قازاقستان رەسپۋبليكاسى اۋىل شارۋاشىلىعى ءمينيسترىنىڭ بۇيرىعى №556

2010 جىلعى 1 قىركۇيەك, استانا قالاسى تابيعات قورعاۋ مەكەمەسىنىڭ رامىزدەرىن ازىرلەۋ جانە پايدالانۋ  ەرەجەسىن بەكىتۋ تۋرالى «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنىڭ 8 جانە 19 باپتارىنا سايكەس بۇيىرامىن: 1. قوسا بەرىلىپ وتىرعان تابيعات قورعاۋ مەكەمەسىنىڭ رامىزدەرىن ازىرلەۋ جانە پايدالانۋ ەرەجەسى بەكىتىلسىن. 2. «تابيعات قورعاۋ مەكەمەسىنىڭ رامىزدەرىن ازىرلەۋ جانە پايدالانۋ ەرەجەسى بەكىتىلسىن تۋرالى» قازاقستان رەسپۋبليكاسى اۋىل شارۋاشىلىعى مينيسترلىگى ورمان جانە اڭشىلىق شارۋاشىلىعى كوميتەتى توراعاسىنىڭ 2007 جىلعى 22 قاڭتارداعى № 21 (نورماتيۆتiك قۇقىقتىق اكتىلەردى مەملەكەتتiك تiركەۋ تiزiلiمiندە 4549 نومىرمەن تىركەلگەن) بۇيرىعىنىڭ كۇشى جويىلدى دەپ تانىلسىن. 3. قازاقستان رەسپۋبليكاسى اۋىل شارۋاشىلىعى مينيسترلىگى تابيعات رەسۋرستارىن پايدالانۋ ستراتەگياسى دەپارتامەنتى (وماروۆ ج. ى.) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە تىركەلۋىن قامتاماسىز ەتسىن. 4. وسى بۇيرىق العاش رەت رەسمي جاريالانعان قۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى. ءمينيستردىڭ م.ا.  ە. امان. قازاقستان رەسپۋبليكاسى اۋىل شارۋاشىلىعى ءمينيسترىنىڭ م.ا. 2010 جىلعى 1 قىركۇيەكتەن №556 بۇيرىعىمەن بەكىتىلگەن تابيعات قورعاۋ مەكەمەسىنىڭ رامىزدەرىن ازىرلەۋ جانە پايدالانۋ ەرەجەسى 1. جالپى ەرەجەلەر 1. وسى تابيعات قورعاۋ مەكەمەسىنىڭ رامىزدەرىن ازىرلەۋ جانە پايدالانۋ ەرەجەسى «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنىڭ 8 جانە 19 باپتارىنا سايكەس ازىرلەندى جانە مەملەكەتتىك تابيعي قورىقتاردىڭ, مەملەكەتتىك ۇلتتىق تابيعي ساياباقتاردىڭ, مەملەكەتتىك تابيعي رەزەرۆاتتاردىڭ, مەملەكەتتىك وڭىرلىك تابيعي ساياباقتاردىڭ (بۇدان ءارى – تابيعات قورعاۋ مەكەمەسى) رامىزدەرىن ازىرلەۋ جانە پايدالانۋ ءتارتىبىن ايقىندايدى. 2. بەينەسىن ەرەكشە قورعالاتىن تابيعي اۋماقتار سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) بەكىتەتىن تابيعات قورعاۋ مەكەمەسىنىڭ ەمبلەماسى مەن جالاۋى ونىڭ رامىزدەرى (بۇدان ءارى – رامىزدەر) بولىپ تابىلادى. 