ءجۇز جولدىق جاڭالىقتار

فۋتبول. بەيسەنبى كۇنى قا­زاقستان چەمپيوناتىنىڭ پرە­مەر-ليگاسىندا ونەر كورسە­تە­تىن 12 كوماندا كەزەكتى ويىن­دارىن وتكىزدى. وسى تۋرداعى ەڭ باستى كەزدەسۋ استانادا «لوكوموتيۆ» پەن «اقتوبە» ۇجىم­دارى­نىڭ اراسىندا ءوتتى. بۇل ويىندا وتكەن جىلعى ەل سۋپەركۋبوگىنىڭ يەگەرى سوڭعى جىلدارداعى ەلىمىزدىڭ بەتكە ۇستار كومانداسىن 1:0 ەسەبىمەن ۇتتى. ماتچ­تا استانالىقتار ساپىندا جال­­عىز دوپتىڭ اۆتورى وسىمەن ءتورت ويىندا ەكى دوپ سوققان تاڭات نوسەرباەۆ اتاندى. بيىلعى ماۋ­سىم­دا قۇرامىنا كىلەڭ مىقتى فۋت­بولشىلاردى جيناعان «تەمىر­جول­شىلار» وسى كەزدەسۋدەن كەيىن چەم­پيوندىق اتاق ءۇشىن تالاساتىن باستى كوماندا ەكەندەرىن كورسەت­كەن سياقتى.  ال بىلتىرعى ەل چەم­­پيو­نى قوستانايدىڭ «توبىل» كلۋبى ءوز الاڭىندا قاراعا­ندى­نىڭ «شاحتەر» كومانداسىنان 2:1 ەسەبىمەن ۇتى­لىپ قالدى. وسى ويىندا جە­ڭىل­سە دە «توبىل» چەم­پيوندىق اتاققا ۇمىتكەرلەردىڭ ءبىرى بولىپ قالا بەرمەك. باسقا ويىن­دار مىنا­داي ەسەپپەن اياق­تال­دى. شىمكەنت­تە «وردا­باسى» «تاراز» كوماندا­سى­نان 1:0 ەسەبىمەن جەڭىلسە, پاۆ­لو­داردىڭ «ەر­تىس» كلۋبى كەرىسىنشە, ءوز الا­ڭىندا وسكەمەننىڭ «ۆوس­توك» ۇجى­مىن 3:1 ەسەبىمەن جەڭدى. سول سياق­تى تالدى­قور­عان­نىڭ «جەتىسۋ» كو­مان­داسى قىزىل­ور­دالىق «قاي­سار» ۇجى­مىنان 3:0 ەسەبىمەن باسىم ءتۇس­تى. وسى تۋردا جالعىز تەڭ ەسەپپەن تار­قاس­قان ويىن «اتى­راۋ» مەن «قاي­رات» ارا­سىندا تىركەلدى. ەسەپ – 1:1. تاقىرىپقا تۇزدىق: قازاقستان چەمپيوناتىنىڭ ويىندارى ءوتىپ جاتقان كەزدە حالىقارالىق You Tube سەرۆيسىندە «توبىل.تۆ» ار­نا­سى ىسكە قوسىلدى. قازاق فۋت­بولىنىڭ تاريحىندا وسىلايشا العاش رەت قوستانايلىق كوماندا ويىندارىن بەينەتۇسىرىلىم ارقى­لى كورسەتەتىن ارنايى اككاۋنت اشتى. مۇنداي ينتەرنەت ارنالار قازىر باتىس ەۋروپانىڭ ءبىراز كو­ماندالارىندا بار. سونىمەن بىرگە ولاردىڭ جەكە تەلەارنالارى دا جۇمىس ىستەيتىنى بەلگىلى. ماسەلەن, كيەۆتىڭ «دينامو», انگليانىڭ «مانچەستەر يۋنايتەد» تاعى باسقا كلۋبتارىنىڭ تەلەارنالارى ءتاۋ­لىك بويى كوماندانىڭ جاڭالىق­تا­رىن