2011 جىلعى 5 قاڭتار استانا قالاسى
ناركولوگيالىق ۇيىمدار (اۋرۋحانالار, ديسپانسەرلەر) جونىندەگى ەرەجەنى بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 7 جانە 32-باپتارىنا سايكەس ءجانە قازاقستان رەسپۋبليكاسىنداعى ناركولوگيالىق ۇيىمداردىڭ مارتەبەسى مەن وكىلەتتىگىن انىقتاۋ ماقساتىندا بۇيىرامىن:
1. قوسا بەرىلىپ وتىرعان ناركولوگيالىق ۇيىمدار (اۋرۋحانالار, ديسپانسەرلەر) جونىندەگى ەرەجە بەكىتىلسىن.
2. «دەنساۋلىق ساقتاۋ ۇيىمدارىنىڭ ۇلگى شتاتتارى مەن شتات نورماتيۆتەرىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ مينيسترلىگىنىڭ 2010 جىلعى 7 ساۋىردەگى № 238 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6173 تىركەلگەن, قازاقستان رەسپۋبليكاسىنىڭ نورماتيۆتىك قۇقىقتىق اكتىلەر بيۋللەتەنىندە 2010 جىلعى ماۋسىمدا № 6 جاريالانعان) مىناداي وزگەرىستەر مەن تولىقتىرۋلار ەنگىزىلسىن:
كورسەتىلگەن بۇيرىقپەن بەكىتىلگەن دەنساۋلىق ساقتاۋ ۇيىمدارىنىڭ ۇلگى شتاتتارى مەن شتات نورماتيۆتەرىندە:
5-تاراۋدا:
مىناداي مازمۇنداعى 335-1 تارماقپەن تولىقتىرىلسىن:
«335-1. ۋاقىتشا بەيىمدەۋ جانە دەتوكسيكاتسيا ورتالىقتارىنىڭ ناركولوگ-دارىگەرلەرىنىڭ لاۋازىمدارى:
ناركولوگ-دارىگەرلەردىڭ 1 تاۋلىكتىك پوستى – ۋاقىتشا بەيىمدەۋ جانە دەتوكسيكاتسيا ورتالىعىنىڭ 20 ءتوسەگىنە.
ۋاقىتشا بەيىمدەۋ جانە دەتوكسيكاتسيا ورتالىعىنىڭ مەڭگەرۋشىسى لاۋازىمى ءاربىر ورتالىققا بەلگىلەنەدى»;
339-تارماقتىڭ 3 ابزاتسىنداعى «جاسوسپىرىمدەر» دەگەن ءسوز «بالالار» دەگەن سوزبەن اۋىستىرىلسىن;
345-تارماق مىناداي رەداكتسيادا جازىلسىن:
«345. سوت-ناركولوگيالىق ساراپتاما جۇرگىزۋ ءۇشىن ءاربىر ناركولوگيالىق ۇيىمعا سوت-ناركولوگيالىق ساراپشى دارىگەردىڭ ەكى لاۋازىمى. ەگەر جىلىنا سوت-ناركولوگيالىق ساراپتامانىڭ سانى 1000-نان اساتىن بولسا, وندا سوت-ناركولوگيالىق ساراپتاماشى دارىگەردىڭ ءبىر لاۋازىمى قوسىمشا ەنگىزىلەدى»;
349-1 تارماق مىناداي مازمۇنداعى بايانداۋمەن تولىقتىرىلسىن:
«349-1. ۋاقىتشا بەيىمدەۋ جانە دەتوكسيكاتسيا ورتالىقتارىنىڭ مەديتسينالىق بيكە لاۋازىمدارى ناركولوگ-دارىگەرلەر لاۋازىمدارىنا سايكەس بەكىتىلەدى.
ۋاقىتشا بەيىمدەۋ جانە دەتوكسيكاتسيا ورتالىقتارىنىڭ فەلدشەرلەر لاۋازىمدارى ناركولوگ-دارىگەرلەر لاۋازىمدارىنا سايكەس بەكىتىلەدى.
ۋاقىتشا بەيىمدەۋ جانە دەتوكسيكاتسيا ورتالىقتارىنىڭ اعا مەديتسينالىق بيكە لاۋازىمى ءار ورتالىققا بەكىتىلەدى»;
355-1 تارماق مىناداي مازمۇنداعى بايانداۋمەن تولىقتىرىلسىن:
«355-1.ۋاقىتشا بەيىمدەۋ جانە دەتوكسيكاتسيا ورتالىقتارىنىڭ سانيتار, سانيتار-جۋىندىرۋشى ءجانە باقىلاۋ بويىنشا سانيتار لاۋازىمدارى ناركولوگ-دارىگەرلەر لاۋازىمدارىنا سايكەس بەكىتىلەدى.
ۋاقىتشا بەيىمدەۋ جانە دەتوكسيكاتسيا ورتالىقتارىنىڭ شارۋاشىلىق-بيكەسى لاۋازىمى ءار ورتالىققا بەكىتىلەدى»;
3. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەديتسينالىق كومەكتى ۇيىمداستىرۋ دەپارتامەنتى (تولەعاليەۆا ا.ع.) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن ءوتۋىن قامتاماسىز ەتسىن.
4. قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اكىمشىلىك-قۇقىقتىق جۇمىستار جونىندەگى دەپارتامەنتى (بيسميلدين ف.ب.) اتالعان بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن زاڭنامادا بەكىتىلگەن تارتىپپەن بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن.
5. اتالعان بۇيرىقتىڭ ورىندالۋىنا باقىلاۋ جۇرگىزۋ قازاقستان رەسپۋبليكاسى دەنساۋلىق ساقتاۋ ۆيتسە-ءمينيسترى ە.ءا. بايجۇنىسوۆكە جۇكتەلسىن.
6. وسى بۇيرىق العاش رەت رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى.
ءمينيستردىڭ مىندەتىن اتقارۋشى ب.سادىقوۆ.
قازاقستان رەسپۋبليكاسى دەنساۋلىق ساقتاۋ ءمينيستردىڭ م.ا. 2011 جىلعى 5 قاڭتار №2 بۇيرىعىمەن بەكىتىلگەن
ناركولوگيالىق ۇيىمدار (اۋرۋحانالار, ديسپانسەرلەر) تۋرالى ەرەجە
1. جالپى ەرەجەلەر
1. ناركولوگيالىق ۇيىمدار (اۋرۋحانالار, ديسپانسەرلەر) (بۇدان ءارى – ناركولوگيالىق ۇيىمدار) پروفيلاكتيكالىق جۇمىستى جۇزەگە اسىراتىن جانە مامانداندىرىلعان مەديتسينالىق كومەك كورسەتەتىن, سونداي-اق الكوگول جانە (نەمەسە) پسيحواكتيۆتى زاتتاردى (ەسىرتكى, پسيحوتروپتى زاتتار, پسيحوستيمۋلياتورلار, گالليۋتسينوگەندەر, ۇشپا ەرىتىندىلەر, تەمەكى) (بۇدان ءارى – پاز) زياندى سالدارىمەن تۇتىناتىن ءارى الكوگولگە جانە (نەمەسە) پسيحواكتيۆتى زاتتارعا تاۋەلدى ناۋقاستارعا مەديتسينالىق-الەۋمەتتىك وڭالتۋدى جۇزەگە اسىراتىن دەنساۋلىق ساقتاۋ ۇيىمدارى بولىپ تابىلادى.
