مالعا باي مويىنقۇم كاسىپورىندارعا دا كەنەلدى

مويىنقۇم مىڭعىرعان مالىمەن عانا باي ەمەس, بۇگىندە وركەندەگەن ونەركاسىبىمەن دە باسقالاردان موينى وزىپ تۇر. وعان وسى ءوڭىر­دەن بىرىنەن كەيىن ءبىرى سالىنىپ جاتقان ءىرى كا­سىپورىنداردىڭ مەنمۇندالاعان مۇنا­را­لارى كۋا. وتكەن جىلدىڭ اياعىندا مۇن­دا تسەمەنت وندىرۋمەن شۇعىل­دا­نا­تىن «مىڭارال تاس كوم­پا­نياسى» جشس وڭىردەگى اسا ءىرى تسە­مەنت زاۋىتىن ىسكە قوسقان بو­لاتىن. ءسويتىپ العاشقى قار­قىنمەن 35 مىڭ توننا تسەمەنت ءوندىرىلىپ, ساتىلدى. بىراق كەيبىر سەبەپتەرگە بايلانىستى زاۋىت جۇمىسى ەكى ايعا توقتاپ قالدى. بۇل, ارينە, قۇلاققا جاعىمسىز ءجايت. اسىرەسە, وبلىس اۋماعىنان «باتىس ەۋروپا–باتىس قىتاي» اۆتوماگيسترالى سالىنىپ جات­قان كەزدە پايدالانۋعا جاڭا عانا بەرىلگەن تسەمەنت زاۋى­تى­نىڭ توقتاپ تۇرۋى ەشقانداي اقىلعا سىيمايتىن ءىس بولاتىن. وسى جوباعا مىڭارال تسەمەنتىن مۇمكىندىگىنشە مول وتكەرۋگە كۇش سالىپ وتىرعان جشس مەن وبلىس باسشىلارى ماسەلەگە جاۋاپكەرشىلىكپەن قاراۋىنىڭ ار­قا­سىندا ءتۇيىن شەشىلىپ, زاۋىت ءساۋ­ىر ايىنىڭ العاشقى كۇنىنەن باستاپ تولىق قۋاتىندا جۇمىس ءىس­تەي باستاماقشى. ءسويتىپ ال­دىن-الا جا­سال­عان جوسپار بويىن­شا بيىل بارلىعى 250-300 مىڭ توننا تسەمەنت ءوندىرىلىپ, وتكەرىل­مەك. «مىڭارال تاس كومپانياسى» جشس سونىمەن بىرگە, ونىمدەرىن وبلىستان تىس جەرلەرگە دە شى­عار­ماق. ول ءۇشىن ءوز تاسىمال قۇ­رال­دارىن پايدالانۋدى كوزدەگەن كاسىپورىن بۇگىنگە دەيىن 95 ۆاگون ساتىپ السا, ەندى 130 ۆاگوندى كۇتىپ وتىر. بۇگىندە «مىڭارال تاس كومپا­نياسى» جشس-دا 500 جۇمىسشى ەڭبەك ەتەدى. كۇن جىلىسىمەن ولار­دىڭ سانى بۇدان دا ارتا ءتۇس­پەك. دەمەك جۇمىسشىلارعا جاع­داي جاساۋ – جاۋاپتى مىندەتتەردىڭ ءبىرى. سوندىقتان بولار, قازىر مۇن­دا ءۇش قاباتتى 6 ءۇي سالىنىپ جا­تىر. ولار كۇزگە دەيىن زاۋىت جۇ­مىس­شىلارىنىڭ يگىلىگىنە ۇسىنىلماق. ال يندۋستريالىق-يننوۆاتسيا­لىق دامۋ باعدارلاماسى شەڭبە­رىن­دە قولعا الىنعان حانتاۋ تسەمەنت زاۋىتى قۇرىلىسىنىڭ توق­تاپ تۇرعانىنا جىلدان اسقان. جا­قىندا بۇل ماسەلەنىڭ ءتۇيىنى دە شەشىمىن تاپتى. بۇعان دەيىن 70% دايىن بولعان زاۋىت قۇ­رى­لىسى ەندى ودان ءارى جاندانباق. جوبا بويىنشا حانتاۋ تسەمەنت زاۋىتى جىل اياعىنا قاراي ءوز ءونىمىن شىعارا باستايدى. مويىنقۇمداعى قياقتى اۋىلىنىڭ ماڭىندا گرانيت تسەحى دا جۇمىس ىستەۋدە. ونىڭ يەسى «ال-باسار» جشس بولىپ تابىلادى. تسەح قازىر بورديۋر شىعارۋمەن اينالىسۋدا. مىنەكي, اتى اڭىزعا اي­نال­عان «مالشىلار مارشالى» جا­زىلبەك اتامىزدىڭ تۇسىندا اق­تىلى قويلارىمەن اتى شىققان مويىنقۇم ءوڭىرى ەندى ەل-جۇرتىنىڭ بايلىعىن زامان تا­لابىنا ساي الىپ كاسىپورىن­دارىمەن دە كەنەلتۋدە. بۇدان يندۋستريا يگىلىگىنىڭ شالعاي اۋىلدارعا دا جەتە باستاعانىن انىق بايقاۋعا بولادى. كوسەمالى ساتتىباي ۇلى. جامبىل وبلىسى, مويىنقۇم اۋدانى, مىڭارال اۋىلى.