القا وتىرىسى ءوتتى

قازاقستان رەسپۋبليكاسى قاۋىپسىزدىك كەڭەسى پرەزيدەنت-حاتشىسىنىڭ كو­مەكشىسى ۆ.جۇماحانوۆتىڭ قاتىسۋىمەن ءىىم القاسىنىڭ كە­ڭەي­تىلگەن وتىرىسى ءوتتى. وندا ىشكى ءىس­تەر ورگاندارى جەدەل-قىزمەتتىك جۇ­مىسىنىڭ 2016 جىلعى جۇمىس قو­رىتىندىسى جانە الداعى ۋاقىتتاعى مىندەتتەرى تالقىلاندى. جيىندا ىشكى ىستەر ءمينيسترىنىڭ ورىنباسارلارى بايانداما جاساپ, قىلمىستىق-اتقارۋ جۇيەسى جانە توتەنشە جاعدايلار كوميتەتىنىڭ, سونىمەن بىرگە ىشكى ىستەر ورگاندارىنىڭ بىرقاتار اۋماقتىق بولىمشەلەرىنىڭ باسشىلارى ەسەپ بەردى. وندا مەملەكەت باسشىسى ن.نازارباەۆتىڭ قىلمىستىق ارەكەتتەردەن ازاماتتاردىڭ قۇقىعىن قورعاۋ جانە قۇقىقتىق ءتارتىپتى قامتاماسىز ەتۋگە قاتىستى العا قويعان مىندەتتەرىن ىسكە اسىرۋ, ىشكى ىستەر ورگاندارى جەدەل-قىزمەتتىك جۇمىسىندا ورىن الىپ وتىرعان ولقىلىقتاردى جويۋ, جەمقورلىققا قارسى كۇرەستى كۇشەيتۋ, ءتارتىپ پەن زاڭدىلىقتى قامتاماسىز ەتۋ, ىشكى ىستەر ورگاندارى جەكە قۇرامىنىڭ قىزمەت ادەبى نورمالارىن ساقتاۋ ماسەلەلەرى تالقىلاندى. سونداي-اق, جول قاۋىپسىزدىگى جانە قۇقىق بۇزۋشىلىقتاردىڭ الدىن الۋ, قوعامدىق ءتارتىپتى ساقتاۋدى قامتاماسىز ەتۋگە باي­لا­نىس­تى جەرگىلىكتى پوليتسيا قىزمەتىنىڭ جۇ­مىسى تالقىلانىپ, جەدەل ىزدەستىرۋ قىزمەتى, قىلمىستاردى اشۋ جانە زاڭسىز ەسىرتكى اينالىمىنىڭ جول كەسۋ, تەرگەۋ مەن انىقتاۋ قىزمەتىنىڭ ساپاسىن كوتەرۋ ماسەلەلەرى دە جان-جاقتى قارالدى. قىلمىستىق-اتقارۋ جۇيەسى مەن توتەنشە جاعدايلار بولىمشەلەرى قىزمەتىنىڭ قورىتىندىسى قارالىپ, پروباتسيا قىزمەتىن ودان ءارى دامىتۋ شارالارى, سونداي-اق قۇتقارۋ قىزمەتىنىڭ الدىنا قويىلعان مىندەتتەر ءسوز بولدى. ىشكى ىستەر ءمينيسترى ق.قاسىموۆ بيىل ءىىم جۇيەسىنىڭ قىزمەتى ازاماتتاردىڭ قاۋىپسىزدىگىن قامتاماسىز ەتۋدىڭ جالپى دەڭ­گەيىن كوتەرۋ, سونىڭ ىشىندە الماتى قالاسىندا بۇكىلالەمدىك قىسقى ۋنيۆەرسيادا ويىندارىن جانە استانا قالاسىندا ەكسپو-2017 حالىقارالىق كورمەسىن وتكىزۋ كە­زىندە قاۋىپسىزدىكتى قامتاماسىز ەتۋگە باعىتتالعانىن اتاپ ءوتىپ, بارلىق قارالعان ماسەلەلەرگە قاتىستى ناقتى تاپسىرمالار بەردى, دەپ حابارلادى .