ازاماتتىق بەلسەندىلىك تانىتار تۇس

الدىمىزداعى 3 ءساۋىر كۇنى وتەتىن پرەزيدەنتتىك سايلاۋعا قازاقستاندىقتاردىڭ ءبارىنىڭ بىردەي قاتىسىپ داۋىس بەرۋىنىڭ ماڭىزدىلىعى مەن قاجەتتىلىگى نەدە؟ ارينە, بۇل ساۋالعا اركىم ءوز وي-ءورىسى پەن پاراسات-پاي­ى­مى تۇرعىسىنان جاۋاپ قاي­تا­رارى كامىل. مەنىڭ ويىمشا, قانداي سايلاۋ بولسا دا, وعان بەلسەندى تۇردە قاتىسىپ داۋىس بەرۋ – ءار قازاقستاندىقتىڭ ازاماتتىق پارىزى. قوعامنىڭ ءار مۇشەسى سايلاۋ ۇدەرىستەرىنە قاتىسۋدىڭ ماڭىزدىلىعىن وسى تۇرعىدان تۇسىنسە, ءسوز جوق, ءبىز وركەنيەت بيىگىنە ءبىرتابان جاقىنداي الامىز. بۇل جولى ءبىز رەسپۋبليكا پرەزيدەنتىن سايلاعالى وتىر­مىز. الگىندە ايتىپ وتكە­نىم­دەي, ازاماتتىق بەلسەندىلىكتىڭ شوعىن ۇرلەيتىن كەزەڭ بۇل. تاعدىردىڭ جازۋى شىعار, بۇگىن­دە قازاقستاندا ءار ءتۇرلى ۇلتتار مەن كونفەسسيالاردىڭ وكىلدەرى تۇرادى. ولاردىڭ جاس ءمول­شەر­لەرى دە ءار ءتۇرلى. سوعان قارا­ماستان, ولاردىڭ ءبارىنىڭ باسىن بىرىكتىرىپ, ءبىر ارناعا توعىس­تىراتىن ءبىر عانا باستى فاكتور بار ەكەنى بەلگىلى. ول – ءبىزدىڭ ەگەمەن ەلىمىزگە, ورتاق ءۇيىمىز – قازاقستان رەسپۋبليكاسىنا دەگەن ماحاببات پەن سۇيىسپەنشىلىك دەپ تۇسىنەمىن. ءبىز, قازاقستاندىقتار الداعى بەس جىلدا قالاي ءومىر ءسۇرىپ, بۇعان قاجەتتى ماتەريالدىق يگىلىكتەردى قالاي جاساي الامىز؟ مىنە, وسىنداي وي مەن شارۋاقورلىق شەڭبەرىنە ساي ىسكە اساتىن قا­دامدار جەلىسى دە وتانداستارى­مىزدى بىرىكتىرۋگە ءتيىس. بىرىكتىرە الاتىنى دا باسى اشىق اقيقات. مۇنداي ومىرلىك ماڭىزى بار ماسەلەلەردىڭ باستى شەشىمى پرەزيدەنتتىك سايلاۋعا, وعان رەسپۋبليكا ازاماتتارىنىڭ تەگىس قاتىسۋىنا بايلانىستى ەكەنى دە تالاس تۋ­عىزبايدى. بۇگىنگى كۇنى ەلىمىزدە تاۋەلسىزدىك پەن ۇلتتىق مەملەكەتتىلىكتى نىعايتۋ جولىندا دا ۇلان-عايىر ىستەر اتقارىلىپ كەلەدى. وسى اسا جاۋاپتى ساياسي-تاريحي ميسسيا اياعىنا دەيىن تولىق جەتۋى ءۇشىن دە پرەزيدەنتتىك سايلاۋعا قاتىسىپ داۋىس بەرۋىمىزدىڭ قاجەتتىلىگى ايرىقشا. كەشە ورال قالاسى اكىم­دى­گىن­دە ۇكىمەتتىك ەمەس ۇيىم­دار­دىڭ وكىلدەرىمەن وتكىزىلگەن كەز­دەسۋدە دە مەن وسى ويلارىم­دى كوپشىلىكپەن بولىسكەن ەدىم. كۇنىنە قىرىق قۇبىلاتىن كوك­تەمگى اۋا رايى تۇرعىنداردىڭ سايلاۋ ۋچاسكەلەرىنە كەلۋىنە كەدەرگى كەلتىرمەۋى كەرەك. بۇل تۇرعىدا جەرگىلىكتى اتقارۋشى ورگاندار تاراپىنان وبلىستا جانە قالادا بارلىق شارالار بەلگىلەنگەنى كەزدەسۋ كەزىندە ايتىلدى دا. ەندىگى ماسەلە تەك تۇرعىنداردىڭ وزدەرىنە بايلا­نىستى. پرەزيدەنتتىك سايلاۋعا نەعۇرلىم كوبىرەك قاتىسىپ, داۋىس بەرۋ ارقىلى ءبىز ءوزى­مىزدىڭ تاياۋداعى كەلەشەگىمىزدى ايقىنداي الاتىنىمىزدى ەستەن شىعارمايىق دەگىم كەلەدى بارلىق وتانداستارىما. ايگۇل تۋركينا, باتىس قازاقستان وبلىسىنداعى ازاماتتىق اليانستىڭ جەتەكشىسى. ورال.