry (2007) كولىگى 2016 جىلدىڭ قاڭتارىندا ورتاشا ەسەپپەن 3 900 000 مىڭنىڭ ۇستىندە بولسا, مامىر-شىلدە ايلارىندا 3 350 000-عا دەيىن ارزانداپ, جەلتوقساندا 3 500 000 -عا دەيىن قايتا قىمباتتادى.
- Toyota Land Cruiser Prado (2007) كولىگى بىلتىر قاڭتاردا 8 000 000 تەڭگە بولدى. كولىكتىڭ ەڭ ارزان كەزى قازان ايىندا 6 650 000-عا تەڭ بولسا, جەلتوقساندا باعاسى 6 850 000-عا دەيىن كوتەرىلدى.
- Hyundai Accent (2007) جىل باسىندا 3 250 000 تەڭگەگە ساۋدالاندى. مامىر ايىندا 2 850 000-عا دەيىن ارزانداپ كەتكەن اكتسەنت 3 100 000 تەڭگەگە قىمباتتادى.