2. ناركولوگيالىق ۇيىمدار دوڭگەلەك ءمورى مەن ءوزىنىڭ تولىق اتاۋى بەلگىلەنگەن ءمورتابانى بار زاڭدى تۇلعا بولىپ تابىلادى.
3. ناركولوگيالىق ۇيىمداردىڭ شتاتتارى دەنساۋلىق ساقتاۋ سالاسىنداعى ۋاكىلەتتى ورگان بەكىتكەن ۇلگى شتاتتارعا جانە شتات نورماتيۆتەرىنە سايكەس بەلگىلەنەدى.
4. ناركولوگيالىق ۇيىمدار ءوزىنىڭ قىزمەتىندە قازاقستان رەسپۋبليكاسىنىڭ كونستيتۋتسياسىن, قازاقستان رەسپۋبليكاسىنىڭ زاڭدارىن, قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىن جانە وسى ەرەجەنى باسشىلىققا الادى.
2. ناركولوگيالىق ۇيىمداردىڭ نەگىزگى مىندەتتەرى مەن فۋنكتسيالارى
5. ناركولوگيالىق ۇيىمداردىڭ نەگىزگى مىندەتتەرى مىنالار بولىپ تابىلادى:
1) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستارعا ساپالى ناركولوگيالىق كومەك كورسەتۋ;
2) رەسپۋبليكا حالقىنىڭ اراسىندا الكوگولگە جانە (نەمەسە) باسقا دا پاز-دىڭ زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستاردىڭ تارالۋ ءۇردىسىنىڭ دامۋىن ءتيىمدى تەجەۋ جانە بەتىن قايتارۋ;
3) ۇزاق جانە تۇراقتى وڭالۋعا قول جەتكىزە وتىرىپ, الكوگولگە جانە (نەمەسە) باسقا دا پاز-عا تاۋەلدىلەردى مەديتسينالىق-الەۋمەتتىك وڭالتۋ;
4) الكوگولدەن ورتاشا دەڭگەيدەگى ماس بولۋ جاعدايىنداعى (ۋىتتانعان) پاتسيەنتتەردى ۋاقىتشا بەيىمدەۋ جانە دەتوكسيكاتسيالاۋ;
5) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستاردى ەسەپكە الۋ, پروفيلاكتيكالىق باقىلاۋ.
6. قويىلعان مىندەتتەرگە سايكەس ناركولوگيالىق ۇيىمدار مىناداي قىزمەتتەردى جۇزەگە اسىرادى:
1) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستار سۇرانىستارىنا سايكەس ناركولوگيالىق كومەك كورسەتۋدى (ۇسىنىلاتىن قىزمەتتەردىڭ قاۋىپسىزدىگى, قول جەتىمدىلىگى, كولەمى مەن ساپالىق سيپاتتامالارى بويىنشا) قامتاماسىز ەتۋ;
2) حالىقتىڭ ءارتۇرلى توپتارىنىڭ اراسىندا الكوگولگە جانە (نەمەسە) پاز-عا تاۋەلدىلىككە قۇمارتۋشىلىقتىڭ ءتيىمدى تۇردەگى العاشقى پروفيلاكتيكاسى (الكوگولگە جانە (نەمەسە) باسقا دا پاز-عا قۇمارلىقتىڭ قاۋىپتىلىگى جوعارى توپتارىنا دياگنوستيكا جانە قاۋىپتىلىگى اسقىنعان تۇرىنە ءتيىمدى تۇزەتۋ جاساۋدى بىرگە قوسا);
3) حالىقتىڭ ءارتۇرلى توپتارىنىڭ اراسىندا الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستار اۋرۋلارىنىڭ العاشقى ءبىلىنۋى مەن كەڭ تارالعان كلينيكالىق سيپاتىنا دياگنوستيكا جۇرگىزۋ, ناركولوگيالىق كومەك باعدارلاماسىنا قاتىسۋعا ۋاجدەمەلەۋ;
4) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستاردى مەديتسينالىق-الەۋمەتتىك وڭالتۋ ۋاجدەمەسىمەن قوسا, العاشقى ناركولوگيالىق كومەك باعدارلامالارىمەن تولىققاندى قامتۋعا قول جەتكىزۋ;
5) ىشكى ىستەر ورگاندارى قىزمەتكەرلەرى تاراپىنان جەتكىزىلگەن پاتسيەنتتەردى ەمدەۋگە جاتقىزۋ قاجەتتىگى نەمەسە جاتقىزۋعا قارسىلىق ءبىلدىرۋ ماسەلەسىن شەشۋ ماقساتىندا الكوگول جانە (نەمەسە) باسقا دا پاز-دان ماس بولۋ (ۋىتتانۋ) دەڭگەيىنە دياگنوستيكا جاساۋ;
6) ۇزاق ءارى تۇراقتى رەميسسياعا جانە رەتسيديۆكە قارسى ءارى قولداۋشى تەراپيا ۋاجدەمەسىنە قول جەتكىزە وتىرىپ, امبۋلاتوريالىق جانە ستاتسيونارلىق جاعدايدا الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستاردى ءتيىمدى تۇردە ەمدەۋ جانە مەديتسينالىق-الەۋمەتتىك وڭالتۋ;
7) ناركولوگيالىق كومەكتىڭ سوڭعى كەزەڭىندەگى رەميسسيا جاعدايىندا تۇرعان الكوگولگە جانە (نەمەسە) پاز-عا تاۋەلدى ناۋقاستار اراسىندا رەتسيديۆتەردىڭ ءتيىمدى پروفيلاكتيكاسى (رەتسيديۆكە قارسى جانە قولداۋشى تەراپيا);
8) الكوگولدى جانە (نەمەسە) پاز-دى ۇنەمى پايدالانۋدىڭ مەيلىنشە اۋىر اسقىنۋلارى مەن سالدارىن ءتيىمدى پروفيلاكتيكالاۋ (مەديتسينالىق – كوموربيدتى پاتولوگيانىڭ دامۋى, ايتۆ-نى قوسا العاندا, مەرزىمىنەن بۇرىن مۇگەدەكتەنۋ, ءولىم-جىتىمدىلىك, الەۋمەتتىك ءتارتىپ نىساندارىنا قارسى الەۋمەتتىك ءتارتىپ ۇلگىسى, قىلمىستىق بەلسەندىلىك, كۇشپەن باسىپ الۋلار, اۋتواگرەسسيالار);
9) ناركولوگيالىق ۇيىمنىڭ قىزمەت كورسەتۋ اۋماعىنداعى الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستارعا ناركولوگيالىق كومەك كورسەتۋ جاعدايىنا تالداۋ جۇرگىزۋ جانە مەديتسينالىق كومەك ساپاسىنىڭ ينديكاتورلارىنا سايكەس دەنساۋلىق ساقتاۋ سالاسىنداعى ۋاكىلەتتى ورگانمەن بەكىتىلگەن ەسەپتىك جانە وزگە دە قۇجاتتاردىڭ ستاتيستيكالىق وڭدەلۋىنىڭ نەگىزىندە باعا بەرۋ;
10) ناركولوگيالىق كومەكتى ۇيىمداستىرۋ ماسەلەسى بويىنشا كونسۋلتاتسيالىق جانە ۇيىمداستىرۋشىلىق- ادىستەمەلىك كومەك كورسەتۋ.
