سوت جۇيەسىن اقپاراتتاندىرۋ ستراتەگياسى ازىرلەنەدى

جوعارعى سوتتا «مەملەكەت باسشىسىنىڭ قازاقستان رەسپۋبليكاسى سۋديالارىنىڭ VII سەزىندە قويعان مىندەتتەرىن ىسكە اسىرۋ» تاقىرىبىندا سوت تورەلىگىن جۇزەگە اسىرۋدىڭ وتكەن جىلعى قورىتىندىلارىنا ارنالعان كەڭەيتىلگەن كەڭەس ءوتتى.  پرەزيدەنت اكىمشىلىگى باس­شى­سىنىڭ ورىنباسارى ت.دو­نا­قوۆ, جوعارى سوت كەڭەسىنىڭ توراعاسى ا.سمولين, ادام قۇقىق­تارى جونىندەگى ۋاكىل ا.شاكى­روۆ, جوعارعى سوتتىڭ سۋديا­لارى, وبلىستىق سوتتاردىڭ توراعا­لارى مەن اكىمشىلەرى, سۋديا­لار وداعى مەن جوعارعى سوت جا­نىن­داعى سوتتاردىڭ قى­ز­مەتىن قام­تا­ماسىز ەتۋ دەپار­تامەنتىنىڭ باس­شىلى­عى قاتىس­قان جيىندا جوعارعى سوت توراعاسى قايرات ءمامي بايان­داما جاساپ, وتكەن جىلدا ەلى­مىز­دە سوت جۇيەسىن دامىتۋ­دىڭ جا­ڭا كەزەڭى باستالعا­نىن, سو­نىڭ شەڭبەرىندە قۇقىق ءۇس­تەم­دىگى سالاسىنداعى ينس­تي­تۋ­تسيونالدىق رەفورما­لاردى پراكتيكالىق تۇرعى­دان ىسكە اسىرۋ قامتاما­سىز ەتىل­گەنىن اتاپ ءوتتى. ال جىل قو­ر­ى­تىندىسىن شىعارىپ, ال­داعى كەزەڭگە باعىتتالعان ءبىر­قاتار مىندەتتەردى بايان ەتكەن توراعانىڭ ايتۋىنشا, ازا­ماتتىق ىستەردى سوتتاردا قاراۋدىڭ جالپى مەرزىمى ەكى ەسە قىسقارىپ, ازا­مات­تىق ىستەردىڭ 82 پايىزدان استامى العاشقى سوت وتىرىسىندا-اق اياق­تالعانىن جەتكىزدى. «وسىلايشا, ىستەردى بۇيرىق ارقىلى قاراۋ – 43 پايىزعا, داۋ­دى شەشۋدىڭ بالامالى جولدارىن قولدانۋ – 68 پايىز­عا, مەدياتسيا تاسىلىمەن 3 ەسەگە ارتتى. ءسويتىپ, جالپى ءىستىڭ 59,2 پايى­زى تاراپتاردى سوتقا شا­قىر­ماي-اق, جەڭىلدەتىلگەن ءىس جۇرگى­زۋ تارتىبىمەن قارالۋدا. ال پرو­كۋروردىڭ قاتىسۋى­مەن قا­رالعان ىستەردىڭ سانى شا­مامەن ءتورت ەسەگە ازايدى», – دەدى ق.ءمامي. سونداي-اق, سوتقا كەلىپ تۇسكەن وتىنىشتەر مەن ىستەردىڭ جالپى سانى ارتىپ, 2015 جىلمەن سالىستىرعاندا كورسەتكىش 1 ملن 160 مىڭنان اسقانى بەلگىلى بولدى. سونىڭ ىشىندە 810 مىڭعا جۋىق ءىس پەن ءوتىنىش ازاماتتىق سوت ءىسىن جۇرگىزۋ ءتار­تى­بىندە قارالسا, سوڭعى 5 جىلدا سوتتار قاراعان ازاماتتىق ىستەردىڭ سانى ءتورت ەسە نەمەسە 200 مىڭ ىسكە ارتقان. وسىعان بايلانىستى قايرات ءمامي سۋديالاردىڭ VII سەزىندە بەرگەن مەملەكەت باسشىسىنىڭ تاپسىرماسىن ىسكە اسىرۋ شەڭ­بەرىندە داۋلاردى سوتتان تىس شەشۋ تەتىكتەرىن دامىتۋ ار­قىلى سوت جۇكتەمەسىن ازايتۋ بويىنشا شارالاردى ازىرلەۋ قا­جەتتىگىن العا تارتتى. سونىمەن قاتار, ءوز بايان­دا­ماسىندا ق.ءمامي ەلەكتروندى سوت تورەلىگىن ودان ءارى جە­تىل­دىرۋ قاجەتتىلىگىنە ەرەكشە نازار اۋداردى. ءسويتىپ, ال­دا­عى بەس جىلعا ارنالعان سوت جۇيەسىن اقپاراتتاندىرۋ سترا­تەگياسىن ازىرلەۋ مىندەتى قوي­ىلدى. اتالعان قۇجات شەڭ­بە­رىندە سوت ورگاندارىنىڭ احۋال­دىق ورتالىعى قۇرىلىپ, سوت وتىرىسىنىڭ ەلەكتروندى زالى­نىڭ مودەلى ەنگىزىلىپ, سوت ءىسىن جۇرگىزۋ تولىعىمەن ەلەكتروندى نۇسقاعا كوشىرىلەتىن بولدى. ايتا كەتەيىك, شارا اياسىن­دا ازاماتتىق, قىل­مىس­­تىق, اكىم­شىلىك ىستەر ءجا­نە ين­ۆەس­تي­تسيا­­لىق داۋلار بويىنشا سوت ءتو­رەلىگىن جۇزە­گە اسىرۋدىڭ 2016 جىل­عى قورىتىندىسى تۋرالى جوعارعى سوتتىڭ القا ءتورا­عا­لارى ەلىس ابدىقادىروۆ, اباي راحمەتۋلين مەن ايگۇل قىدىرباەۆا بايانداما جاسادى. سونداي-اق, بىرقاتار وبلىس توراعالارى دا ءسوز سويلەپ, ايماقتارداعى سوت ءىسىنىڭ جاع­دايىن ەگجەي-تەگجەيلى حاباردار ەتتى. نۇرلىبەك دوسىباي, «ەگەمەن قازاقستان»