2016 جىلى قوستانايدا بەينەكامەرا ارقىلى 141 قىلمىس اشىلعان

قوستاناي وبلىسىندا 274 ۆيدەوباقىلاۋ جۇيەسى جۇمىس ىستەيدى. ونىڭ 181 كامەراسى قوستاناي قالاسىندا  ورناتىلعان. 60 كامەرا اۋلالاردى باقىلايدى.  ولار ارقىلى بىلتىر 28 مىڭ قۇقىق بۇزۋشىلىق انىقتالعان, 141 قىلمىس اشىلعان. كوشەدەگى بۇزاقىلىقتار 14 پايىزعا, قوعامدىق ورىندا 16 پايىزعا ازايعان. وبلىستىق ىشكى ىستەر دەپارتامەنتىنىڭ 2016 جىلعى قىزمەت قورىتىندىلارى تۋرالى كەڭەيتىلگەن ماجىلىستە جەرگىلىكتى پوليتسيا قىزمەتىنىڭ باستىعى نىعمەت ىسماعۇلوۆ وتكەن جىلى 132 ۆيدەوتىركەگىش الىنعانىن, بيىل ءبىرىنشى توقساندا تاعى دا 200 وسىنداي قۇرىلعى, ال بيۋدجەت قارجىسىنىڭ تۇسۋىنە قاراي الداعى ۋاقىتتا 330 ۆيدەوتىركەگىش ورناتىلاتىنىن ايتتى. وتكەن جىلى قۇقىق بۇزۋشىلارعا 1 ميلليارد 69 ميلليون تەڭگەنىڭ حاتتاماسى تولتىرىلعان. سونىڭ بيۋدجەتكە 669 ميلليون تەڭگەسى ءتۇستى, ول 62,5 پايىزىن قۇرايدى. كەڭەيتىلگەن ماجىلىستە پوليتسەيلەر ءتارتىبى تۋرالى كوپ ايتىلدى. سونىڭ ىشىندە جەرگىلىكتى پوليتسيا قىزمەتىندەگى كەمشىلىكتەر دە ءسوز بولدى. وتكەن جىلى پوليتسەيلەر ۇستىنەن 15 قىلمىستىق ءىس قوزعالعان, سونىڭ 11-ءى جول پوليتسەيلەرىنە قاتىستى بولعان. 19 قىزمەتكەر جۇمىستان بوساتىلعان, 4 باستىق لاۋازىمىنان الىنعان, 356 قىزمەتكەر جازاعا تارتىلعان. «رۋبەج» بەكەتىنىڭ قۇرامى تۇگەل جاڭارتىلعان. ءنازيرا جارىمبەتوۆا, «ەگەمەن قازاقستان»