«تەاتر كوكتەمى-2011» فەستيۆالى ساحنا ساڭلاعى ىدىرىس نوعايباەۆقا ارنالدى

م.اۋەزوۆ اتىنداعى اكادەميالىق دراما تەاترى كەزەكتى «تەاتر كوكتەمى – 2011» فەستيۆالىن بيىل كسرو حالىق ءارتىسى, مەملەكەتتىك سىيلىقتىڭ لاۋرەاتى ىدىرىس نوعايباەۆتىڭ 80 جىلدىعىنا ارناماق. جىل سايىن ناۋرىز مەرەكەسى مەن 27 ناۋرىز حالىقارالىق تەاتر كۇ­نىنە وراي ۇيىم­داستى­رىلاتىن, جاڭا قويى­لىم­دار فەستيۆالى وسى­مەن 12 رەت وتكەلى وتىر. بۇل شارا – تەاتردىڭ بۇگىنگى باعىت-باعدارىن انىقتاۋعا, رەپەرتۋار سايا­­­ساتىنداعى وزىندىك ىزدەنىستەر مەن دراماتۋرگيا, رەجيسسۋرا, اكتەر ونەرىنە شابىت بەرىپ, ولاردىڭ جاڭا قىرىنان تانىلۋىنا مۇمكىندىك بەرەدى», – دەيدى تەاتر ديرەكتورى ەسمۇحان وباەۆ. سونىمەن قاتار, ول بيىلعى شارادا اكتەرلىك شەبەرلىككە اسا ءمان بەرىلەتىندىگىن جانە 5 اتالىم بو­يىنشا ماراپاتتاۋ ءراسىمى وتەتىندىگىن ايتىپ ءوتتى. سونداي-اق, مادەنيەتكە قولداۋ كورسەتىپ, تەاتر جا­يىندا ۇنەمى جازىپ جۇرگەن جۋرناليستەر دە ما­راپات­قا ىلىنەتىندىگىن جەتكىزگەن. – بيىل ى.نوعايباەۆتىڭ تۋ­عانىنا 80 جىل تولادى. سول مەرەيلى تويدىڭ بەت­اشارىن وسى فەستيۆالمەن باستاپ, كۇزگە قاراي تەاترى­مىزدا  وتكىزبەكپىز. ول كىسى قازاق كينوسىن, اۋەزوۆ تەاترىن الەم­دىك دەڭگەيدە تانىت­قان كورنەكتى اكتەر, دەدى جۋرناليستەرگە بەر­گەن سۇح­­باتىندا. سونىمەن جاڭا قو­­يىلىمداردى سا­راپ­­قا سالىپ, تەاتر­دىڭ ءبۇ­گىنگى باعىت-باع­­دارىن انىقتاۋعا, رەپەرتۋار ساياساتىن­داعى وزىندىك ىزدەنىستەرگە, دراماتۋرگيا, اك­تەر­لىك ونەر­دىڭ بۇگىنى مەن ەرتەڭىن زەردەلەۋگە سەپتەسەتىن «تەاتر كوك­تە­مى-2011» فەستيۆالى دە باستالىپ كەتتى. 28 ناۋرىزعا دەيىن وتەتىن فەستيۆال رەپەر­تۋا­رىندا م.اۋەزوۆتىڭ «اباي» (رەج. ە.وباەۆ) مەن «ەڭلىك-كەبەك» تراگەدياسى (رەج.حۇسەيىن ءامىر-تەمىر), ن.گوگولدىڭ «ۇيلەنۋ» (رەج. ۆ.زاحاروۆ), ءا.راحيموۆتىڭ اۆتورى دا, رەجيسسەرى دە ءوزى  «قىلمىسكەرگە كۋالىك», ە.جۋاسبەكتىڭ «كۇلەمىز بە, جىلايمىز با؟» (رەج. م.احمانوۆ) كومەديالارى بار. ايناش ەسالي, الماتى.