3. ناركولوگيالىق ۇيىمداردىڭ قۇرىلىمى
7. وزىنە جۇكتەلگەن قىزمەتتەرگە بايلانىستى ناركولوگيالىق ۇيىمداردىڭ قۇرىلىمىندا مىنالار ۇيىمداستىرىلۋى مۇمكىن:
1) ديسپانسەرلىك (ەمحانالىق) ناركولوگيالىق ءبولىمشە;
2) بالالارعا ارنالعان ناركولوگيالىق بولىمشە (كابينەت);
3) جاسىرىن ەمدەۋ جونىندەگى ناركولوگيالىق ءبولىمشە (كابينەت);
4) الكوگولگە جانە (نەمەسە) پاز-عا تاۋەلدى ناۋقاستاردىڭ ءجىتى جانە جىتىلەۋ ابستينەنتتى جاعدايلارىن ءدارى-دارمەك ارقىلى ەمدەۋگە جانە ۋاجدەمەلى تەراپيا جۇرگىزۋگە ارنالعان ستاتسيونارلى ناركولوگيالىق ءبولىمشەلەر, ونىڭ ىشىندە الكوگولگە جانە (نەمەسە) پاز-عا تاۋەلدى ناۋقاستاردى ءماجبۇرلى تۇردە تەكسەرۋگە جانە ەمدەۋگە ارنالعان بولىمشەلەر;
5) مەديتسينالىق جانە الەۋمەتتىك وڭالتۋ بولىمشەسى (پسيحوتەراپيا جانە وڭالتۋ بولىمشەسى, الەۋمەتتىك وڭالتۋ بولىمشەسى);
6) ۋاقىتشا بەيىمدەۋ جانە دەتوكسيكاتسيا ورتالىعى;
7) كۇندىزگى ناركولوگيالىق ستاتسيونار;
8) ۇيىمداستىرۋ-ادىستەمەلىك ءبولىمى;
8. اۋداندىق نەمەسە قالالىق ەمحانالاردا ناركولوگيالىق كابينەتتەر جۇمىس ىستەي الادى.
§ 1. ديسپانسەرلىك (ەمحانالىق) ناركولوگيالىق بولىمشە
9. ديسپانسەرلىك (ەمحانالىق) ناركولوگيالىق ءبولىمشە الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستارعا ناركولوگيالىق كومەك كورسەتۋ حاتتامالارىنا سايكەس مامانداندىرىلعان مەديتسينالىق كومەك كورسەتۋشى, ناركولوگيالىق ۇيىمنىڭ قۇرىلىمدىق بولىمشەسى بولىپ تابىلادى.
10. ديسپانسەرلىك (ەمحانالىق) ناركولوگيالىق ءبولىمشەنىڭ مەديتسينا قىزمەتكەرلەرى مىنالاردى جۇزەگە اسىرادى:
1) الكوگولگە جانە (نەمەسە) باسقا دا پاز-عا ءتاۋەلدى ناۋقاستاردى انىقتاۋ, ەسەپكە الۋ جانە ديسپانسەرلىك باقىلاۋ;
2) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ناۋقاستاردى انىقتاۋ, ەسەپ جۇرگىزۋ (كورسەتكىشتەر بويىنشا);
3) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستارعا امبۋلاتوريالىق-ەمحانالىق كومەك;
4) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستاردى ەمدەۋدەگى ساباقتاستىقتى قامتاماسىز ەتۋ;
5) زياندى وندىرىستىك فاكتورلارى بار جۇمىسقا كىرۋگە, كولىك قۇرالدارىن باسقارۋعا, سۋىق جانە وق-ءدارىمەن اتىلاتىن قارۋ-جاراق جانە باسقالاردى يەلەنۋگە جانە پايدالانۋعا رۇقسات بەرۋ تۋرالى قورىتىندى شىعارۋ;
6) ناۋقاستاردىڭ ەڭبەككە ۋاقىتشا جارامسىزدىعىن ساراپتاۋ;
7) كورسەتىلگەن ناركولوگيالىق كومەكتىڭ تيىمدىلىگىنە تالداۋ جۇرگىزۋ.
11.ناركولوگيالىق كومەك كورسەتۋ ءۇشىن ديسپانسەرلىك (ەمحانالىق) ناركولوگيالىق بولىمشە مىنالارعا يە بولادى:
1) ۋچاسكەلىك ناركولوگ دارىگەرلەردىڭ كابينەتتەرى;
2) وڭالتۋ باعدارلاماسى مەن پسيحودياگنوستيكا بويىنشا ارنايى جەكە جانە توپتىق پسيحوتەراپيالىق جۇمىستار جۇرگىزۋ ءۇشىن پسيحولوگتار مەن پسيحوتەراپەۆتەرگە ارنالعان كابينەتتەر;
3) بولىمشە مەڭگەرۋشىلەرى مەن اعا مەيىربيكەلەرگە ارنالعان كابينەتتەر;
4) جاسىرىن ەمدەۋ كابينەتى;
5) سوت-ناركولوگيالىق ساراپتاما جۇرگىزۋ كابينەتى;
6) الكوگولگە جانە ەسىرتكىگە قارسى ۇگىت-ناسيحات جۇرگىزۋ كابينەتى;
7) كونسۋلتاتسيا بەرۋشى دارىگەرلەردىڭ (تەراپەۆت, نەۆروپاتولوگ دارىگەر جانە باسقالار) كابينەتتەرى;
8) قوسالقى بولىمشەلەر: كلينيكالىق-دياگنوستيكالىق زەرتحانا, فۋنكتسيالىق دياگنوستيكا كابينەتى, ساۋلە ارقىلى دياگنوستيكا جۇرگىزۋ كابينەتى, فيزيوتەراپيالىق كابينەت جانە ت.ب.
9) تىركەۋ ورنى;
10) ماستىققا ساراپتاما جاساۋ كابينەتى;
11) ەم-شارا كابينەتى.
12. ديسپانسەرلىك (ەمحانالىق) ناركولوگيالىق ءبولىمشەنىڭ ناركولوگيالىق كابينەتتەرىندەگى ناركولوگ دارىگەرلەردىڭ, ناركولوگ فەلدشەرلەردىڭ جانە مەدبيكەلەردىڭ جۇمىسى اۋماقتىق پرينتسيپ بويىنشا جۇرگىزىلەدى.
§ 2. بالالارعا ارنالعان ناركولوگيالىق بولىمشە (كابينەت)
13. بالالارعا ارنالعان ناركولوگيالىق بولىمشە (كابينەت) بالالار اراسىنداعى ناركولوگيالىق اۋرۋلاردىڭ الدىن الۋ بويىنشا پروفيلاكتيكالىق جۇمىستى جۇزەگە اسىراتىن, الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاس بالالارعا ناركولوگيالىق كومەك كورسەتۋ حاتتامالارىنا سايكەس مامانداندىرىلعان مەديتسينالىق كومەك كورسەتۋشى, ناركولوگيالىق ۇيىمنىڭ قۇرىلىمدىق ءبولىمشەسى بولىپ تابىلادى.
بالالارعا ارنالعان ناركولوگيالىق بولىمشە (كابينەت) قۇرىلىمىندا ستاتسيونارلى توسەكتەر بولماعان جاعدايدا, ديسپانسەرلىك (ەمحانالىق) ناركولوگيالىق بولىمشەنىڭ شاعىن بولىمشەسى بولا الادى.
