جەرورتا تەڭىزىنەن ەجەلگى كەمە تابىلدى

يسپانيانىڭ ارحەولوگتارى كابرەرا ارالىنا جاقىن جەردە (بالەار ارالدارىنىڭ قۇرامىنا جاتادى) سۋ استىنان ريم يمپەرياسىنا تيەسىلى كەمەنى تاپتى. ول شامامەن 1,8 مىڭ جىل بۇرىن باتىپ كەتكەن, دەپ حابارلايدى ريا "نوۆوستي" اقپارات اگەنتتى. قازىر كەمە 70 مەتر تەرەڭدىكتە جاتىر. ءوز ۋاقىتىندا قۇمىرالار تاسىمالداۋمەن اينالىسقان. سۋ استىندا قانشا جىل جاتسا دا قىش ىدىستار جاقسى ساقتالعان. مامانداردىڭ ايتۋىنشا بۇل بالەار ارالدارىنان تابىلعان ەڭ قۇندى جادىگەردىڭ ءبىرى. كابرەرا ارالدارىنان ريم يمپەرياسىنىڭ كەزىنەن بارلىعى 12 كەمە تابىلعان. بۇل حاباردى العاش بولىپ جەرگىلىكتى بالىقشىلار جەتكىزگەن. ولاردىڭ بالىق اۋلاۋعا ارنالعان تورلارىنا ىدىستاردىڭ سىنىعى تۇسكەن. بىلتىر ءساۋىر ايىندا عىلىمي ەكسپەديتسيا وسى ماڭايعا ەكى روبوتتى سۋعا ءتۇسىرىپ, ولاردىڭ كومەگىمەن قۇم اراسىنان ءتۇرلى كولەمدەگى قۇمىرالاردى فوتوعا ءتۇسىردى. سونىمەن قاتار, قازان ايىندا ەكى سۇڭگۋىر كەمەنى زەرتتەۋ ءۇشىن بىرنەشە رەت سۋ تۇبىنە جىبەرگەن. ولار 2 مىڭنان استام ءتۇسىرىلىم جاسادى. ارحەولوگتاردىڭ مالىمەتتەرىنشە, كەمە ءبىزدىڭ داۋىرىمىزگە دەيىنگى III-IV عاسىرلارعا جاتادى.