قازاق ءتىلى مەن ادەبيەتى ماماندارى ءبىلىم جارىستىردى

ەلىمىزدە وسىمەن ءۇشىنشى جىل قاتارىنان ستۋدەنتتەر اراسىندا قا­زاق ءتىلى مەن ادەبيەتىنەن رەس­پۋبلي­كالىق وليمپيادا وتكىزىلىپ كەلەدى. بيىلعى ءبىلىم سايىسىنا 20  جوعارى وقۋ ورنىنىڭ ستۋدەنتتەرى قاتىستى. بۇل وليمپيادا – ۇلىستىڭ ۇلى كۇنى قارساڭىندا س.دەميرەل اتىنداعى قازاق-تۇرىك ۋنيۆەرسيتەتىندە ۇيىمداستىرىلدى. ەلىمىز­دىڭ ءار وڭىرىنەن كەلگەن بولاشاق قا­­زاق ءتىلى مەن ادەبيەتىنىڭ مامان­دارى ەكى كۇن بويى ءبىلىم جا­رىستىردى. وليمپياداعا قاتىسقان 20 جو­عارى وقۋ ورنىنىڭ  ىشىنەن ل.ن.گۋ­ميلەۆ اتىنداعى ەۋرازيا ۇلتتىق ۋنيۆەرسيتەتى وزىق شىعىپ, ءبىرىنشى ورىندى جەڭىپ الدى. ەكىنشى, ءۇشىن­شى ورىنداردى ءال-فارابي اتىن­داعى قازاق ۇلتتىق ۋنيۆەرسيتەتىنىڭ جانە ش.ءۋاليحانوۆ اتىنداعى كوك­شە­تاۋ مەملەكەتتىك ۋنيۆەرسيتەتىنىڭ كو­مان­دالارى يەلەندى. ال اباي اتىن­­داعى قازاق ۇلتتىق پەدا­گوگي­كالىق,  ءى.جانسۇگىروۆ اتىنداعى جەتىسۋ مەم­لەكەتتىك, قازاق مەملەكەتتىك قىز­دار پەداگوگيكالىق, س.توراي­عى­روۆ اتىنداعى پاۆلودار مەملەكەتتىك ۋنيۆەرسيتەتتەرىنىڭ كومان­دا­لارى دا جەتكەن جەتىستىكتەرى ءۇشىن ءتۇرلى سىيلىقتارمەن ماراپاتتالدى. جەكەلەگەن ستۋدەنتتەر ارا­سىن­دا ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتى مەيرامبەك تاۋبالديەۆ مۇمكىن بولعان 100 باللدان 68,7 ۇپاي جيناپ, ۇزدىك شىقتى. ەكىنشى ورىندى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ ستۋدەنتتەرى جانبولات شاكىموۆ پەن جازيرا قالىقوۆا, ءۇشىنشى ورىندى اباي اتىنداعى قازاق ۇلتتىق پە­دا­گوگيكالىق ۋنيۆەرسيتەتىنىڭ ستۋدەنتى ناعيما سەيىلحانوۆا, ءى.جان­سۇگىروۆ اتىنداعى جەتىسۋ مەملەكەتتىك ۋنيۆەرسيتەتىنىڭ ستۋدەنتى نۇرجانات ورازحانقىزى, ش.ءۋا­لي­حانوۆ اتىنداعى كوكشە­تاۋ مەملەكەتتىك ۋنيۆەرسيتەتىنىڭ ستۋدەنتى اسەل جايساڭباەۆا يەلەندى. ايناش ەسالي, الماتى.