14. بالالارعا ارنالعان ناركولوگيالىق بولىمشەنىڭ مەديتسينا قىزمەتكەرلەرى مىنالاردى جۇزەگە اسىرادى:
1) بالالار اراسىندا الكوگولگە جانە (نەمەسە) پاز-عا تاۋەلدى بولۋ قاۋپىنىڭ ءورىسى تاراعان ناركولوگيالىق جاعدايعا جانە العاشقى پروفيلاكتيكالىق ەم جۇرگىزۋ بەيىنى بويىنشا قارسى اسەر ەتۋگە كۇش سالۋ تيىمدىلىگىنە مونيتورينگ جۇرگىزۋ;
2) بالالاردىڭ ۇيىمداستىرىلعان توپتارىندا الكوگولگە جانە (نەمەسە) پاز-عا تاۋەلدى بولۋ بەيىنى بويىنشا شەكتەن تىس جوعارعى قاۋىپتى توپتاردى قۇرۋ جانە كەڭ اۋقىمدى دياگنوستيكا جۇرگىزۋ;
3) بالالاردىڭ ۇيىمداستىرىلعان توپتارىندا الكوگولگە جانە (نەمەسە) پاز-عا تاۋەلدىلىككە بەيىمدىلىگىنىڭ اسا قاۋىپتىلەرىن ءتيىمدى تۇردە تۇزەتۋ;
4) بالالار اراسىندا الكوگولگە جانە (نەمەسە) پاز-عا تاۋەلدى بولۋ مەن ەلىكتىرۋ بەلگىلەرىن بەلسەندى تۇردە انىقتاۋ, قولايلىلىق دياپازونىن ەسەپكە الا وتىرىپ, ناركولوگيالىق كومەك كورسەتۋ باعدارلامالارىنا قاتىسۋشى كونتينگەنت قۇرامىنا ۋاجدەمە جاساۋ;
5) بۇقارالىق اقپارات قۇرالدارى ارقىلى حالىقتى ۋاجدەمەلى اقپاراتتاندىرۋدىڭ ستاندارتتىق العاشقى پروفيلاكتيكالىق تەحنولوگيالارىن جۇزەگە اسىرۋ;
6) الكوگولدى جانە (نەمەسە) پاز-دى زياندى سالدارىمەن تۇتىنۋعا بەيىم ءارى الكوگولگە جانە (نەمەسە) پاز-عا تاۋەلدى بالالارعا ديسپانسەرلىك جانە العاشقى پرافيلاكتيكالىق باقىلاۋ جۇرگىزۋ;
7) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) پاز-عا تاۋەلدى ناۋقاس بالالاردى ەمدەۋدەگى ساباقتاستىقتى قامتاماسىز ەتۋ;
8) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) پاز-عا تاۋەلدى بالالارعا امبۋلاتوريالىق-ەمحانالىق, ستاتسيونارلىق ناركولوگيالىق كومەك كورسەتۋ;
9) كورسەتىلگەن ناركولوگيالىق كومەكتىڭ تيىمدىلىگىنە تالداۋ جۇرگىزۋ;
15. بالالارعا ارنالعان ناركولوگيالىق كومەك ولاردىڭ زاڭدى وكىلدەرىنىڭ جازباشا كەلىسىمدەرى ارقىلى جاسالىنادى.
16. بالالارعا ناركولوگيالىق كومەك جاساۋ ءۇشىن ناركولوگيالىق بولىمشە (كابينەت) مىنالارعا يە بولادى:
1) ناۋقاستارعا ارنالعان پالاتا;
2) بولىمشە مەڭگەرۋشىسى مەن اعا مەيىربيكەگە ارنالعان كابينەتتەر;
3) بالالاردىڭ ۋچاستكەلىك ناركولوگ دارىگەرلەرى كابينەتى;
4) وڭالتۋ باعدارلاماسى مەن پسيحودياگنوستيكا بويىنشا ارنايى جەكە جانە توپتىق پسيحوتەراپيالىق جۇمىستار جۇرگىزۋ ءۇشىن پسيحوتەراپەۆت جانە پسيحولوگ دارىگەرلەرگە ارنالعان كابينەتتەر;
5) ەم-شارا كابينەتى;
6) توسەك-ورىن جابدىقتارى, شارۋاشىلىققا قاجەتتى بۇيىمداردى ساقتايتىن ورىن-جاي.
17. بالالارعا ارنالعان ناركولوگيالىق بولىمشە ەرەسەك ناركولوگيالىق ناۋقاستاردى ەمدەۋگە ارنالعان ناركولوگيالىق بولىمشەلەردەن جەكەلەگەن كىرۋ ەسىگىمەن وقشاۋ جايعاستىرىلادى نەمەسە جەكەلەگەن عيماراتتا ورنالاستىرىلادى.
§ 3. جاسىرىن ەمدەۋ بويىنشا ناركولوگيالىق بولىمشە (كابينەت)
18. جاسىرىن ەمدەۋ بويىنشا ناركولوگيالىق بولىمشە (كابينەت) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) پاز-عا تاۋەلدى ناۋقاستارعا ناركولوگيالىق كومەك كورسەتۋ حاتتامالارىنا سايكەس مامانداندىرىلعان مەديتسينالىق كومەك كورسەتۋشى, ناركولوگيالىق ۇيىمنىڭ قۇرىلىمدىق بولىمشەسى بولىپ تابىلادى.
19. جاسىرىن ەمدەۋ بويىنشا ناركولوگيالىق بولىمشەنىڭ (كابينەتتىڭ) مەديتسينا قىزمەتكەرلەرى مىنالاردى جۇزەگە اسىرادى:
1) ءوز ەركىمەن ەمدەلگىسى كەلەتىن الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) پاز-عا تاۋەلدى ناۋقاستارعا امبۋلاتوريالىق-ەمحانالىق جانە ستاتسيونارلىق كومەك كورسەتۋ;
2) جاسىرىن ەمدەۋ بويىنشا ناركولوگيالىق ءبولىمشەلەردە ەمدەلۋدەن وتكەن اۋرۋلاردىڭ رەتسيديۆكە قارسى ءارى قولداۋشى تەراپيالىق ەمدەلۋىن باقىلاۋ;
3) كورسەتىلگەن ناركولوگيالىق كومەكتىڭ تيىمدىلىگىنە تالداۋ جۇرگىزۋ;
20. ەمدەۋ شارالارىن جۇرگىزۋدى قامتاماسىز ەتۋ ءۇشىن جاسىرىن ەمدەۋ ناركولوگيالىق بولىمشەسى (كابينەت) مىنالارعا يە بولادى:
1) بولىمشە مەڭگەرۋشىسى مەن ناركولوگ دارىگەردىڭ كابينەتى;
2) وڭالتۋ باعدارلاماسى مەن پسيحودياگنوستيكا بويىنشا ارنايى جەكە جانە توپتىق پسيحوتەراپيالىق جۇمىستار جۇرگىزۋ ءۇشىن پسيحوتەراپەۆت جانە پسيحولوگ دارىگەرلەرگە ارنالعان كابينەتتەر;
3) ەم-شارا كابينەتى;
4) ناۋقاستارعا ارنالعان پالاتا;
5) توسەك ورىن-جابدىقتارى, شارۋاشىلىققا قاجەتتى بۇيىمداردى ساقتايتىن ورىن-جاي.
21. جاسىرىن ەمدەۋ بويىنشا ناركولوگيالىق ءبولىمشە (كابينەت) باسقا ناركولوگيالىق ناۋقاستاردى ەمدەۋگە ارنالعان ناركولوگيالىق بولىمشەلەردەن وقشاۋلانعان بولۋى ءتيىس, وسى ماقساتتا ونىڭ جەكەلەگەن كىرۋ ەسىگى نەمەسە جەكەلەگەن عيماراتتا ورنالاسۋى ءتيىس.
