جەڭىمپازعا رۋح بەرگەن

الماتىداعى دوستىق ۇيىندە قازاقستان حالقى اسسامبلەياسىنىڭ قولداۋىمەن «قازاقستان – تەك العا!» اتتى جاستاردىڭ پاتريوتتىق اكتسياسى ءوتتى ەلباسىمىز – قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ استانادا وتكەن تاۋەلسىزدىكتىڭ 25 جىلدىق مەرەيتويىندا جا­­ساعان بايانداماسىندا بەي­­بىتشىلىك ەلشىسىنە اينال­عان سپورتشىلارىمىز تۋرا­لى­ تەبىرەنە سويلەگەنى حا­لىق­تىڭ­ ەسىندە. سوندا ەل سپورت­شى­­لارىنىڭ اتىنان جاۋاپ ءسوز ايت­قان وليمپيادا چەمپيوندارى دمي­تري بالاندين مەن دانيار ەلەۋسىنوۆتىڭ سوزىنە ەلباسىمىز دا, جينالعان حالىق تا زور زەيىن قويدى. «قۇرمەتتى نۇرسۇلتان ءابىش ۇلى! ءوزىڭىزدىڭ «قازاقستان – العا!» دەگەن ءسوزىڭىزدى ەلى­مىزدىڭ رەسمي ۇرانىنا اينال­دى­رۋ نيەتىمىز بار. بۇل بارشا قازاقستاندىقتاردىڭ ماڭگىلىك ۇرانىنا اينالار ەدى», – دەدى وليم­پيادا جەڭىمپازدارى. مەرەكەلىك جيىنعا قاتىسۋشىلار قوشەمەت تانىتىپ, ەلباسىنىڭ ءوزى دانياردىڭ اتىن اتاپ, بۇل ۇراندى قولدايتىنىن بىلدىرگەن بولاتىن. سودان بەرى ەلىمىزدىڭ ءار ايماقتارىندا وسى باعىتتاعى پاتريوتتىق يگى شارالاردا بۇل ۇران كوتەرىڭكى لەپپەن ايتىلىپ كەلەدى, قولداۋ شارالارى ۇيىم­داستىرىلۋدا. رەسپۋبليكالىق «جاراسىم» جاستار بىرلەستىگىنىڭ الماتىدا وتەتىن ءححVىىى دۇنيەجۇزىلىك قىسقى ۋنيۆەرسيادا قارساڭىندا جوعارىداعى سالتاناتتى ەلى مەن ەلباسى قولداعان شاراعا ۇيلەستىرىپ وتكىزۋى دە تەكتەن-تەك ەمەس. قازاقستان جاستارى اراسىندا وتانعا دەگەن پاتريوتيزم مەن اۋىزبىرلىكتى نىعايتۋ بۇگىنگى جيىنعا باستى ۇران ەتىپ الىنۋى دا سوندىقتان. جاستارعا ۇلگى بولىپ جۇرگەن تانىمال سپورت ساڭلاقتارى جينالعاندار الدىندا جىگەرلى ءسوز سويلەپ, سپورتشىلارىمىزعا جەڭىس تىلەدى, جاستارىمىزدىڭ جۇرەگىنە وتانشىلدىق سەزىم قونۋىن تىلەدى. ولاردىڭ اراسىندا قازاق­ستان الپينيستەرى قۇراما كومان­داسىنىڭ كاپيتانى, الەمگە تا­نىمال الپينيست ماقسۇت جۇ­ماەۆ, گرەك-ريم كۇرەسىنەن وليم­پيادا چەمپيونى يۋري مەل­نيچەنكو, كيكبوكسينگتەن الەم چەمپيونى ميحايل ءنادىروۆ جانە باسقالار بار. قازاقستاننىڭ اتىنان ۇلى دۇرمەك – «ۋنيۆەرسيادا-2017» قىسقى ويىندار سپورتشىلارىنا رۋح بەرگەن سالتاناتتى جيىنعا قوعام قايراتكەرلەرى مەن مەم­لەكەتتىك ورگانداردىڭ وكىلدەرى, ەتنومادەني بىرلەس­تىكتەردىڭ جەتەكشىلەرى مەن سپورتشىلار, ستۋدەنت جاستار قاتىستى. جي­نالعان قاۋىم بولاشاعى جار­قىن جاس مەملەكەتىمىزدىڭ تەك سپورتتا عانا ەمەس, ەلىمىزدىڭ دامۋىنىڭ بارلىق سالاسىندا ۇنەمى الدا بولاتىنىنا سەنىم ءبىلدىردى. «قازاقستان – تەك العا!» دەگەن ۇران ايتىلدى. تالعات ءسۇيىنباي, «ەگەمەن قازاقستان» الماتى