جانكۇيەرلەرمەن تانىس­تى­رىپ وتى­رادى. ەندى الداعى كەزدە ءبىزدىڭ ەلىمىزدە دە وسىنداي ينتەرنەتارنا اشىلسا دەگەن تىلەگىمىز بار. ال بىزگە جالعىز سپورت تەلە­ار­نا­سىن اشۋ قولىمىزدان كەلمەي جات­قان­دا فۋتبول تەلەارنالارىن اشۋ تۋرالى ءسوز قوزعاۋ ءالى ەرتە سياقتى. * * * تەننيس. قازاق تەننيسشىسى زارينا دياس قىتايدا ءوتىپ جاتقان ITF Wenshan تۋرنيرىندە جارتى­لاي فينالعا شىقتى. كەشە ول ءبىزدىڭ تاعى ءبىر تەننيسشىمىز گالينا ۆوسكوبوەۆانىڭ العاشقى اينالىمدا جولىن ورا­عان جاپون كۋميكو يلزيمونى 6:0, 6:0 ەسەبىمەن ۇتتى. زارينا جاپون قىزىمەن وتكەن اپتادا قى­تايدا اياقتالعان ITF Kunming تۋرنيرىندە دە كەزدەسىپ, ونى 6:3, 6:4 ەسەبىمەن جەڭگەن بولاتىن. وسى جارىستا ول فينالعا جەتكەنى بەلگىلى. ەندى بۇگىن زارينا حورۆات تەننيسشىسى اني ميرجاتسيكامەن كەزدەسەدى. زارينا دياس قازاقستان تەننيس فەدەراتسياسىنىڭ قولداۋى­مەن ءۇش جىلدان بەرى چەحيادا جاتتىعۋدا. ەكى جىلدان بەرى 17 جاسار قىزى­مىز جاسوسپىرىمدەر قا­ت­ارىنان ەرەسەكتەر اۋىلىنا اۋىس­تى. سول كەزدەن باستاپ ءتا­جى­ريبە جيناقتاپ ۇلگەرگەن زارينا WTA رەيتينگى بويىنشا سەسيل كاراتانچەۆا مەن گالينا ۆوسكوبوەۆا سياقتى وتان­داس­­تارىمىز­دان وزىپ, ياروسلاۆا شۆەدوۆادان كەيىنگى ەلىمىزدىڭ قىز­دار اراسىن­داعى ەكىنشى راكەتكاسى اتاعىنا يە بولدى. قازىر زارينا  رەيتينگتە 153 ورىندا تۇر. مۋايتاي. 3 ءساۋىر كۇنى اس­تاناداعى «داۋلەت» سپورت كەشەنىندە كاسىپقويلار اراسىندا قا­زاق­ستان رەسپۋبليكاسى پرە­زي­­دەنتىنىڭ كۋبوگى مەن تايلاند كورولىنىڭ كۋبوگىنا ىرىكتەۋ جا­رىس­تارى وتەدى. بەس سالماق بويىنشا وتەتىن سىنعا قازاقستان تاراپىنان ءىلياس مۋسين (51 كگ.), جانىبەك ءسادۋا­قاسوۆ (54 كگ.), سەرىك قۇرماحانوۆ (67 كگ.) رەيتينگتىك جەكپە-جەكتەرگە شىقسا, 86 كگ. سالماقتاعى نۇربولات سەڭ­گىروۆ يران رازاني مادجيديمەن ازيا چەمپيونى ءۇشىن تالاسادى. ال 72 كگ. سال­ماق­تاعى الماس سما­عۇلوۆ (قازاق­ستان), الان چاپمەن (يرلانديا), ەرۆين روتاكەر (گەر­مانيا), سايمون دجادجين (تاي­لاند) تايلاند كورولى كۋ­بوگى ءۇشىن ىرىكتەۋ جارىسىنا قاتىسادى. داستان كەنجالين.