تمد-نىڭ 9 ەلىنەن 420 بايقاۋشى قاتىسادى

كەشە ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ پەن تمد اتقارۋشى كوميتەتىنىڭ توراعاسى سەرگەي لەبەدەۆتىڭ كەزدەسۋى بولدى. كەزدەسۋدە تاراپتار قازاق­ستان­دا­عى كەزەكتەن تىس پرەزيدەنتتىك سايلاۋ ناۋقانىنا بايلا­نىس­تى اڭگىمەلەستى. وسك توراعاسىنىڭ اتاپ ءوتۋى­ن­شە, تمد-نىڭ بايقاۋشىلار ميسسياسى قازاقستاندا ەكى اپتادان بەرى جۇمىس ىستەپ جاتىر. پرەزيدەنتتىك سايلاۋ ءادىل جانە اشىق ءوتۋى ءتيىس. ەكى ايعا جۋىق ۋاقىتتان بەرى سايلاۋشىلار ءتىزىمى ناقتىلانىپ جاتىر. سونداي-اق وسك وبلىستىق سايلاۋ كوميسسياسىنىڭ توراعالارى مەن حاتشىلارىنىڭ باسىن قوسقان رەسپۋبليكالىق سەمينار-كەڭەس وتكىزدى. قازىرگى كەزدە ۋچاسكەلىك سايلاۋ كوميسسيالارىنىڭ مۇشە­لەرىن وقىتۋ مارەسىنە جەتتى. پرەزيدەنتتىككە كانديداتتار ساي­لاۋال­دى ۇگىت جۇمىستارىن ءجۇر­گىزۋ بارىسىندا باق-تاردا تەڭدەي مۇمكىندىكتى پايدالانۋدا. «لاس» تەحنولوگيالاردى پايدالانۋ ارەكەتتەرى كەزدەسكەن جوق. ال تمد اتقارۋشى كومي­تە­تىنىڭ توراعاسى سەرگەي لەبەدەۆتىڭ پىكىرىنشە, تمد ەلدەرىندەگى سايلاۋلار دەموكراتيالىق جاعدايدا ءوتىپ كەلەدى. بۇل جونىنەن قازاق­ستان الدىڭعى ورىندا تۇر. كەزەكتەن تىس پرەزيدەنتتىك سايلاۋ اشىق جانە ءوز دەڭگەيىندە وتەتى­نىنە قازىردىڭ وزىندە كوز جەتىپ وتىر. سونداي-اق, ول تمد باي­قاۋشىلارى سايلاۋ ۇدەرىستەرىن باقىلاۋعا بەلسەنە قاتىنا­سا­تىنىن اتاپ ءوتتى. ونىڭ ءمالىم ەتكەنىندەي, پرەزيدەنتتىك سايلاۋعا تمد ميسسياسىنان توعىز مەم­لەكەتتىڭ 420 بايقاۋشىسى كەلىپ وتىر.