حالىقارالىق فۋتبول فەدەراتسياسى (فيفا) 2016 جىلدىڭ ۇزدىك ويىنشىسى مەن جاتتىقتىرۋشىسىن انىقتاۋ ماقساتىندا جۇرگىزىلگەن داۋىس بەرۋ ناتيجەلەرىن جاريالادى. بۇعان ۇلتتىق قۇراما كاپيتاندارى مەن باس جاتتىقتىرۋشىلارى قاتىستى.
قازاقستان اتىنان بۇل ىسكە تالعات بايسۋفينوۆ پەن باۋىرجان يسلامحان اتسالىستى. ۇلتتىق قۇراما جاتتىقتىرۋشىسى بۇل اتاققا ليونەل مەسسيدى لايىق دەپ اتاسا, پورتۋگاليا كاپيتانىن ەكىنشى, ال «يۋۆەنتۋس» قاقپاشىسى دجانلۋيدجي بۋففوندى ءۇشىنشى ورىندارعا قويدى.
باۋىرجان يسلامحاننىڭ ۇشتىگى مىناداي: 1) اندرەس ينەستا, 2) مەسسي, 3) رونالدۋ.
دەگەنمەن, «رەال» فۋتبول كلۋبى مەن پورتۋگاليا ۇلتتىق قۇراماسىنىڭ شابۋىلشىسى كريشتيانۋ رونالدۋ 34.54% داۋىسپەن ۇزدىك ويىنشى اتاندى. بۇل كورسەتكىش بويىنشا مەسسيدە – 26.42%, گريزماندا – 7.53%.
سونىمەن قاتار, جىل جاتتىقتىرۋشىسىن انىقتاۋدا ءبايسۋفينوۆتىڭ پىكىرى بويىنشا ءبىرىنشى – حوسەپ گۆارديولا («مانچەستەر سيتي»), ەكىنشى – فەرناندۋ سانتۋش (پورتۋگاليا ۇلتتىق قۇراماسى), ءۇشىنشى – ديەگو سيمەونە («اتلەتيكو»). ال يسلامحان حوسەپ گۆارديولانى, زينەدين زيداندى («رەال»), ديەگو سيمەونەنى مىقتى دەپ اتادى.
ايتا كەتەيىك, بۇل اتاققا «لەستەر» فۋتبول كلۋبىمەن اعىلشىن پرەمەر-ليگاسىندا توپ جارعان كلاۋديو رانەري يە بولدى.
