قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №82

2011 جىلعى 9 ناۋرىز                                   استانا قالاسى قازاقستان رەسپۋبليكاسىنىڭ جالپى ءبىلىم بەرەتىن وقۋ ورىندارى وقۋشىلارىنىڭ ەمتيحاندارىن وتكىزۋ جانە 2010 - 2011 وقۋ جىلىن اياقتاۋ تۋرالى 2010-2011 وقۋ جىلىن ۇيىمداسقان تۇردە اياقتاۋ جانە قازاقستان رەسپۋبليكاسى جالپى ءبىلىم بەرەتىن وقۋ ورىندارى وقۋشىلارىنىڭ كوشىرۋ مەن ءبىتىرۋ ەمتيحاندارىن وتكىزۋ ماقساتىندا بۇيىرامىن: 1. وقۋ جىلىن اياقتاۋ جانە ءبىتىرۋشى سىنىپتاردىڭ وقۋشىلارىنىڭ قورىتىندى اتتەستاتتاۋىن وتكىزۋ مىناداي تارتىپتە بەلگىلەنسىن: 1) بارلىق تيپتەگى جالپى ءبىلىم بەرەتىن كۇندىزگى جانە كەشكى (كەزەكتى) وقۋ ورىندارىنداعى مەكتەپالدى, 1-11(12)- سىنىپتاردا وقۋ ساباقتارى 2011 جىلعى 25 مامىردا اياقتالادى; 2) 9(10)-سىنىپ وقۋشىلارىن نەگىزگى ورتا ءبىلىم كۋرسى بويىنشا قورىتىندى اتتەستاتتاۋ 2011 جىلعى 30 مامىر – 16 ماۋسىم كۇندەرىندە, 11-سىنىپ وقۋشىلارىن جالپى ورتا ءبىلىم كۋرسى بويىنشا قورىتىندى اتتەستاتتاۋ 2011 جىلعى 31 مامىر – 20 ماۋسىم كۇندەرىندە وتكىزىلەدى; 3) 9(10)-سىنىپ بىتىرۋشىلەرى نەگىزگى ورتا ءبىلىم كۋرسى بويىنشا ءۇش مىندەتتى ەمتيحان تاپسىرادى: انا ءتىلى مەن ادەبيەتىنەن (وقىتۋ ءتىلى) جازباشا ەمتيحان – 30 مامىردا (گۋمانيتارلىق پاندەردى تەرەڭدەتە وقىتاتىن مەكتەپتەردىڭ جانە گيمنازيالاردىڭ وقۋشىلارى – شىعارما, قالعاندارى – ديكتانت جازادى); الگەبرادان جازباشا ەمتيحان – 2 ماۋسىمدا; ورىس, وزبەك, ۇيعىر, تاجىك تىلدەرىندە وقىتاتىن مەكتەپتەردەگى مەملەكەتتىك تىلدەن اۋىزشا ەمتيحان – 6 ماۋسىمدا; قازاق تىلىندە وقىتاتىن مەكتەپتەردەگى ورىس تىلىنەن اۋىزشا ەمتيحان – 6 ماۋسىمدا; نەگىزگى ورتا ءبىلىم بەرۋ ۇيىمى ءبىتىرۋشىسىنىڭ تاڭداۋىنا كەز كەلگەن پاننەن اۋىزشا ەمتيحان تاپسىرۋ ۇسىنىلادى, بىراق 2 پاننەن ارتىق بولماۋى قاجەت. 4) اعىمداعى وقۋ جىلىندا قازاقستان رەسپۋبليكاسىنىڭ جوعارى وقۋ ورىندارىنا وقۋعا تۇسكىسى كەلەتىن جالپى ورتا ءبىلىم بەرۋ ۇيىمدارىنىڭ 11 (12)-سىنىپتارىن بىتىرۋشىلەر مەملەكەتتىك قورىتىندى اتتەستاتتاۋدى ۇلتتىق بىرىڭعاي تەستىلەۋ (ۇبت) نىسانىندا تاپسىرادى. وزبەك, ۇيعىر جانە تاجىك تىلدەرىندە وقىتاتىن مەكتەپتەردىڭ بىتىرۋشىلەرى ءوز قالاۋلارى بويىنشا ۇبت-ءدى مەملەكەتتىك نەمەسە ورىس تىلىندە تاپسىرۋعا قاتىسا الادى. وقۋ بىتىرگەن جىلى رەسپۋبليكانىڭ جوعارى وقۋ ورىندارىنا وقۋعا ءتۇسۋدى جانە ۇبت-گە قاتىسۋدى قالامايتىن جالپى ورتا ءبىلىم بەرۋ ۇيىمدارىنىڭ 11(12) سىنىپ بىتىرۋشىلەرى ءتورت مىندەتتى ەمتيحانداردى مىنا مەرزىمدەردە تاپسىرادى: ورىس, وزبەك, ۇيعىر جانە تاجىك تىلدەرىندە وقىتاتىن مەكتەپتەردەگى مەملەكەتتىك تىلدەن اۋىزشا ەمتيحان – 31 مامىردا; قازاق تىلىندە وقىتاتىن مەكتەپتەردەگى ورىس تىلىنەن اۋىزشا ەمتيحان – 31 مامىردا; انا ءتىلى مەن ادەبيەتىنەن (مەكتەپتەگى وقىتۋ ءتىلى) شىعارما تۇرىندە جازباشا ەمتيحان (كەشكى جالپى ءبىلىم بەرەتىن مەكتەپتەر ءۇشىن – ديكتانت) – 4 ماۋسىمدا; الگەبرا جانە اناليز باستامالارىنان جازباشا ەمتيحان – 8 ماۋسىمدا; قازاقستان تاريحىنان اۋىزشا ەمتيحان – 11 ماۋسىمدا. ءبىتىرۋشىنىڭ تاڭداۋىنا كەز كەلگەن, 2-دەن ارتىق ەمەس پاندەردەن اۋىزشا ەمتيحان تاپسىرۋ ۇسىنىلادى. 