ەلباسىنىڭ ۇندەۋى – دەموكراتيالىق دامۋ جولىنداعى تاريحي شەشىم

نۇرلان نىعماتۋلين, پارلامەنت ءماجىلىسىنىڭ توراعاسى: ءبىز تاۋەلسىز قازاقستانىمىز دامۋىنىڭ جاڭا بەلەسى باستالعان ماڭىزدى كەزەڭدە تاعى ءبىر تاريحي وقيعانىڭ كۋاسى بولىپ وتىرمىز. ول – ەلباسىمىز نۇرسۇلتان ءابىش ۇلى نازارباەۆتىڭ بيلىك تارماقتارىنىڭ وكىلەتتىكتەرىن قايتا ءبولۋ تۋرالى ۇندەۋى. بۇل – تىكەلەي مەملەكەتتىڭ جانە ۇرپاقتىڭ بولاشاعىن ويلاعاننان جاسالعان قادام. ءبىز ەگەمەندىك العان كۇننەن باس­تاپ ءتيىمدى پرەزيدەنتتىك باسقارۋ جۇيەسىنىڭ ارقاسىندا ءوزىمىزدىڭ قازاقستاندىق دامۋ جولىمىزدى قالىپتاستىرا وتىرىپ, وتە بيىك تابىستارعا جەتتىك. ەلباسىمىز ايتقانداي, جاڭا مەملەكەت, جاڭا ەكونوميكا, جاڭا قوعام قۇردىق. بۇكىل الەم تانىعان ايگىلى مەملەكەتكە اينالدىق. وسى جەتىستىكتەرىمىزدى ساقتاپ, ودان ءارى ۇزدىكسىز دامۋدى قامتاماسىز ەتۋ ءۇشىن مەملەكەتتىك باسقارۋدى جاڭعىرتۋ تۋرالى باستاما ەلباسىنىڭ بولاشاقتى بولجايتىن كورەگەن ساياساتىنىڭ ناتيجەسى ەكەنى ءسوزسىز. سونىمەن بىرگە, مۇنى پرەزي­دەنتىمىزدىڭ ساياسي جۇيەنى دەموكراتيالاندىرۋ جولىنداعى تاريحي شەشىمى دەپ بىلەمىز. بۇل – ەلىمىز ءۇشىن, بولا­شا­عىمىز ءۇشىن وتە ماڭىزدى قادام. وسى كەزەڭدە ءبىزدىڭ دەپۋتات­تارعا جۇكتەلگەن جاۋاپكەرشىلىك تە وتە زور. ول – بارلىق باستا­ما­لاردى ساپالى زاڭدارمەن قام­تاماسىز ەتۋ. سەبەبى, وسى رەفورما جولىندا كونستيتۋتسياعا جانە كوپتەگەن زاڭدارعا وزگەرىستەر ەنگىزىلەدى. ۇكىمەتتىڭ وكىلەتتىلىگى كەڭەيىپ, پارلامەنتتىڭ ءرولى كۇشەيەدى. كونستيتۋتسيالىق كەڭەستىڭ, سوت جۇيەسىنىڭ جانە پروكۋراتۋرانىڭ قىزمەتى جەتىلدىرلەتىن بولادى. پرەزيدەنتىمىزدىڭ جارلىعىنا سايكەس, كونستيتۋتسيالىق رەفورمالار جوباسى جالپىحالىقتىق تالقىلاۋعا شىعارىلادى. سوندىقتان ەل بولىپ, حالىق بولىپ وسى ماڭىزدى رەفورمانى زور تا­بىس­­پەن وتكىزىپ, العا قويعان ماقساتتارىمىزعا ابىرويمەن جەتەمىز دەپ سەنەمىز.