جاڭا كاسىپورىن

ەرىنبەگەننىڭ ەڭبەگى جانا­تى­نىن ۋاقىت دالەلدەپ وتىر. كوكسۋ اۋدانىنداعى تەرەكتى ەلدى مەكەنىندە وندىرىستىك قۋاتى جىلىنا 25 مىڭ توننا مايبۇر­شاق­تى وڭدەۋدەن وتكىزۋگە ءمۇم­كىندىك بەرەتىن «ەكسترا» جاۋاپكەرشىلىگى شەكتەۋلى سەرىكتەستىگى جۇمىس ىستەيدى. جۇمىسىن باس­تا­عانىنا جىل تولماسا دا مۇن­داعى ناتيجە بىردەن كوزگە تۇسەدى. سەرىكتەستىك بۇگىنگى ۋاقىت تالابىمەن شەتەلدىك قۇرال-جابدىقتارمەن قامتىلسا, ماماندار ونى ىسكەرلىكپەن مەڭ­گەر­گەنىن كورەسىڭ. نەگىزىنەن جۇ­مىس تولىق اۆتومات­تاندى­رىل­عان, ونى باقىلاۋ مەن ءونىم سا­پا­سىنا دەگەن ىنتالىلىق با­سىم. كاسىپ­ورىندا 50 ادام ءۇش اۋىسىمدا جۇمىس ىستەسە, ولار­عا ارنايى جاسالعان تاماق­تا­نا­تىن, جۋى­ناتىن ورىن, دەمالىس بولمەسى جان-جاقتى جابدىق­تا­لىپ, قىز­مەت ەتۋدە. ايلىقتارى  جاقسى. كاسىپورىندا كۇنىنە 50 توننا ءونىم شىعارىلادى. ءونىمنىڭ تا­زا­لىعى مەن ساپاسىن, ىلعال­دى­لى­عىن تەكسەرەتىن ارنايى زەرتحانا جۇمىس ىستەيدى. قاپ­تالعان ءونىم بىردەن تۇتىنۋ­شى­عا جونەل­تى­لەدى. زاۋىتتا تولىق ەكسپان­دەر­لەنگەن مايبۇرشاق ءوڭ­دەۋ­دەن ءوت­كەن­نەن كەيىن ماي­دىڭ سا­پاسى تولىق ساقتا­لا­تىنىن ايتقان ءجون. مايبۇرشاقتىڭ قۇرامىندا پروتەين مول ءارى اقۋىزعا باي. ءونىم – نەگىزىنەن جانۋارلارعا قاجەتتى ازىق. جەمدەگى ماي قىش­قىلى مال مەن قۇستىڭ زات الماسۋىن جەدەلدەتەدى, ەت الۋىنا مۇمكىندىك بەرەدى. زاۋىت ونىمىنە دەگەن تۇ­تى­نۋ­شى سۇرانىسى جوعارى. قازىر ولار الماتى قالاسى مەن شى­عىس قازاقستان وبلىسىنا ءوز ونىمدەرىن جونەلتۋدە. اعىمدا­عى جىلى ۇجىم 14 مىڭ تون­نا­عا دەيىن ءونىم شىعارىپ, وزگە وڭىرلەر­گە دە تاۋارلارىن ساۋدا­لا­ماقشى. – قازىرگى كەزدە ءوز كاسىبىن اشقاندارعا بارلىق جاعداي جاسالۋدا. زاۋىتقا قاجەتتى ەكى گەك­تار جەر تەلىمى ءبولىنىپ, باستاما قولداۋ تاپقانى قۋانتا­دى. ۇجىم تاۋەلسىزدىگىمىزدىڭ مەرەيىن وزدەرىنىڭ جاقسى جۇ­مىس­تارىمەن قارسى الۋ ءۇشىن ەڭبەك ەتۋدە,– دەيدى زاۋىت باسشىسى ەربول توقتاعۇلوۆ. كۇمىسجان بايجان. الماتى وبلىسى.