گولوۆكيننىڭ بوكس كەشىنە تاعى ءبىر جەكپە-جەك قوسىلدى

ورتا سالماقتا WBA (Super), IBO, WBC جانە IBF نۇسقالارى بويىنشا الەم چەمپيونى گەننادي گولوۆكين (36-0, 33 كو) مەن WBA تۇجىرىمى بويىنشا تۇراقتى الەم چەمپيونى دەنيەل دجەيكوبس (32-1, 29 كو) اراسىنداعى بوكس كەشىنىڭ اندەركاتىنا تاعى ءبىر جەكپە-جەك قوسىلدى, دەپ حابارلادى vesti.kz. بوكس كەشىندە WBC تۇجىرىمى بويىنشا جەڭىل سالماقتا مەكسيكالىق كارلوس كۋادراس (35-1-1, 27 كو) وتانداسى داۆيد كارمونمەن (20-3-5, 8 كو) كەزدەسەدى. قوس بوكسشى ەكىنشى جەڭىل سالماقتا جۇدىرىقتاسادى. وسىعان دەيىن 18 ناۋرىزدا وتەتىن بوكس كەشىندە 29 جاستاعى نيكاراگۋالىق رومان گونسالەس (46-0, 38 كو) پەن ۋكراينالىق الەكساندر ۋسيكتىڭ (11-0, 10 كو) جانە وليمپيادا چەمپيونى, يرلانديالىق 30 جاستاعى كەتي تەيلوردىڭ (2-0, 1 كو) كەزدەسۋ وتكىزەتىنى ايتىلعان بولاتىن. ايتا كەتەيىك, گولوۆكين مەن دجەيكوبس اراسىنداعى جەكپە-جەك 18 ناۋرىزدا نيۋ-يوركتەگى Madison Square Garden ارەناسىندا وتەدى. ەلىمىزدە بوكس كەشىن «قازاقستان» جانە KazSport ارنالارى كورسەتەدى.