اقش باس پروكۋرورىنىڭ مىندەتىن اتقارۋشى ساللي يەيتس جۇمىستان بوساتىلدى. ونىڭ ورنىنا ۆيردجينيا شتاتىنىڭ شىعىس وكرۋگى پروكۋرورى دانا بەنتە تاعايىندالدى, دەپ جازادى BBC اق ءۇيدىڭ ءباسپاسوز حاتشىسى شون سپايسەردىڭ تۋيتتەردەگى پاراقشاسىنا سىلتەمە جاساپ.
ساللي يەيتس 31 قاڭتار كۇنى ادىلەت مينيسترلىگىنىڭ دونالد ترامپ قاۋلىسىن قولدامايتىنىن ايتقان ەدى. ونىڭ ايتۋىنشا, ترامپتىڭ كوشى-قون ساياساتى زاڭ شەڭبەرىنەن شىعىپ كەتكەن بولۋى دا مۇمكىن.
اق ۇيدەن كەلگەن مالىمدەمەدە "ساللي يەيتستىڭ اقش ازاماتتارىن قورعاۋ ماقساتىندا زاڭ جۇزىندە قابىلدانعان قاۋلىنى ورىنداۋدان باس تارتىپ, ادىلەت مينيسترلىگىن ساتىپ كەتتى", - دەپ جازىلعان.
ەستەرىڭىزگە سالا كەتەيىك, ترامپ اتالعان قاۋلىنى 27 قاڭتاردا قابىلداعان. قۇجاتقا ساي, سيريالىقتاردىڭ اقش-قا كىرۋىنە ۋاقىتشا تىيىم سالىنعان. ال وزگە التى مۇسىلمان ەلدەرىنىڭ ازاماتتارى 90 كۇنگە دەيىن قۇراما شتاتتارعا كىرە الماق ەمەس.
