ەۋروپا چەمپيوناتىنان فرانتسياعا 1,2 ملرد ەۋرو پايدا تۇسكەن

ەۋرو-2016 چەمپيوناتىنان فرانتسياعا 1,2 ميلليارد ەۋرودان استام قارجى تۇسكەن. بۇل تۋرالى قازاقپارات حابارلادى. ليموج ۋنيۆەرسيتەتىنىڭ سپورت قۇقىعى جانە ەكونوميكاسى ورتالىعى مەن KENEO اگەنتتىگى بىرلەسە جۇرگىزگەن زەرتتەۋلەر بارىسىندا ەۋروپا چەمپيوناتى كەزىندە فرانتسيا ەكونوميكاسىنا 1,22 ميللارد ەۋرو تۇسكەن. «ەۋرو-2016» فينالدىق دوداسىنا العاش رەت 24 قۇراما قاتىسىپ, ەۋروپا چەمپيوناتى كەزىندە فرانتسيا قالالارىندا ءاربىر قۇرامانىڭ ويىنشىلارى, جاتتىقتىرۋشىلارى, ءار ءتۇرلى سالاداعى قىزمەت كورسەتۋشىلەرى, ءار ەلدىڭ رەسمي تۇلعالارى, سونداي-اق 613 مىڭ كورەرمەن قىدىرىپ كەلگەن. شەتەلدەن كەلگەن قوناقتار ورتاشا ەسەپپەن فرانتسيادا 7,9 كۇن بولىپ, كۇنىنە 154 ەۋرو جۇمساعان. جالپى العاندا ەۋروپا چەمپيوناتىنا كەلگەن قوناقتار بۇل ەلگە 625,8 ميلليون ەۋرو شىعىندالعان. تۋرنير ەكونوميكالىق تۇرعىدان العاندا وتە ءساتتى اياقتالعان. كارى قۇرلىق دوداسىنا دايىندالعان كەزدە فرانتسيا ەكونوميكاسىنان 200 ميلليون ەۋرو جۇمسالعان ەكەن. «EURO-2016 SAS» پرەزيدەنتى جاك لامبەردىڭ ايتۋىنشا كىرىس شىعىستان اسىپ تۇسكەن.