استانا قالالىق ءبىلىم باسقارماسىنىڭ حابارلاۋىنشا, جالپى ءبىلىم بەرەتىن 53 مەكتەپتە قانت ديابەتى, ەپيلەپسيا, تۋا بىتكەن دامۋ اقاۋلارى, برونحيالدى استما, لەيكوز جانە ت.ب. ىندەتتەرگە شالدىققان 300 بالا ينكليۋزيۆتى ءبىلىم الۋدا, دەپ حابارلدى ەلوردا اكىمدىگىنىڭ ءباسپاسوز قىزمەتى.
سونىمەن بىرگە, تىرەك-قيمىل اپپاراتى بۇزىلعان بالالار № 28, 63, 65, 83, 45 مەكتەپ-گيمنازيادا وقيدى.
اۋتيزمگە شالدىققان بالالار ءۇشىن پسيحولوگتىڭ ارنايى لوگوپەديالىق جانە كوررەكتسيالىق-پەداگوگيكالىق قولداۋى قاراستىرىلعان, سونداي-اق, ولارمەن ارنايى پەداگوگتار (تيفلوپەداگوگ, سۋردوپەداگوگ, لوگوپەد, وليگوفرەنوپەداگوگ), ەمدىك دەنە شىنىقتىرۋ جانە ارنايى ماماندار جۇمىس ىستەيدى.
بۇدان باسقا, جالپى ءبىلىم بەرەتىن 21 مەكتەپتە 131 ارنايى (كوررەكتسيالىق) سىنىپ ۇيىمداستىرىلعان, وندا 1 102 بالا ءبىلىم نارىمەن سۋسىنداۋدا.
