جەڭىمپازدىق جەتىستىكتەرى

الماتىداعى ورتالىق مۋزەيدە XXVIII دۇنيەجۇزىلىك قىسقى ۋنيۆەرسيادا اياسىندا «قازاقستان سپورتىنىڭ تاريحى» اتتى كورمە كەلۋشىلەرگە ەسىك اشتى. كورمەنىڭ اشىلۋ سالتا­ناتىنا وليمپيادا چەم­پيو­نى جاقسىلىق ۇشكەمپىروۆ, كسرو-نىڭ ەڭبەك سىڭىرگەن جاتتىق­­تىرۋشىسى حۆان ماي ۋندەەۆيچ, سامبودان حالىق­ارالىق دارە­جەدەگى تورەشى ميحايل شەپەتيۋك سىندى سپورت ارداگەر­لەرى, تانى­مال جاس سپورت­شىلار مەن قازاق سپورت جانە تۋريزم اكادە­مياسىنىڭ وكىلدەرى قاتىستى. مەملەكەتتىك ورتالىق مۇرا­جاي ديرەكتورىنىڭ ءبىرىنشى ورىنباسارى بەيبىتقالي قاقا­باەۆ ءوز سوزىندە اتالعان كور­مە­­نىڭ الماتى قالاسىنداعى ورتا مەك­تەپ­تەر ءۇشىن قازاقستان سپورتى­­نىڭ تاريحىمەن تانىس­تى­رۋ­عا باعىتتالعان تانىمدىق باع­دارلاما ەكەنىن جەتكىزدى. مۇراجايدىڭ قور ءبولى­مىندە ساقتالعان سپورتتىق توپتاما­­لار مەن قۇجات­تار نەگىزىندە قازاق­ستانداعى سپورت تۇرلەرى­نىڭ, ونىڭ ءىشىن­دە ۇلتتىق سپورتتىڭ دامۋ تاريحى باياندالادى. ەكى ءبو­لىم­نەن تۇراتىن «قازاقستان سپورتىنىڭ تاريحى» اتتى كور­مە­دە قۇجاتتار, فوتوسۋرەتتەر, زاتتىق ەكسپوناتتار, ارن­ايى سپورت كيىمدەرى, ەمبلەمالار, كادەسىي بۇيىمدارى, سپورتتىق اقپاراتتار حرونولوگيالىق ءتۇر­دە رەت-رەتىمەن قويىلعان. 1943 جىلى وتكەن ورتالىق ازيا جانە قازاقستان رەسپۋب­ليكا­لارى­­نىڭ سپارتاكياداسىنا ارناپ جاسال­عان مۇقاباسى اعاش الىپ ال­بوم, قاجىمۇقان بالۋان كيگەن تىماق ءتارىزدى بىرە­گەي ەكسپو­نات­­تار­مەن قاتار, ازيا ويىن­دارى­نا قاتىسقان قازاق­ستاندىق سپورتشىلار كيگەن فورمالار دا كەلۋشىلەر نازا­رىنا ۇسىنىلىپتى. كەڭەس وداعى تۇسىندا ءتۇر­لى سپورتتىق دارەجەلەرگە قول جەتكىزىپ, ەل ماقتانىشى­نا اي­نال­عان جەرلەستەرىمىز عۇس­­مان قو­سانوۆ, ەۆگەني يارو­ۆەن­­كو, ءال­جان جارمۇحا­مەدوۆ, نەللي كيم, جاقسى­لىق ءۇش­­كەمپىروۆ, شامىل سە­رىكوۆ, امانجول بۇعىباەۆ, قاب­­­­دەن بايدوسوۆ, اناتو­لي حرا­­­­­پا­تىي, حۆان ماي ۋن­دەە­ۆيچ, قازبەك ۋاليەۆ, سەرىك قو­ناق­­­باەۆ سىندى ايگىلى سپورت­شىلار­دان باستاپ, كۇنى كەشە سيد­نەي, افينا, بەي­جىڭ, لون­دون قالالارىندا وتكەن وليم­­پيا ويىندارىندا ەل نامى­سىن قولدان بەرمەي, كوك باي­راعى­مىزدى جەلبىرەتكەن وتان­داس­تارىمىزدىڭ تولايىم تابىس­تا­رى مەن ماراپاتتارىن كورمە­دەن كورىپ قايتقان كەز كەل­گەن جاستىڭ سپورتقا دەگەن قىزىعۋ­شى­لىعى ارتا تۇسپەسە, كەمىمەسى انىق. ۇلتتىق جانە حالىقارالىق سپورتتىڭ دامۋىنا زور ۇلەس قوس­قان سپورتشىلاردى, سونىمەن قاتار, ەلىمىزدىڭ سپورت سالاسىندا قول جەتكىزگەن تابىستارىن وسكە­لەڭ ۇرپاققا تانىستىرۋدى ماق­سات ەتكەن بۇل كورمە ەكى ايعا سوزىلماق. ميرا بايبەك, «ەگەمەن قازاقستان» الماتى