§ 4. ءجىتى جانە جىتىلەۋ ابستينەنتتى جاعدايلاردى ءدارى-دارمەك ارقىلى ەمدەۋگە, الكوگولگە جانە (نەمەسە) پاز-عا تاۋەلدى ناۋقاستارعا ۋاجدەمەلى تەراپيا جۇرگىزۋگە ارنالعان ستاتسيونارلىق ناركولوگيالىق بولىمشەلەر, ونىڭ ىشىندە الكوگولگە جانە (نەمەسە) پاز-عا تاۋەلدى ناۋقاستاردى ءماجبۇرلى تۇردە تەكسەرۋگە جانە ەمدەۋگە ارنالعان بولىمشەلەر
22. ءجىتى جانە جىتىلەۋ ابستينەنتتى جاعدايلاردى ءدارى-دارمەك ارقىلى ەمدەۋگە, الكوگولگە جانە (نەمەسە) پاز-عا تاۋەلدى ناۋقاستارعا ۋاجدەمەلى تەراپيا ءجۇرگىزۋگە ارنالعان ستاتسيونارلىق ناركولوگيالىق ءبولىمشەلەر, ونىڭ ىشىندە الكوگولگە جانە (نەمەسە) پاز-عا تاۋەلدى ناۋقاستاردى ءماجبۇرلى تۇردە تەكسەرۋگە جانە ەمدەۋگە ارنالعان بولىمشەلەر, وعان قوسا ابستينەنتتى جاعدايلاردى ءدارى-دارمەك ارقىلى ەمدەۋگە ارنالعان, دەنساۋلىق ساقتاۋ سالاسىنداعى ۋاكىلەتتى ورگان بەكىتكەن ناركولوگيالىق كومەك كورسەتۋ حاتتامالارىنا سايكەس مامانداندىرىلعان مەديتسينالىق كومەك كورسەتۋشى, ناركولوگيالىق ۇيىمنىڭ قۇرىلىمدىق ءبولىمشەسى بولىپ تابىلادى.
23. ناركولوگيالىق ۇيىمداردىڭ ءجىتى جانە جىتىلەۋ ابستينەنتتى جاعدايلاردى ءدارى-دارمەك ارقىلى ەمدەۋگە ارنالعان الكوگولگە جانە (نەمەسە) پاز-عا تاۋەلدى ناۋقاستارعا ۋاجدەمەلى تەراپيا جۇرگىزۋگە, سونداي-اق ناۋقاستاردى ءماجبۇرلى تۇردە تەكسەرۋگە جانە ەمدەۋگە ارنالعان ستاتسيونارلىق بولىمشەسىنىڭ مەديتسينا قىزمەتكەرلەر قۇرامى مىنالاردى جۇزەگە اسىرادى:
1) الكوگولدى جانە (نەمەسە) پاز-دى تۇتىنۋ ناتيجەسىندە پسيحيكالىق جانە مىنەز-ق ۇلىقتىق اۋىتقۋلارعا دياگنوستيكا جۇرگىزۋ جانە ەمدەۋ;
2) ناركولوگيالىق قىزمەتتىڭ امبۋلاتوريالىق جانە ستاتسيونارلىق بۋىندارى ارالىعىنداعى, سونداي-اق ەمدەۋگە ارنالعان ءتۇرلى بولىمشەلەردە ناۋقاستارعا ەمدەلۋ ساباقتاستىعىن قامتاماسىز ەتۋ بويىنشا شارالار;
3) پروفيلاكتيكا, دياگنوستيكا مەن ناركولوگيالىق اۋىتقۋلاردى ەمدەۋ ماسەلەلەرى بويىنشا مەديتسينالىق ۇيىمدارعا كونسۋلتاتسيالىق كومەكتەر بەرۋ;
4) ناۋقاستىڭ ۋاقىتشا ەڭبەككە جارامسىزدىعىن ساراپتاۋ;
5) كورسەتىلگەن ناركولوگيالىق كومەكتىڭ تيىمدىلىگىنە تالداۋ جۇرگىزۋ;
24. ءجىتى جانە جىتىلەۋ ابستينەنتتى جاعدايلاردى ءدارى-دارمەك ارقىلى تۇزەتۋ مەن الكوگولگە جانە (نەمەسە) پاز-عا تاۋەلدى ناۋقاستارعا ۋاجدەمەلى تەراپيا جۇرگىزەتىن ناركولوگيالىق كومەك كورسەتۋگە ارنالعان ستاتسيونارلىق ناركولوگيالىق بولىمدەر, ونىڭ ىشىندە الكوگولگە جانە (نەمەسە) پاز-عا تاۋەلدى ناۋقاستاردى ءماجبۇرلى تۇردە تەكسەرۋگە جانە ەمدەۋگە ارنالعان ءبولىمشەلەر مىنالارعا يە بولادى:
1) ناۋقاستاردى قابىلداۋ بولمەسى;
2) ناۋقاستارعا ارنالعان پالاتالار;
3) ەم-شارا كابينەتى;
4) وڭالتۋ باعدارلامالارى مەن پسيحودياگنوستيكا بويىنشا ارنايى جەكە جانە توپتىق پسيحوتەراپيالىق جۇمىستاردى جۇرگىزۋ ءۇشىن پسيحوتەراپەۆتەر مەن پسيحولوگ دارىگەرلەرگە ارنالعان كابينەتتەر;
5) بولىمشە مەڭگەرۋشىسى مەن اعا مەدبيكەگە ارنالعان كابينەتتەر;
6) دارىگەرلەرگە ارنالعان كابينەت;
7) كەزەكشى مەديتسينا قىزمەتكەرىنە ارنالعان كابينەت;
8) فيزيوتەراپيا كابينەتى مەن فۋنكتسيالىق دياگنوستيكا كابينەتى;
9) توسەك ورىن-جابدىقتارى, شارۋاشىلىققا قاجەتتى بۇيىمداردى ساقتايتىن ورىن-جاي.
10) اسحانا.
25. قاجەت بولعان جاعدايدا, الكوگولگە جانە (نەمەسە) باسقا دا پاز-عا تاۋەلدى ناۋقاستاردىڭ ءجىتى جانە جىتىلەۋ ابستينەنتتى جاعدايلارىن ءدارى-دارمەك ارقىلى تۇزەتۋ جانە ۋاجدەمەلى تەراپيا جۇرگىزۋ ءۇشىن ستاتسيونارلىق ناركولوگيالىق بولىمدەردە, سونىڭ ىشىندە الكوگولگە جانە (نەمەسە) باسقا دا پاز-عا تاۋەلدى ناۋقاستاردى ءماجبۇرلى تۇردە تەكسەرۋگە ارنالعان ءبولىمدەردە تاۋلىك بويى باقىلاۋ جۇرگىزىلەتىن قوسىنى بار بەلسەندى باقىلاۋ جانە ينتەنسيۆتى تەراپيا پالاتاسى بولىنەدى.
