كانادانىڭ پارلامەنتتىك دەلەگاتسياسىمەن كەزدەستى

ءماجىلىس توراعاسى نۇرلان نىعماتۋلين كانادا پارلامەنتى قاۋىم­داس­تىق­تار پالاتاسىنىڭ سىرتقى ىستەر جانە حالىق­ارالىق دامۋ كوميتەتىنىڭ توراعاسى روبەرت نولت باستاعان پارلامەنتتىك دەلەگاتسيامەن كەزدەستى, دەپ حابارلادى ءماجىلىستىڭ ءباسپاسوز قىزمەتى. ن.نىعماتۋلين اتاپ وتكەندەي, بۇل ساپار – قازاقستان كانادا­نىڭ ماڭىزدى ارىپتەستەرىنىڭ ءبىرى ەكەندىگىنىڭ جارقىن كورسەتكىشى. بيىل – كانادانىڭ 150 جىلدىق مەرەي­تويى. ارىپتەستەرىن وسى ايتۋ­لى داتامەن قۇتتىقتاعان ءماجى­لىس توراعاسى كانادا حال­قى­نا يگىلىك پەن گۇلدەنۋ جانە تابىس تىلەگەن ىزگى سالەمىن جول­دادى. بيىل قوس مەملەكەت اراسىندا ديپلوماتيالىق قارىم-قاتىناس ورناعانىنا 25 جىل تولدى. ن.نىعماتۋليننىڭ پىكىرىنشە, قازاق­ستان پرەزيدەنتى نۇرسۇلتان نازارباەۆ پەن كانادا پرەمەر-ءمينيسترى دجاستين تريۋدونىڭ بىلتىر قىتايدا وتكەن «G20» سامميتىندە كەزدەسۋى ەكىجاقتى ساياسي ۇنقاتىسۋ ءۇشىن ماڭىزدى ورىن الىپ وتىر. تاراپتار ۋران, مۇناي-گاز, اۋىل شارۋاشىلىعى, سونداي-اق, ءبىلىم بەرۋ مەن تۋريزم سالالارىنا باسىمدىق بەرە وتىرىپ, قازاقستان-كانادا قا­رىم-قاتىناسىن دامىتۋدىڭ وزەكتى ماسەلەلەرىن تالقىلادى. ءماجىلىس توراعاسى قازاق­ستان پرەزيدەنتى نۇرسۇلتان نازارباەۆتىڭ «قاۋىپسىز, ءادىل جانە ءور­كەندەگەن الەم قۇرۋ ءۇشىن جاھاندىق ارىپتەستىكتى نىعايتۋ جونىندەگى قازاقستاننىڭ تۇجى­رىم­دامالىق كوزقاراسى» اتتى بۇۇ قاۋىپسىزدىك كەڭەسىنە ارنا­عان ساياسي ۇندەۋىنە ايرىقشا نازار اۋداردى. بۇل – يادرولىق قارۋ­­سىز الەمدى جاقىنداتۋ, جاھان­­دىق سوعىس قاتەرىن بولدىر­ماۋ, اۋعانستانداعى بەيبىت­شى­لىك­كە ىقپالداسۋ, ورتالىق ازيا­دا بەيبىتشىلىكتىڭ وڭىرلىك اي­ماعىن قالىپتاستىرۋ, بۇۇ قام­قورلىعىمەن جاھاندىق لاڭ­كەس­تىككە قارسى كواليتسيا قۇرۋ, دەدى ءوزىنىڭ سوزىندە ن.نىعماتۋلين. سونداي-اق, ول: «ءبىز كانا­دا­مەن ۇنەمى پىكىر الماسۋ, ءتۇر­لى حالىقارالىق قۇرى­لىم­­داردا كۇشتەرىمىزدى ۇيلەس­تىرۋ, باستامالار مەن پوزيتسيا­لارى­مىزدى ءوزارا قولداۋ جولىمەن حالىقارالىق ارەناداعى ءىس-قيمىلىمىزدى نىعايتاتىن بولامىز», – دەدى. ءوز كەزەگىندە مەيمان قازاق­ستان­نىڭ قازىرگى دامۋ دەڭ­گە­يىن جوعارى باعالاي كەلىپ: «تاۋەلسىزدىك العان 25 جىل ىشىندە قازاقستان قۇقىق ۇستەم­دىگى, پليۋراليزم, مەملەكەت­تىك قىز­مەتتى رەفورمالاۋمەن قاتار, كوپ­تەگەن ماڭىزدى باعدار­لا­ما­­لاردى جۇزەگە اسىردى. ءبىز ارقاشاندا قازاقستاندى قول­دايمىز», – دەدى. تاراپتار پارلامەنتارالىق بايلانىستى تەرەڭدەتۋ جايىنا دا ەرەكشە كوڭىل ءبولدى. كەزدەسۋ سوڭىندا ءماجىلىس توراعاسى كانادالىق ارىپتەسىنە ءبىزدىڭ ەلىمىزگە رەسمي ساپارمەن كەلۋ تۋرالى شاقىرۋ جولدادى.