ۋنيۆەرسياداعا – ۇلتتىق تاعام

ۋنيۆەرسيادا كەزىندە جوق دەگەندە 1 ميلليون ەۋرو تابادى دەلىنگەن اتلەت­تەر اۋىلىنىڭ اسحاناسىندا ۇلتتىق, ازيالىق, ەۋرو­پالىق, ۆەگەتەرياندىق جانە حالال سەكىلدى بەس  تاعام ءتۇرى ۇسىنىلماق. «ءمازىردىڭ ىشىندە پيتستسا, ستەيك, پاستا, سپرينگ-رولل, «توم يام» اتتى تاي سورپاسى سياق­تى تاعام تۇرلەرى دە بار. ارينە, ءبىز ءوزىمىزدىڭ ۇلتتىق تاعامدارىمىزدى ۇمىت قال­دىرمادىق. سپورتشىلارعا ارنالعان اسحانالاردا قازاقى «شاي داستارقانى» جايىلادى. سونداي-اق, قوناقتار اسىل­عان ەت, قۋىرداق, نارىن سەكىل­دى اۋقاتتاردان اۋىز تيە الادى», دەيدى Royal Catering كوم­پا­نياسىنىڭ باس ديرەكتورى ينديرا احمەتوۆا. FISU تالاپتارىنا ءساي­كەس ات­لەتتەردىڭ كۇندىزگى كالوريا نورماسى (4000-4500) انىقتالىپ, ول قىسقى ويىندار  كەزىندە سپورتشىلارعا تاماق دايارلاعاندا ارينە, ەسكەرىلەتىن بولادى. سون­داي-اق, دۇرىس زات اينالىمىن قام­تاماسىز ەتۋ ءۇشىن اتلەتتەرگە پايدالى سۋسىنداردىڭ بارلىق تۇرلەرى ۇسىنىلادى. ۋنيۆەرسيادا كەزىندە رەس­مي دەلەگاتسيا مۇشەلەرى, FISU تەحني­كالىق ماماندارى, حالىق­ارالىق تەحنيكالىق ماماندار (ITOs), ۇلتتىق تەحنيكالىق ماماندار (NTOs), ۆولونتەرلار, باق وكىلدەرى, مەديتسينالىق قىزمەتكەر­لەر, ۇيىمداستىرۋ كوميتەتى, FISU Family وكىلدەرى جانە ت.ب. تۇلعالار تاماق­پەن قام­تاما­سىز ەتىلەدى.   ايناش ەسالي, «ەگەمەن قازاقستان» الماتى