ۆولونتەر بولۋ – ابىروي

الەمنىڭ ستۋدەنتتەرى باق سىنايتىن وليمپيادا – سپورتشىلار ءۇشىن عانا ەمەس, باسقا سالادا وقىپ جۇرگەن جاستار ءۇشىن دە ماڭىزدى. ەكى اپتا بويى الەم جۇرتشىلىعىنىڭ نازارىندا بولاتىن ەلىمىز ءۇشىن باستى مۇرات – ءدۇبىرلى دودانى ابىرويمەن وتكەرۋ. سپورتشىلاردىڭ العاشقى لەگى كەلگەن كۇننەن باستاپ اياعىنان تىك تۇرىپ قىزمەت كورسەتەتىن ەرىكتى دەيتىن قاۋىم بار. ۆولونتەر – ءوز ەركىمەن قىزمەتكە جەگىلگەنىمەن, اتقارارى جەڭىل-جەلپى شارۋا بولماسا كەرەك-ءتى. ەلىمىز عانا ەمەس, شەت مەملەكەتتەردەن دە وتىنىشتەر از تۇسپەگەنگە ۇقسايدى. بارلىعى 3 000 ەرىكتىنىڭ 2 800-ءى – الماتىدان, 100-ءى – ەلىمىزدىڭ ءار تۇك­­پىرىنەن, قالعان 100 ستۋدەنت شەت ەل­دەر­دەن. الماتىدا وتەتىن ءححVIىى قىسقى ۋنيۆەرسيادا ويىندارىندا ەرىكتى بولۋعا, اسىرەسە, اقش, گەرمانيا, ۇلىبريتانيا, رەسەي, قىتاي, كورەيا ەلدەرى قىزىعۋشىلىق تانىتىپتى. ۆولونتەرمەن جۇمىس ىستەۋ جونىندەگى دەپارتامەنتتىڭ مالىمەتىنشە, وسى مىندەتتى اتقارۋعا 15 000-نان استام ءوتىنىش تۇسكەن. سولاردىڭ ىشىنەن تالاپقا تولىقتاي جاۋاپ بەرەدى دەگەندەردى ىرىكتەپ الۋ دا وڭايعا سوقپاسا كەرەك. سوندىقتان, ەرىكتىنىڭ ءبىر اتى – تاڭداۋلى دەۋگە كەلەدى. ءبىر عانا ەمەس, بىرنەشە شەت ءتىلىن مەڭگەرۋ, قازاقستاننىڭ, الماتىنىڭ تاريحىن جاقسى ءبىلۋ – باستى تالاپ. سوندىقتان, قازىر تاڭداۋلى 3 000 ستۋدەنتتىڭ ءبىلىمىن جەتىلدىرۋ, تىلدىك دەڭگەيىن كوتەرۋ ماسە­لەلەرى بويىنشا ترەنينگتەر وتكىزىلىپ بولدى, قوناقتاردى كۇتىپ الۋعا دايىن. ايتا كەتۋ كەرەك, ۆولونتەرلەر 32 باعىت بويىنشا قىزمەت ەتەدى. ۋنيۆەرسيادا جاقىنداعان سايىن دايىن­دىقتار جان-جاقتى پىسىقتالۋدا. الماتى قالاسىنىڭ اكىمى باۋىرجان بايبەك ۆولون­تەر­لەرمەن كەزدەسىپ, ىستەرىنە ساتتىلىك تىلەدى. ۆولونتەرلەردىڭ باسىم كوپشىلىگى بۇل مىندەت الدىمەن وزدەرىنىڭ بولاشاعى ءۇشىن ماڭىزدى ەكەنىن ايتادى. مۇنداي الەمدىك شارالاردا جيناعان تاجىريبەنىڭ ومىرلىك ۇلكەن ساباق بولاتىنىنا سەنىمدى.  الماس ءنۇسىپ, جۋرناليست  الماتى