26. الكوگولگە جانە (نەمەسە) باسقا دا پاز-عا تاۋەلدى ناۋقاستاردى ەمدەۋ جۇمىستارىن ۇيىمداستىرۋ كەزىندە ءبىرىنشى رەت كەلىپ تۇسكەن ەمدەلۋشىلەر مەن ءماجبۇرلى تەكسەرىلۋگە جانە دياگنوزىن انىقتاۋ مەن ەمدەلۋشى تۇلعالاردى, سونداي-اق قايتا ەمدەلۋگە كەلىپ تۇسكەن ەمدەلۋشىلەردى ءارتۇرلى پالاتالاردا ۇستاۋ ءمۇمكىندىگىن قاراستىرۋ قاجەت.
§ 5. مەديتسينالىق-الەۋمەتتىك وڭالتۋ بولىمشەسى (پسيحوتەراپيا جانە وڭالتۋ بولىمشەسى, الەۋمەتتىك وڭالتۋ بولىمشەسى)
27. مەديتسينالىق-الەۋمەتتىك وڭالتۋ بولىمشەسى (پسيحوتەراپيا جانە وڭالتۋ بولىمشەسى, الەۋمەتتىك وڭالتۋ بولىمشەسى) ناۋقاستاردى مەديتسينالىق-الەۋمەتتىك وڭالتۋعا ارنالعان, ناركولوگيالىق كومەك كورسەتۋ حاتتامالارىنا سايكەس مامانداندىرىلعان مەديتسينالىق كومەك كورسەتۋشى, ناركولوگيالىق ۇيىمنىڭ قۇرىلىمدىق بولىمشەسى بولىپ تابىلادى.
28. مەديتسينالىق-الەۋمەتتىك وڭالتۋ بولىمشەسى (پسيحوتەراپيا جانە وڭالتۋ بولىمشەسى, الەۋمەتتىك وڭالتۋ بولىمشەسى) الكوگولگە جانە (نەمەسە) باسقا دا پاز-عا تاۋەلدى ناۋقاستاردى ەمدەۋگە ارنالعان وڭالتۋ مەن پسيحيكالىق تۇزەتۋ باعدارلاماسىن جۇزەگە اسىرۋشى ناركولوگيالىق ستاتسيونار رەتىندە تاۋلىك بويعى كۇن تارتىبىمەن جۇمىس ىستەيدى.
29. مەديتسينالىق-الەۋمەتتىك وڭالتۋ بولىمشەسى (پسيحوتەراپيا جانە وڭالتۋ بولىمشەسى, الەۋمەتتىك وڭالتۋ بولىمشەسى) مەديتسينا قىزمەتكەرلەرى مىنالاردى جۇزەگە اسىرادى:
1) ءدارى-دارمەكپەن تۇزەتۋ كەزەڭىنەن ويداعىداي وتكەن الكوگولگە جانە (نەمەسە) باسقا دا پاز-عا تاۋەلدى ناۋقاستاردا الكوگولگە جانە (نەمەسە) باسقا دا پاز-عا تاۋەلدىلىكتەن الكوگول جانە (نەمەسە) ەسىرتكىگە قارسى تۇراقتىلىقتى قالىپتاستىرۋ;
2) الكوگولگە جانە (نەمەسە) باسقا دا پاز-عا تاۋەلدى ناۋقاستاردا بەلگىلى-ءبىر ومىرلىك ۇستانىمداردى قالىپتاستىرۋ ارقىلى مەديتسينالىق-الەۋمەتتىك تۇرعىدان قولداۋ جانە داۋ-داماي مەن قاتتى كۇيزەلىس كەدەرگىلەرىن جەڭىپ شىعۋ, ءتوزۋ ادىستەرىنە ۇيرەتۋ;
3) سالاماتتى ءومىر سالتى داعدىلارىن قالىپتاستىرۋ, الكوگول جانە (نەمەسە) باسقا دا پاز-دى قولدانۋدان باس تارتۋ, كۇندەلىكتى تۇرمىس بارىسىندا ءوز-وزىنە قىزمەت جاساۋ, كوممۋنيكاتسيا, ءوزارا قارىم-قاتىناس, ەڭبەككە ارالاسۋ جانە بوس ۋاقىتتى ۇتىمدى پايدالانۋ سياقتى جاعدايلارعا جاتتىعۋ;
4) مەديتسينالىق-الەۋمەتتىك وڭالتۋدان وتكەن الكوگولگە جانە (نەمەسە) باسقا دا پاز-عا تاۋەلدىلىكتىڭ قايتالانۋىن بولدىرماۋ ماقساتىندا جانە كۇيزەلىستى جاعدايدا ۋاقتىلى كىرىسىپ, سونداي-اق ولاردى مەديتسينالىق-الەۋمەتتىك وڭالتۋ بولىمشەسىندە (پسيحوتەراپيا جانە وڭالتۋ بولىمشەسى, الەۋمەتتىك وڭالتۋ بولىمشەسى) ۇيىمداستىرىلاتىن وڭالتۋ باعدارلامالارىنا تارتۋ ارقىلى پروفيلاكتيكالىق شارالاردى وتكىزۋ;
5) ەمدەلۋشىلەردى, مامانداردى, قوعامدىق ۇيىمداردى جانە تۇرعىنداردى وڭالتۋ باعدارلامالارىنا قاتىسۋعا تارتۋ ماقساتىندا, سونداي-اق تاۋەلدى بولۋ دەرتىنە قاتىستى تۇرعىندارعا اعارتۋشىلىق شارالارىن جۇزەگە اسىرۋ ماقساتىندا مەديتسينالىق-الەۋمەتتىك وڭالتۋ جۇمىستارى جونىندە جۇرتشىلىقتى اقپاراتتاندىرۋ;
6) ناۋقاستىڭ ۋاقىتشا ەڭبەككە جارامسىزدىعىن ساراپتاۋ;
7) مەديتسينالىق-الەۋمەتتىك وڭالتۋ بولىمىندە (پسيحوتەراپيا جانە وڭالتۋ بولىمشەسى, الەۋمەتتىك وڭالتۋ بولىمشەسى) ەمدەلۋ كەزىندە جانە ەمدەلىپ شىققاننان سوڭ دا كورسەتىلگەن ناركولوگيالىق كومەكتىڭ تيىمدىلىگىنە تالداۋ جۇرگىزۋ;
30. مەديتسينالىق-الەۋمەتتىك وڭالتۋ ءبولىمى (پسيحوتەراپيا جانە وڭالتۋ بولىمشەسى, الەۋمەتتىك وڭالتۋ بولىمشەسى) ناركولوگيالىق كومەك كورسەتۋ ءۇشىن مىنالارعا يە بولادى:
1) ەمدەلۋشىلەرگە ارنالعان پالاتالار;
2) ەم-شارا كابينەتى;
3) ءبولىم مەڭگەرۋشىسى مەن اعا مەدبيكەگە ارنالعان كابينەتتەر;
4) وڭالتۋ باعدارلامالارى جانە پسيحودياگنوستيكا بويىنشا ارنايى جەكە جانە توپتىق پسيحوتەراپيالىق جۇمىستاردى جۇرگىزۋگە ارنالعان پسيحولوگتار مەن پسيحوتەراپەۆتەر بولمەلەرى;
5) ناۋقاستار جانە ولاردىڭ وتباسى مۇشەلەرىمەن جەكە اڭگىمەلەر جۇرگىزۋگە ارنالعان الەۋمەتتىك قىزمەتكەر كابينەتى;
6) دارىگەرلەردىڭ كابينەتى;
7) كەزەكشى مەديتسينا قىزمەتكەرىنە ارنالعان كابينەت;
8) توسەك-ورىن جابدىقتارى, شارۋاشىلىققا قاجەتتى بۇيىمداردى ساقتايتىن ورىن-جاي;
9) كىتاپحانا;
10) تەراپەۆتتىك قوعامداستىق جينالىستارىن ءجۇرگىزۋگە ارنالعان ورىن;
11) سپورت زالى, سپورت الاڭى:
12) فيزيوتەراپيا كابينەتى مەن فۋنكتسيونالدى دياگنوستيكا كابينەتى;
13) اسحانا.
