بيىل قوستاناي وبلىسىندا جاڭا ۇلگىدەگى 10 مىڭ كولىك شىعارىلادى

بيىل قوستانايدىڭ كولىك ونەركاسىبى جاڭا ۇلگىدەگى  10 مىڭ كولىك شىعارۋدى كوزدەپ وتىر. كەڭ اۋقىمدى بۇل جوبا قىتاي جانە وزبەك ينۆەستورلارىمەن ىنتىماقتاستىقتىڭ ارقاسىندا جۇزەگە اسپاقشى, دەپ حابارلايد alau.kz بىلتىر قوستاناي وبلىسىندا جۇك كولىكتەرى مەن اۋىل شارۋاشىلىعى تەحنيكاسى وندىرىسى ارتقان.  2016 جىلى العاش رەت 12 ەلەكتروموبيل قۇراستىرىلدى. كاسىپورىن وكىلدەرىنىڭ ايتۋىنشا, بيىل ەلەكترمەن جۇرەتىن كولىكتەر توپ-توبىمەن شىعارىلا باستايدى. «سارىارقااۆتوپروم» جشس بىرلەسە اۆتوبۋس شىعارۋ جۇمىسىن باستادى. «ۋزاۆتو» كاسىپورنىمەن جۇمىلا وتىرىپ  ءىرى-جەلىلىك  قۇراستىرۋ ادىسىمەن جەڭىل جانە جۇك كولىكتەردى قۇراستىرۋدى قولعا الىنباقشى.  بۇل  وتاندىق كولىك قۇراستىرۋ سالاسىندا ايماقتىڭ الدىڭعى ورىندى ساقتاپ قالۋىنا ۇلەس قوساتىن بولادى. 2016 جىلى ونەركاسىپتى 50 پايىزعا دەيىن جەرسىندىرۋ ماقساتىندا سالانى ودان ءارى دامىتۋ ءۇشىن  ونەركاسىپتىك ايماق قۇرىلىسى باستالدى», – دەپ ءمالىم ەتتى قوستاناي وبلىسى اكىمىنىڭ ورىنباسارى روزا كەمالوۆا. ونەركاسىپتىك ايماقتى دامىتۋدىڭ العاشقى كەزەڭىندە, دەيدى روزا كەمالوۆا, قىتايلىق سەرىكتەستەرمەن بىرلەسىپ كولىك بولشەكتەرىن شىعاراتىن زاۋىت سالۋ جوسپاردا بار. بيىل  اكىمشىلىك-تۇرمىستىق كەشەن عيماراتى بوي كوتەرەدى. ال ايماقتى جالپى دامىتۋ عا كەلسەك, ول  وتاندىق كولىك ونەركاسىبىن ينۆەستيتسيالىق تارتىمدى ەتەدى دەپ اتاپ ءوتتى وبلىستىق اكىمدىكتەگىلەر. «قازىر 2 باعىتتى قاراستىرىپ وتىرمىز. ونىڭ ءبىرى ءبىرى قىتايلىق سەرىكتەستەرمەن JAC-تىڭ بىرنەشە مودەلىن شىعارۋ. قازىر ول ءىس باستالىپ تا كەتتى.  قوندىرعى تولىقتاي زاۋىتقا اكەلىندى. مونتاجداۋ ءجۇرىپ جاتىر.  الداعى ۋاقىتتا JAC S3, S5 سەكىلدى تانىمال مودەلدەردى شىعارا باستايمىز.  بيىل   اتالعان مودەلدىڭ كەمىندە 300 داناسىن شىعارىپ, ساۋدالايمىز», – دەپ اتاپ ءوتتى قوستاناي وبلىسىنىڭ اكىمى ارحيمەد مۇحامبەتوۆ. وبلىس باسشىسى 2017 جىلى شىعارىلعان كولىكتەر تولىق كولەمدە ساتىلاتىندىعىنا سەنىمدى.  ونىڭ ءبىر دالەلى – سالىستىرمالى تۇردە العاندا ارزاندىعى.  وزبەك ارىپتەستەرمەن  ىنتىماقتاستىققا دا زور سەنىم ارتىلىپ وتىر. قوستانايدىڭ كاسىپورنى نەگىزىندە  قول قويىلعان كەلىسىمنىڭ ارقاسىندا اسا قىمبات ەمەس كولىكتەر ءتۇرىن شىعارۋ جوسپارلانعان. «RAVON مودەلى ورتاشا العاندا  2 ملن 600 – 2 ملن 700 ملن تەڭگەدەي بولادى. ال بۇگىندە LADA Priora-نىڭ ەڭ ارزانى 3,5 ملن تەڭگە تۇرادى. ياعني 900 تەڭگەگە دەيىن ارزان.  ساپاسى وتە جاقسى. 700 داناسىن قازىردىڭ وزىندە وزبەكستانعا ساۋدالاۋ جونىندە كەلىسىم بار», – دەدى ايماق باسشىسى. ارحيمەد مۇحامبەتوۆتىڭ ايتۋىنشا, تەك ەكى باعىت بويىنشا 2017 جىلى قوستاناي وبلىسىندا 10 مىڭ كولىك شىعارىلادى. Peugeot, SsangYong جانە تاعى باسقا دا وزگە كولىك ماركالارى شىعارىلاتىن ەسكەرسەك, بۇل  2016 جىلعى كورسەتكىشتەن ەكى ەسە كوپ.