كەش قالىپ جۇرمەيىك نەمەسە بالقاش كولىندە بالىق ازايىپ, ال زايسان كولىندە مۇلدەم جوعالىپ بارادى

ءبىزدىڭ دەپۋتاتتىق ساۋالىمىزعا ەلىمىزدەگى بالىق شارۋاشىلىعى سالاسىندا قالىپتاسىپ وتىرعان احۋال نەگىز بولىپ وتىر. بۇل سالاداعى پروبلەمالار بۇرىن دا دەپۋتاتتىق ساۋالداردا كوتەرىلگەن بولاتىن, الايدا ءبىزدىڭ سايلاۋشىلار تاراپىنان ءجيى كوتەرىلۋىنە بايلانىستى وسى ماسەلەلەردىڭ تاعى دا مۇقيات قارالعانىن قالايمىز. سايلاۋشىلار ءوز وتىنىشتەرىندە ءبىزدىڭ سۋ قويمالارىندا, اتاپ ايتقاندا, بالقاش كولىندە بالىق كۇننەن-كۇنگە ازايىپ بارا جاتقانىنا, ال زايسان كولىندە بالىق مۇلدەم قالماعانىنا شاعىمدانۋدا. بۇل كولدەردە ۇزىنا بويى قىتايلىق اۋلار تارتىلعان, وندا ءتىپتى ۇساق بالىقتىڭ (شاباق­تىڭ) ءوزى ءولىپ قالادى. مۇنداي اۋلاردى پاي­دا­لانۋعا تىيىم سالىنعان, بىراق وسىعان قارا­ماستان, بالىق قورعاۋ ورگاندارى تاراپىنان باقىلاۋدىڭ جەتكىلىكسىزدىگى سالدارىنان ولار­دى قولدانۋ ءىس جۇزىندە توقتاتىلماي وتىر. جوعارىدا ايتىلعاندارعا بايلانىستى, اۋىل شارۋاشىلىعى مينيسترلىگىنە مىناداي ساۋالدار باعىتتايمىز: 1. بالقاش جانە زايسان كولدەرىندە بالىق اۋ­لاۋ­دىڭ عىلىمي نەگىزدەلگەن ءليميتى قول­دانىلا ما؟ 2. اتالعان كولدەردەگى سوڭعى 10 جىلداعى بالىق قورىنىڭ ديناميكاسى قانداي؟ 3. وسى سۋ قويمالارىندا بالىق رەسۋرستا­رى قورلارىنىڭ قالپىنا كەلۋىنە مۇمكىندىك تۋعىزۋ ءۇشىن ولاردا كاسىپتىك بالىق اۋلاۋدى تولىعىمەن نەمەسە ءىشىنارا شەكتەيتىن ۋاقىت جەتتى مە؟ وسى ءۇشىن اۋىل شارۋاشىلىعى مينيسترلىگى قانداي شارالار قابىلداۋدا؟ ەرلان نىعماتۋلين, ءماجىلىس دەپۋتاتى.