31. مەديتسينالىق-الەۋمەتتىك وڭالتۋ بولىمدەرىنىڭ قۇرامىندا, سونداي-اق ەمدەۋ-ەڭبەككە باۋلۋ شەبەرحانالارى, وقۋ سىنىپتارى, ستۋديالار, سپورت سەكتسيالارى, قوسالقى شارۋاشىلىقتار قۇرىلۋى مۇمكىن.
§ 6. ۋاقىتشا بەيىمدەۋ جانە دەتوكسيكاتسيا ورتالىعى
32. ۋاقىتشا بەيىمدەۋ جانە دەتوكسيكاتسيا ورتالىعى الكوگولدەن ماس بولعان (ۋىتتانعان) پاتسيەنتتەردى ەمدەۋگە ارنالعان, ناركولوگيالىق كومەك كورسەتۋ حاتتامالارىنا سايكەس مامانداندىرىلعان مەديتسينالىق كومەك كورسەتۋشى, ناركولوگيالىق ۇيىمنىڭ قۇرىلىمدىق بولىمشەسى بولىپ تابىلادى.
33. ۋاقىتشا بەيىمدەۋ جانە دەتوكسيكاتسيا ورتالىعى ىشكى ىستەر ورگاندارى قىزمەتكەرلەرى نەمەسە ازاماتتار الىپ كەلگەن ناركولوگيالىق كومەكتى قاجەت ەتەتىن پاتسيەنتتەر ءۇشىن ناركولوگيالىق ستاتسيونار رەتىندە تاۋلىك بويعى كۇن تارتىبىمەن جۇمىس ىستەيدى.
34. ۋاقىتشا بەيىمدەۋ جانە دەتوكسيكاتسيا ورتالىعىنىڭ مەديتسينالىق قىزمەتكەرلەرى مىنالاردى جۇزەگە اسىرادى:
1) الكوگولدەن ماس بولۋدىڭ (ۋىتتانۋ) دەڭگەيىنە دياگنوستيكا جۇرگىزۋ;
2) ۋاقىتشا بەيىمدەۋ جانە دەتوكسيكاتسيا ورتالىعى جاعدايىندا ەمدەۋگە جاتقىزۋ قاجەتتىلىگىن نەمەسە ەمدەۋگە جاتقىزۋدان باس تارتۋ جونىندە شەشىم قابىلداۋ;
3) الكوگولدەن ماس بولۋدىڭ (ۋىتتانۋ) ورتاشا دەڭگەيىندەگى پاتسيەنتتەرگە ناركولوگيالىق كومەك جاساۋ;
4) ناركولوگيالىق كومەك كورسەتۋ بارىسىندا الكوگولگە تاۋەلدىلىك قالىپتاسقاندىعى دياگنوزى قويىلعان پاتسيەنتتەرگە مەديتسينالىق-الەۋمەتتىك وڭالتۋ باعدارلاماسىن وتۋگە ۋاجدەمە جاساۋ;
5) ناركولوگيالىق كومەك كورسەتۋدىڭ ساباقتاستىلىعىن ۇيىمداستىرۋ;
6) كورسەتىلگەن ناركولوگيالىق كومەكتىڭ تيىمدىلىگىنە تالداۋ جۇرگىزۋ;
35. ازاماتتارعا ولاردىڭ كەلىسىمىنسىز ناركولوگيالىق كومەك «حالىق دەنساۋلىعى مەن دەنساۋلىق ساقتاۋ جۇيەسى تۋرالى» قازاقستان رەسپۋبليكاسى كودەكسىنە سايكەس كورسەتىلەدى.
36. ۋاقىتشا بەيىمدەۋ جانە دەتوكسيكاتسيا ورتالىعى ناركولوگيالىق كومەك كورسەتۋ ءۇشىن مىنالارعا يە بولادى:
1) پاتسيەنتتەردى قابىلداۋعا ارنالعان كابينەت;
2) ەم-شارا كابينەتى;
3) پاتسيەنتتەرگە ارنالعان پالاتالار;
4) وقشاۋلاۋ بولمەسى;
5) ورتالىق مەڭگەرۋشىسى مەن اعا مەدبيكە كابينەتى;
6) دارىگەرلەرگە ارنالعان كابينەت;
7) كەزەكشى مەديتسينا قىزمەتكەرى كابينەتى;
8) توسەك-ورىن جابدىقتارى, شارۋاشىلىققا قاجەتتى بۇيىمداردى ساقتايتىن ورىن-جاي;
9) ىشكى ىستەر ورگاندارى قىزمەتكەرلەرى الىپ كەلگەن پاتسيەنتتەردىڭ قۇجاتتارى مەن جەكە زاتتارىن ساقتاۋعا ارنالعان بولمە.
§ 7. كۇندىزگى ناركولوگيالىق ستاتسيونار
37. كۇندىزگى ناركولوگيالىق ستاتسيونار الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستارعا ناركولوگيالىق كومەك كورسەتۋ حاتتامالارىنا سايكەس مامانداندىرىلعان مەديتسينالىق كومەك كورسەتۋشى, ناركولوگيالىق ۇيىمنىڭ قۇرىلىمدىق بولىمشەسى بولىپ تابىلادى.
38. كۇندىزگى ناركولوگيالىق ستاتسيونار قىزمەتكەرلەرى كەلەسى قىزمەتتەردى جۇزەگە اسىرادى:
1) مەديتسينالىق ۇستانىمدار بويىنشا ناۋقاستاردى وتباسىنان جانە ولاردى ورنىقتى شاعىن-الەۋمەتتىك ورىندارىنان ايىرىپ ەمدەۋدىڭ ماقساتسىزدىعى جاعدايىندا ناركولوگيالىق كومەك كورسەتۋ;
2) ناۋقاستاردى كۇندەلىكتى تۇرمىستىق جاعدايعا ۇنەمى بەيىمدەۋگە باعىتتالعان شارالار;
3) كورسەتىلگەن ناركولوگيالىق كومەكتىڭ تيىمدىلىگىنە تالداۋ جۇرگىزۋ;
39. ناركولوگيالىق كومەك كورسەتۋ ءۇشىن كۇندىزگى ناركولوگيالىق ستاتسيونار مىنالارعا يە بولادى:
1) ناۋقاستاردى قابىلداۋ بولمەسى;
2) مەدبيكەلەر كابينەتى;
3) ناۋقاستارعا ارنالعان پالاتالار;
4) ەم-شارا كابينەتى;
5) وڭالتۋ باعدارلاماسى مەن پسيحودياگنوستيكا بويىنشا ارنايى جەكە جانە توپتىق پسيحوتەراپيالىق جۇمىس جۇرگىزۋ ءۇشىن پسيحوتەراپەۆت جانە پسيحولوگ ءدارىگەرلەرگە ارنالعان كابينەتتەر;
6) شىعارماشىلىق قىزمەتپەن شۇعىلدانۋعا (سۋرەت سالۋ, كوركەم جانە سول سياقتى بۇيىمداردى دايىنداۋ) ارنالعان بولمە;
7) توسەك-ورىن جابدىقتارى, شارۋاشىلىققا قاجەتتى بۇيىمداردى ساقتايتىن ورىن-جاي.
40. الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستار ناركولوگيالىق ۇيىمداردىڭ نەگىزىندە قۇرىلعان ەمدەۋ-ەڭبەك شەبەرحانالارىندا ءوندىرىستىك پروتسەستەرمەن اينالىسا الادى.
§ 8 ۇيىمداستىرۋ-ادىستەمەلىك ءبولىم
41.ۇيىمداستىرۋ-ادىستەمەلىك ءبولىم ناركولوگيالىق ۇيىمنىڭ ۇيىمداستىرۋ-ادىستەمەلىك جۇمىستارىن ءجۇرگىزۋشى قۇرىلىمدىق بولىمشەسى بولىپ تابىلادى.
42. ۇيىمداستىرۋ-ادىستەمەلىك ءبولىمنىڭ قىزمەتكەرلەرى مىناداي قىزمەتتەردى جۇزەگە اسىرادى:
1) دەنساۋلىق ساقتاۋ سالاسىنداعى ۋاكىلەتتى ورگان بەكىتكەن ناركولوگيالىق كومەك كورسەتۋدىڭ تالداۋلار مەن ۋاجدەمەلەر وتكىزۋ ستاندارتتارى تالاپتارىن ورىنداۋ;
2) ناركولوگيالىق مەكەمەلەردىڭ ناركولوگيالىق كومەك كورسەتۋدەگى وزىق تاجىريبەلەرىن, ەڭبەكتى عىلىمي ۇيىمداستىرۋ جانە باسقارۋدىڭ, عىلىم مەن تەحنيكا جەتىستىكتەرىن, يننوۆاتسيالىق تەحنولوگيالاردى پراكتيكالىق قىزمەتتە وقىپ-ۇيرەنۋ, قولدانۋ جانە ەنگىزۋ;
3) ەسەپكە الۋ قۇجاتتارىن, ستاتيستيكالىق ەسەپ بەرۋ جانە تالداۋ, جالپىلاما ەسەپتەردى جەدەل تۇردە ءجۇرگىزۋ;
4) تۇرعىندارعا ناركولوگيالىق كومەك كورسەتۋ بويىنشا نەگىزگى ۇيىمداستىرۋ شارالارىنىڭ جىلدىق جانە پەرسپەكتيۆالىق كەشەندى جوسپارلارىن دايىنداۋ;
5) پروفيلاكتيكا, دياگنوستيكا, ناركولوگيا بەيىنىندەگى اۋرۋلاردى ەمدەۋ ماسەلەلەرى بويىنشا اكتيۆ جيىندارىن, كەڭەستەردى, كونفەرەنتسيالاردى دايىنداۋ جانە وتكىزۋگە قاتىسۋ.
43.ۇيىمداستىرۋ-ادىستەمەلىك ءبولىم ناركولوگيالىق ۇيىمنىڭ ۇيىمداستىرۋ-ادىستەمەلىك جۇمىستارىن جۇرگىزۋ ءۇشىن مىنالارعا يە بولادى:
1) ءبولىم مەڭگەرۋشىسى كابينەتى;
2) ستاتيست دارىگەرلەر كابينەتى;
3) مەديتسينالىق ستاتيستيكا كابينەتى.
§ 9 اۋداندىق نەمەسە قالالىق ەمحانالارداعى نەمەسە ناركولوگيالىق كابينەت
44. اۋداندىق نەمەسە قالالىق ەمحانالارداعى ناركولوگيالىق كابينەت الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستارعا ناركولوگيالىق كومەك كورسەتۋ حاتتامالارىنا سايكەس مامانداندىرىلعان مەديتسينالىق كومەك كورسەتۋشى, تۇرعىندارعا قول جەتىمدى مەديتسينالىق كومەك كورسەتۋ ماقساتىنداعى, العاشقى مەديتسينالىق-سانيتارلىق كومەك كورسەتەتىن مەديتسينالىق ۇيىمنىڭ قۇرىلىمدىق بولىمشەسى بولىپ تابىلادى.
45. ناركولوگيالىق كابينەتتىڭ مەديتسينالىق قىزمەتكەرى مىنالاردى جۇزەگە اسىرادى:
1) العاشقى مەديتسينالىق-سانيتارلىق كومەك كورسەتۋشى مەديتسينالىق ۇيىمعا بەكىتىلگەن اۋماقتا الكوگولگە جانە (نەمەسە) باسقا دا پاز-عا تاۋەلدى ناۋقاستاردى انىقتاۋ, ەسەپكە الۋ ءارى ولارعا ديسپانسەرلىك جانە پروفيلاكتيكالىق باقىلاۋ جۇرگىزۋ;
2) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ناۋقاستاردى انىقتاۋ جانە ەسەپكە الۋ (كورسەتكىشتەر بويىنشا);
3) الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستارعا امبۋلاتوريالىق-ەمحانالىق كومەك كورسەتۋ;
4) ناركولوگيالىق كومەك كورسەتۋ ستاندارتتارىنا سايكەس الكوگولدى جانە (نەمەسە) باسقا دا پاز-دى زياندى سالدارىمەن تۇتىناتىن ءارى الكوگولگە جانە (نەمەسە) باسقا دا پاز-عا تاۋەلدى ناۋقاستاردى ەمدەۋدەگى ساباقتاستىقتى قامتاماسىز ەتۋ;
5) ناركولوگيالىق كومەكتىڭ تيىمدىلىگىن تالداۋ.
46. ناركولوگيالىق كومەكتى جۇزەگە اسىرۋدى قامتاماسىز ەتۋ ءۇشىن اۋداندىق نەمەسە قالالىق ەمحانالارداعى ناركولوگيالىق كابينەت مىنالارعا يە بولادى:
1) ديناميكالىق ديسپانسەرلىك باقىلاۋ جۇرگىزۋ كارتوتەكاسى بار ناۋقاستاردى قابىلداۋعا ارنالعان دارىگەردىڭ كابينەتى;
2) ەم-شارا كابينەتى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 18 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6744 بولىپ ەنگىزىلدى.
• 31 ناۋرىز, 2011
قازاقستان رەسپۋبليكاسى دەنساۋلىق ساقتاۋ مينيسترلىگىنىڭ بۇيرىعى №2
سوڭعى جاڭالىقتار
الماتىدا جەتكىزۋ قىزمەتتەرىنە تالاپ كۇشەيەدى
قوعام • بۇگىن, 23:48
قاراعاندىداعى تاۋ-كەن كاسىپورنىنا 4 ملن تەڭگە ايىپپۇل سالىندى
ايماقتار • كەشە
ارام اقشاعا قۇنىققان الاياق التى جىلعا سوتتالدى
قوعام • كەشە
ەلىمىزدىڭ ءۇش وڭىرىندە اۋا رايىنا بايلانىستى جولدار جابىلدى
اۋا رايى • كەشە
جاڭا كونستيتۋتسيا جانە ۇلت ساۋلىعى: ساراپشى كوزقاراسى
اتا زاڭ • كەشە
ءبىلىم ساپاسىن ارتتىرۋدىڭ جاڭا مۇمكىندىگى
ءبىلىم • كەشە
ەرتەڭ استانادا ءبىرىنشى اۋىسىم وقۋشىلارى قاشىقتان وقيدى
اۋا رايى • كەشە
الداعى كۇندەرى ەل اۋماعىندا اياز كۇشەيەدى
اۋا رايى • كەشە
