العاشقى ەسەپتى دۇيسەنبىدە بەرەدى

كەشە ورتالىق سايلاۋ كوميسسياسىنىڭ توراعاسى قۋاندىق تۇرعانقۇلوۆ ەقىۇ پارلامەنتتىك اسسامبلەياسىنىڭ حورۆاتيا پارلامەنتىنىڭ دەپۋتاتى تونينو پيتسۋلا باستاپ كەلگەن دەلەگاتسيا مۇشەلەرىمەن كەزدەستى. وسك باسشىسى دەلەگاتسيا ءمۇ­شە­لەرىن ورتالىق سايلاۋ كوميس­سيا­سىن پرەزيدەنتتىك سايلاۋدى ءازىر­لەۋ مەن وتكىزۋ بويىنشا ات­قارىپ جاتقان جۇمىستارىمەن تا­نىستىردى. سونداي-اق سايلاۋ ناۋ­قانىنىڭ كەيبىر ەرەكشەلىكتەرىنەن, سايلاۋ كوميسسيالارىن قا­لىپتاستىرۋدىڭ زاڭمەن بەلگىلەنگەن تارتىبىنەن, پرەزيدەنتتىككە كان­ديداتتاردىڭ سايلاۋالدى ۇگىت جۇرگىزۋ ماسەلەلەرىنەن حاباردار ەتتى. ولار تاراپىنان قويىلعان ءبىر­قاتار سۇراقتارعا جاۋاپتار قايتاردى. تونينو پيتسۋلا وسك باسشى­لى­عىنا سايلاۋالدى شارالارعا جاسالعان جان-جاقتى شولۋ مەن كورسەتىلگەن ادىستەمەلىك كومەكتەر ءۇشىن ريزاشىلىعىن ءبىلدىردى. ەقىۇ-نىڭ پارلامەنتتىك اسسام­بلەيا­سى بۇكىل ەقىۇ كەڭىستى­گىن­دەگى سايلاۋلاردى بايقاۋدى ماق­سات تۇتاتىنىن اتاپ ءوتتى. «دەلەگاتسيا مۇشەلەرىنىڭ باسىم كوپ­شى­لىگىنىڭ سايلاۋلاردى بايقاۋدا اي­تارلىقتاي تاجىريبەلەرى بار, – دەدى دەلەگاتسيا باسشىسى. – قا­زاق­ستانداعى دەموكراتيالىق ۇدە­رىستەر ءبىز ءۇشىن اسا ماڭىزدى جانە كەزەكتەن تىس پرەزيدەنتتىك ساي­لاۋ­دى ۇزاق مەرزىمدى بايقاۋ بوي­ىن­شا العاشقى ەسەپتى ءبىز ءدۇي­سەنبىدە, 4 ءساۋىر كۇنى بەرەتىن بو­لامىز». – ەقىۇ پارلامەنتتىك اسسام­بلەياسىنىڭ وكىلدەرى قازاقستان­دا­عى بارلىق ەلەكتورالدىق ناۋقان­داردى بايقاۋعا قاتىسىپ كەلەدى, – دەدى وسك توراعاسى كەزدەسۋ سو­ڭىندا. – بەرگەن باعالارى ءار­قا­شان وبەكتيۆتى بولدى. ءبىز دەمو­كراتيالىق جانە اشىق سايلاۋدى قامتاماسىز ەتۋ ءۇشىن ۇلكەن جۇمىس اتقاردىق. سوندىقتان بار­لىعىمىز دا سايلاۋدى باي­قاۋدىڭ ادال ءارى ءادىل بولۋىنا مۇددەلىمىز.