3. رامىزدەردى ازىرلەۋ كەزىندە مىناداي نەگىزگى تالاپتار ساقتالادى: 1) ەمبلەمادا تابيعات قورعاۋ مەكەمەسىنىڭ تابيعي جانە/نەمەسە تاريحي-مادەني كەشەندەرى مەن وبەكتىلەرىنىڭ ءتان ەرەكشەلىكتەرىن كورسەتەتىن سوزدىك, بەينەلىك جانە/نەمەسە كولەمدىك بەلگىلەر نە ولاردىڭ ارالاس ۇلگىلەرى بەينەلەنەدى, سونداي-اق  ونىڭ مەملەكەتتىك تىلدەگى اتاۋى جازىلادى; 2) جالاۋ مەملەكەتتىك تابيعات قورعاۋ مەكەمەسىنىڭ  ەمبلەماسى مەن مەملەكەتتىك تىلدەگى تولىق اتاۋى ورنالاساتىن ماتا تۇرىندە بولادى. جالاۋ ەنىنىڭ ونىڭ ۇزىندىعىنا ارا-قاتىناسى – 1:2. 2. رامىزدەردى ازىرلەۋ جانە بەكىتۋ 4. رامىزدەردى ازىرلەۋدى تابيعات قورعاۋ مەكەمەسى ۇيىمداستىرادى. 5.تابيعات قورعاۋ مەكەمەسىندە مەكەمە باسشىسى ورىنباسارى باسشىلىعىنداعى مەكەمە قىزمەتكەرلەرى سانى بەس ادامنان كەم ەمەس, رامىزدەر ازىرلەۋ جونىندەگى جۇمىس توبى قۇرىلادى. 6. رامىزدەر جوباسىن 15 جۇمىس كۇنى ىشىندە تابيعات قورعاۋ مەكەمەسىنىڭ عىلىمي-تەحنيكالىق كەڭەسىندە قارايدى جانە وڭ قورىتىندىسىمەن ۋاكىلەتتى ورگانعا جىبەرىلەدى. ۋاكىلەتتى ورگاندا ءبىرىنشى باسشىنىڭ نە ونىڭ ورنىن الماستىراتىن ادامنىڭ بۇيرىعىمەن ساراپتاما كوميسسياسى قۇرىلادى, ول جيىرما جۇمىس كۇننىڭ ىشىندە رامىزدەر جوباسىن قارايدى. ساراپتاما كوميسسياسىنىڭ وڭ قورىتىندىسىن العاننان كەيىن رامىزدەر ون جۇمىس كۇنىنىڭ ىشىندە ۋاكىلەتتى ورگاننىڭ ءبىرىنشى باسشىسىنىڭ نە ونىڭ ورنىن الماستىراتىن ادامنىڭ بۇيرىعىمەن بەكىتىلەدى. ساراپتاما كوميسسياسىنىڭ تەرىس قورىتىندىسى الىنعان جاعدايدا رامىزدەر جوباسى ون جۇمىس كۇنىنىڭ ىشىندە تابيعات قورعاۋ مەكەمەسىنە پىسىقتاۋعا قايتارىلادى. تابيعات قورعاۋ مەكەمەسى ول قايتارىلعاننان كەيىن ءبىر اي مەرزىم ىشىندە ساراپتاما كوميسسياسىنىڭ ەسكەرتپەلەرى مەن ۇسىنىستارىن ەسكەرە وتىرىپ پىسىقتاۋدى قامتاماسىز ەتەدى جانە ونى قاراۋعا قايتا ەنگىزەدى. 7. بەكىتىلگەن رامىزدەر «تاۋارلىق بەلگىلەر, قىزمەت كورسەتۋ بەلگىلەرى جانە تاۋارلار شىعارىلعان جەرلەردىڭ اتاۋلارى تۋرالى» 1999 جىلعى 26 شىلدەدەگى قازاقستان رەسپۋبليكاسىنىڭ زاڭىنا (بۇدان ءارى - زاڭ) سايكەس تابيعات قورعاۋ مەكەمەسىنىڭ تاۋارلىق بەلگىسى رەتىندە تىركەلەدى. 3. رامىزدەردى پايدالانۋ 8. تابيعات قورعاۋ مەكەمەسى رامىزدەردى بلانكىلەردە, باسپا جانە وزگە دە اقپاراتتىق جانە ءبىلىم بەرۋ ونىمدەرىنىڭ بارلىق تۇرىندە, قىزمەتتەر كورسەتۋ كەزىندە پايدالانادى, سونداي-اق جەكە جانە زاڭدى تۇلعالاردىڭ ونى اقىلى نەگىزدە پايدالانۋىنا رۇقسات بەرەدى. 