ادامنىڭ ءبارى دە قامقور كوڭىل كۇتەدى

مارەگە جاقىنداعان سايىن شابىستىڭ ۇدەيتىنى بار. پرەزيدەنتتىكتەن ۇمىتكەرلەردىڭ قازىرگى كۇيىن سولاي سيپاتتاۋعا بولعانداي. حا­لىق­تىڭ بارىمەن كەزدەسىپ ۇلگەرمەيسىڭ, بىراق كوبىرەك كەزدەسۋ پارىزداي كورى­نەدى. كۇنى كەشە قاراعاندىدا بولعان «تابيعات» ەكولوگيالىق ودا­عىنىڭ توراعاسى مەلس ەلەۋسىزوۆ ەندى الماتى جۇرتشىلىعىنىڭ اراسىندا ءجۇردى. ونىڭ سايلاۋ الدىنداعى ءىس-ارەكەتىنە زەر سالىپ وتىرعاندار بۇعان شىنىمەن-اق تاڭدانىس بىلدىرەدى. كوپتەن بەرى كوڭىلىندە جۇرگەن ءبىر ماسەلە قىلمىستارىن وتەپ جاتقان كامەلەتكە تولماعان جاسوسپىرىمدەردىڭ ومىرىمەن تانىسۋ ەدى. سول ءۇشىن پرەزيدەنتتىكە كانديدات مەلس ەلەۋسىزوۆ لا – 155/6 دەپ اتالاتىن مەكەمەگە كەلدى. تارتىپكە قاتاڭ قارايتىن جەر – بارلىعى دا تاپ-تازا, ونداعى كەشكى مەكتەپ جاقسى جابدىقتالعان ەكەن. ارالاپ كورىپ, كوڭىلدەرى تولدى. قازىر مۇندا كانيكۋل, سودان دا ايرىقشا تىنىشتىق. بالالارعا دەگەن مەلس حامزا ۇلىنىڭ كوڭىلى ەرەكشە. كەزىندە كومسومول ۇيى­مى­­نىڭ جەتەكشىسى بولىپ جۇمىس ىستەگەندە دە, كەيىن ءوز ءومىرىن تابيعات قور­عاۋ­عا ارناعاندا دا بالالارمەن قارىم-قا­تىناستا بولدى. ولاردىڭ ومىرىمەن تانىس. قيىن بالالاردى ءومىر جاسايدى, ولار سول ءومىردىڭ قيىندىعىنا كەزىككەندە بۇزىلادى. ولارعا اتا-اناسىنىڭ قيىن ءومىرى اسەر ەتەدى. ەندى سولارعا باستى كومەك – ولاردى يگىلىكتى ىسكە ارا­لاستىرۋ قاجەت. قيىن جاعدايعا دۋشار بولعان بالا ادامي قامقورلىققا ءزارۋ. سونى ارناۋلى مەكەمەلەر دە, وندا جۇ­مىس ىستەيتىن ادامدار دا ويلاۋعا ءتيىس. اتاقتى ەكولوگ وسىنداعى ءجاسوسپى­رىم­­دەرمەن كەزدەسكەندە, ولاردىڭ ىنتا-قۇمارلىقتارىنا نازار اۋدارعاندا, ولاردىڭ دا ەكولوگيا ماسەلەسىنە جانى جاقىن ەكەنىن اڭعارىپ, سول ماسەلەنى اڭگىمەسىنە ارقاۋ ەتكەن. – مەن كوپتەن بەرى كاسپي, ارال, بالقاش سۋ كوزدەرىن لاستانۋدان قورعاۋ ماسەلەسىمەن اينالىسىپ ءجۇرمىن, – دەپ ەكولوگ جاسوسپىرىمدەرگە وزەكتى ويىن ايت­تى. – بۇل – بولاشاعىمىزدىڭ ماسە­لەسى. سەندەر بەلسەنە اينالىساتىن ءما­سە­لە. الماتىنىڭ اۋاسى وڭالۋ ءۇشىن دە بار­لى­عىمىز بولىپ كوپ نارسە ىستەۋىمىز كەرەك. وزدەرىنە كەڭ دارەجەدە ءسوز ارناعان وسى ءبىر اعايلارىنىڭ اڭگىمەسى ءجاسوسپى­رىم­دەرگە ۇناپ, ولاردىڭ اراسىندا ەركىن اڭگىمە ءوربىدى. ءتىپتى ولار باسقا دا كوپ­تەگەن ماسەلەنى