2. وبلىستىق, الماتى جانە استانا قالالارىنىڭ ءبىلىم باسقارمالارى جالپى ورتا ءبىلىم بەرۋ ۇيىمدارىندا 2010-2011 وقۋ جىلىن وسى بۇيرىقتىڭ تالاپتارىنا, قازاقستان رەسپۋبليكاسى ءبىلىم جانە عىلىم ءمينيسترىنىڭ 2008 جىلعى 18 ناۋرىزداعى №125 بۇيرىعىمەن بەكىتىلگەن (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №5191-مەن تىركەلگەن, «زاڭ گازەتى» گازەتىنىڭ 2008 جىلعى 30 مامىرداعى №81 (1481) سانىندا جاريالانعان) باستاۋىش, نەگىزگى ورتا, جالپى ورتا ءبىلىمنىڭ ءبىلىم بەرەتىن وقۋ باعدارلامالارىن ىسكە اسىراتىن ءبىلىم بەرۋ ۇيىمدارىنداعى ءبىلىم الۋشىلاردىڭ ۇلگەرىمىنە اعىمدىق باقىلاۋدىڭ, ولاردى ارالىق جانە قورىتىندى اتتەستاتتاۋدىڭ ۇلگى ەرەجەسىنە سايكەس اياقتاۋدى قامتاماسىز ەتسىن. 3. الماتى, جامبىل جانە وڭتۇستىك قازاقستان وبلىستارىنىڭ, الماتى قالاسىنىڭ ءبىلىم باسقارمالارى وزبەك, ۇيعىر جانە تاجىك تىلدەرىندە وقىتاتىن مەكتەپتەر ءۇشىن جازباشا ءبىتىرۋ ەمتيحاندارىن وتكىزۋگە ارنالعان ەمتيحاندىق ماتەريالداردى ۋاقىتىندا دايىنداسىن. 4. مەكتەپكە دەيىنگى جانە ورتا ءبىلىم دەپارتامەنتى (ب.س.كارىمجانوۆ): 1) رەسپۋبليكالىق ءبىلىم ۇيىمدارىنىڭ 9(10) جانە 11(12)-سىنىپتارىن بىتىرۋشىلەرى ءۇشىن جانە وزبەك, ۇيعىر, تاجىك تىلدەرىندە وقىتاتىن مەكتەپتەردىڭ «التىن بەلگى» جالپى ورتا ءبىلىم تۋرالى اتتەستات الۋعا ۇمىتكەر 11-سىنىپ بىتىرۋشىلەرى ءۇشىن انا ءتىلى مەن ادەبيەتىنەن شىعارما تاقىرىپتارىن, قازاق ءتىلى مەن ادەبيەتىنەن, ورىس ءتىلى مەن ادەبيەتىنەن, ماتەماتيكادان ەمتيحاندىق تاپسىرمالار پاكەتتەرىن دايىنداسىن; 2) قازاق ءتىلى مەن ادەبيەتىنەن شىعارما تاقىرىپتارىن تمد ەلدەرىنىڭ جانە موڭعوليانىڭ ءبىلىم مينيسترلىكتەرىنە جەتكىزسىن; 3) شىعارما تاقىرىپتارىن جاريالاۋ ءۇشىن «قازاقستان مۇعالىمى» جانە «ۋچيتەل كازاحستانا» گازەتتەرىنىڭ رەداكتسيالارىنا ۇسىنسىن; 4) وسى بۇيرىقتىڭ بەلگىلەنگەن تارتىپپەن قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن قامتاماسىز ەتسىن; 5) وسى بۇيرىقتى مەملەكەتتىك تىركەۋدەن وتكىزىلگەننەن كەيىن بۇقارالىق اقپارات قۇرالدارىندا جاريالاسىن. 5. وسى بۇيرىقتىڭ ورىندالۋىن باقىلاۋ ۆيتسە-مينيستر م.ن.سارىبەكوۆكە جۇكتەلسىن. 6. وسى بۇيرىق العاش رەت رەسمي جاريالانعانىنان ون كۇنتىزبەلىك كۇن وتكەننەن كەيىن قولدانىسقا ەنگىزىلەدى. مينيستر                                                       ب.جۇماعۇلوۆ. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 18 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6831 بولىپ ەنگىزىلدى.