9. جەكە جانە زاڭدى تۇلعالاردىڭ رامىزدەردى پايدالانۋى شارتپەن رەسىمدەلەدى. شارتتا رامىزدەردى پايدالانۋ شەڭبەرى, تاراپتاردىڭ مىندەتتەمەلەرى, تولەماقىنىڭ مولشەرى مەن ءتارتىبى (جارناما ورنالاستىرعانى ءۇشىن بىرجولعى تولەم, تاۋارلار/قىزمەتتەر ساتۋدان جاسالاتىن اۋدارىمدار جانە باسقالارى), رامىزدەردى ءتيىستى دارەجەدە پايدالانباعانى ءۇشىن نە تاۋارلاردىڭ/قىزمەتتەردىڭ, سونداي-اق ولاردىڭ جارناماسىنىڭ مالىمدەلگەن ساپاعا سايكەس كەلمەۋى سالدارىنان رامىزدەردى كەمسىتكەنى ءۇشىن تاراپتاردىڭ جاۋاپتىلىعى ايقىندالادى. رامىزدەردىڭ پايدالانىلۋى كوزدەلگەن زاڭدى تۇلعا قايتا ۇيىمداستىرىلعان, تاپسىرىس بەرۋشى جەكە تۇلعانىڭ دەرەكتەرى نەمەسە ولار شىعاراتىن ونىمدەردىڭ/كورسەتەتىن قىزمەتتەرىنىڭ تىزبەسى وزگەرگەن جاعدايدا شارت قايتا رەسىمدەلۋگە جاتادى. 10. رامىزدەردى ساپانىڭ مالىمدەلگەن جوعارى كورسەتكىشتەرى بار ەكولوگيالىق تازا تەحنولوگيالار بويىنشا ەكولوگيالىق تازا تاماق ءونىمىن نە ەكولوگيالىق تازا ونىمدەردەن/ماتەريالداردان جاسالعان ءونىم شىعاراتىن نە تۋريستىك بيزنەسپەن, ەكولوگيالىق ءبىلىم بەرۋمەن جانە اعارتۋمەن بايلانىستى قىزمەتتەر كورسەتەتىن جەكە جانە زاڭدى تۇلعالار پايدالانا الادى. رامىزدەردى ولار جارنامالىق ماتەريالداردا, ءونىمنىڭ وزىندە نەمەسە ونىڭ تاۋارلىق جاپسىرما قاعازىندا, وراماسىندا ورنالاستىرۋى مۇمكىن. 11. رامىزدەردى پايدالانۋعا رۇقسات الۋ ءۇشىن تاپسىرىس بەرۋشى تابيعات قورعاۋ مەكەمەسى اكىمشىلىگىنىڭ اتىنا تاپسىرىس جىبەرەدى, وندا: 1) زاڭدى تۇلعا ءۇشىن – ونىڭ اتاۋى جانە ۇيىمدىق-قۇقىقتىق نىسانى, زاڭدى جانە ناقتى مەكەن-جايى, بانكتىك دەرەكتەمەلەرى; جەكە تۇلعا ءۇشىن – تەگى, اتى, اكەسىنىڭ اتى, تۇرعىلىقتى جەرى ; قىزمەتىنىڭ ءتۇرى كورسەتىلگەن ءوتىنىش; 2) زاڭدى تۇلعانى مەملەكەتتىك تىركەۋ تۋرالى كۋالىكتىڭ كوشىرمەسى; 3) زاڭدى تۇلعانىڭ ستاتيستيكالىق كارتوچكاسىنىڭ كوشىرمەسى; 4) جەكە تۇلعانىڭ جەكە كۋالىگىنىڭ نەمەسە تولقۇجاتىنىڭ كوشىرمەسى; 5) جەكە كاسىپكەردى مەملەكەتتىك تىركەۋ تۋرالى كۋالىكتىڭ كوشىرمەسى; 6) رامىزدەردى پايدالانۋ مالىمدەلگەن, ولارعا ساپا ولشەمدەرى ەسكەرتىلگەن ونىمدەر, كورسەتىلەتىن قىزمەتتەر تۋرالى مالىمەتتەر قامتىلادى. 12. رامىزدەردى تاۋارلىق تاڭبا رەتىندە تىركەۋ جانە پايدالانۋ قازاقستان رەسپۋبليكاسى ازاماتتىق كودەكسپەن جانە زاڭعا سايكەس جۇزەگە اسىرىلادى.