ءسوز ەتىستى. اسىرەسە, سوت جۇيەسى تۋرالى اڭگىمە قىزۋ بولدى. بىرەۋ­لەرى قىلمىستىڭ ۇلكەن-كىشىسىنە قارا­ماي, بىردەي جازا قولدانىلاتىنىن دا ايتتى. وعان ەلەۋسىزوۆ تە تۇسىنىستىكپەن قاراپ, جالپى, سوتتىڭ قايىرىمدى بولعانى دۇرىس, بىراق قىلمىس جازاسىز قالماۋى كەرەك دەپ ۋاجگە شاقىردى. – ەڭ باستى ماسەلە – قىلمىسقا اپاراتىن جولدى جابۋىمىز كەرەك, – دەدى مەلس حامزا ۇلى. – سونداي بالالار جاق­سى ىسكە ارالاسسىن, تابيعاتقا قام­قور بولعان بالا قىلمىسقا بارا قويمايدى. تۇزەۋ مەكەمەسىنىڭ باسشىلارىمەن اڭگىمەسىندە پرەزيدەنتتىككە كانديدات وزدەرىنىڭ ورتاقتاسا ىستەيتىن جۇمىستارىنىڭ كوپتىگىن, وعان ءوزىنىڭ ارقاشان دا ءازىر ەكەنىن ايتتى. *  *  * قازىر پرەزيدەنتتىككە كانديدات م.ەلەۋسىزوۆتىڭ سايلاۋالدى شتابىندا دا قاربالاس ءسات. جۇرت مۇرنىنان شانشى­لىپ ءجۇر. سەنىم بىلدىرىلگەن ادام­دار­دىڭ قايسىسى قاي جەرگە باراتىنى, پرەزيدەنتتىكتەن ۇمىتكەردىڭ ءوزى قاي سايلاۋ ۋچاسكەسىندە داۋىس بەرەتىنى, جالپى سول سايلاۋ كۇنى قانداي شارالار ۇيىم­داس­تىرىلىپ, قانداي شارالارعا قاتى­سا­تىندارى ايقىندالىپ قانا قويماي, قايتا-قايتا پىسىقتالىپ جاتىر. بۇل ۇلكەن ناۋقاندى قورى­تىن­دىلايتىن دا كەز كەلگەندەي. ءسىرا, «تا­بيعات» ەكولوگيالىق وداعىنىڭ توراعاسى مەلس ەلەۋسىزوۆ ءۇشىن, ونىڭ سەنىمدى وكىلدەرى ءۇشىن, جالپى «حالىق ەكو­لو­گىن» قولدايتىن قاۋىم ءۇشىن ول اي­تارلىقتاي تابىستى بولعانداي. ۋا­قىتتىڭ مۇمكىندىگىنە وراي پرەزيدەنتتىككە كانديدات ەلدىڭ ءبىراز ايماعىندا بولىپ, ونىڭ جۇرتپەن كەزدەسۋى بارلىق اقپارات قۇرالدارىندا جان-جاقتى كور­سەتىلدى. بۇل جەردە سول رەسمي اقپارات قۇرالدارى تاراپىنان پرەزيدەنتتىككە كانديداتتىڭ بارلىعىنا بىردەي ءمۇم­كىندىك بەرىلگەنى وسى سايلاۋدىڭ اي­رىقشا ەرەكشەلىگى بولعانى ءوز الدىنا, ونى پرەزيدەنتتىكتەن ۇمىتكەرلەر دە ءتيىمدى پايدالاندى. سول اقپارات قۇ­رالدارىندا جاريالانعان, كورسەتىلگەن ماتەريالدارعا قاراپ, حالىق اراسىندا ەلىمىزدىڭ تابيعات قورعاۋشىسى جايلى اي­تارلىقتاي مول ماعلۇمات تاراپ, ونىڭ جاعىمدى كەلبەتى قالىپتاستى دەگەن ءجون شىعار. سودان دا سايلاۋشىلاردىڭ ءبىر توبىنىڭ ءوز تاڭداۋى ەلىمىزدىڭ بولاشاعىنا ۇلكەن سەنىممەن قارايتىن, ونىڭ يگىلىگى ءۇشىن كۇش-جىگەر, قاجىر-قايراتىن ايامايتىن كۇرەسكەر ازامات مەلس حامزا ۇلى ەلەۋسىزوۆكە تۇسەتىنى انىق. ماماديار جاقىپ.