ۇيىم ميسسياسىنىڭ جەتەكشىسىمەن كەزدەستى

ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىن باقىلاۋ جونىندەگى شىۇ ميسسياسىنىڭ جەتەكشىسى, شىۇ باس حاتشىسى مۇراتبەك يماناليەۆپەن كەزدەستى. كەزدەسۋدە  پرەزيدەنتتىك سايلاۋدى ازىرلەۋ مەن وتكىزۋ جونىندە اڭگىمە بولدى. – سايلاۋ ناۋقانى زاڭدا كوز­دەل­گەن ءتارتىپ بويىنشا كەزەڭ-كەزەڭىمەن ءوتىپ كەلەدى, – دەدى وسك باسشىسى ق.تۇرعانقۇلوۆ. – كانديداتتار دا وزدەرىنىڭ سايلاۋالدى ۇگىت جۇمىستارىن «لاس» تەحنولو­گيا­لاردى قولدانباي, قارقىندى جۇرگىزۋدە. بۇگىندە سايلاۋ كوميس­سيالارى داۋىس بەرۋ كۇنىنە جان-جاقتى ازىرلەنىپ جاتىر. ءبىز بار­لىق سايلاۋ راسىمدەرىنىڭ زاڭمەن بەلگىلەنگەن تارتىپتە وتكىزىلۋىن كوزدەيمىز. ال شىۇ ميسسياسىنىڭ جەتەكشىسى مۇراتبەك يماناليەۆ شىۇ-نىڭ بەلسەندى مۇشەسى بولىپ تابىلاتىن جانە بيىلعى جىلى ۇيىمعا توراعالىق ەتىپ وتىرعان قازاقستان رەسپۋب­ليكا­سىنداعى پرەزيدەنتتىك سايلاۋدى بايقاۋعا شىۇ ميسسياسى بەلسەندى قاتىساتىنىن اتاپ ءوتتى. سونى­مەن قاتار, ول سايلاۋدى ازىرلەۋ بارىسىنا, باق-تاردىڭ سايلاۋ ناۋقانىنداعى جۇ­مىسىنا جوعارى باعا بەردى. – سايلاۋعا دايىندىق وتە بايسالدى جانە مۇقيات جۇرگىزىلىپ جاتقانىنا  كوزىمىز جەتىپ وتىر, – دەدى م.يماناليەۆ وسى جايىندا. – شىۇ ميسسياسى ءوز كەزەگىندە سايلاۋدى بايقاۋدى قازاقستاندىق زاڭنامالار اياسىندا, سونداي-اق حالىقارالىق ولشەمدەر نەگىزىندە جۇرگىزەتىن بولادى. ءاليسۇلتان قۇلانباي.