ەتتى مال ءوسىرۋدىڭ قامى

اۋىل شارۋاشىلىعىن جاپپاي جەكەشەلەندىرۋ جانە نارىقتىق قا­تى­ناستارعا ءوتۋ كەزەڭىندەگى  ايىر­باس­تىڭ سالدارىنان سوڭ  مال سانى كۇرت كەمىدى. ءتورت ت ۇلىك مالدىڭ تۇ­قىمدىق ساپاسى دا ناشارلاپ كەتتى. الايدا,  «ەشتەن كەش جاقسى» دەگەندەي,  قازىرگى ۋاقىتتا ءىرى قارانى كوبەيتۋ, ونىڭ تۇقىمىن اسىلداندى­رىپ, ەتتىلىگىن كوتەرۋگە باعىت ۇستا­لۋدا. «قازاگروونىم» اكتسيونەرلىك قوعامى «سىباعا» اتتى رەسپۋبليكا­لىق باعدارلاما دايىنداپ, ونى  ىسكە اسىرۋ وسىنداي ۇلكەن جۇمىستاردىڭ باستاماسى دەسە  بول­عانداي. بيىلعى  جول­داۋ­دا «اگرارلىق سەكتوردا ەتتى مال شارۋاشىلىعىن دامىتۋ ءجو­نىندە بۇرىن-سوڭدى بولىپ كور­مەگەن جوبا جۇزەگە اسىرىلادى. 2016 جىلدىڭ وزىندە ەت ەكسپورتى 60 مىڭ تونناعا جەتەدى, مۇنىڭ قۇنى 4 ميلليون توننا بيداي ەكسپورتىنا تەڭ» دەپ اتاپ كورسەتىلگەن بولاتىن. وسى مىندەتتى جۇزەگە اسىرۋ ءۇشىن بەس جىل ىشىندە ەلگە 72 مىڭ اسىل تۇقىمدى ءىرى قارا اكەلۋ كوزدەلۋدە. بۇل جوبانى جۇزەگە اسىرۋعا قازىردىڭ وزىندە 130 ميلليارد تەڭگە ءبولىندى. وسى ماسە­لەلەردى ودان ءارى تەرەڭدەتۋ ماقسا­تىندا وتكىزىلگەن وبلىستىق كەڭەسكە وڭىردەگى اۋىل شارۋاشىلىعى قۇرى­لىم­دارىنىڭ جەتەكشىلەرى, اۋدان اكىمدەرى, مال شارۋاشىلىعىن دا­مى­تۋعا قاتىستى سالالاردىڭ وكىل­دەرى قاتىستى. وندا ءىرى قارا مال ەتىنىڭ ەكسپورتتىق الەۋەتىن دامىتۋ, مال ساتىپ الۋعا نەسيە بەرۋ ءتارتىبى كەڭىنەن تال­قىلاندى. اتالمىش مىندەتتى جۇزەگە اسىرۋ ءۇشىن وبلىستا 170 فەرمەرلىك شارۋا­شىلىق, ءتورت ءىرى قارا بورداقىلاۋ الاڭى جانە ءتورت مال ءوسىرىپ-كوبەي­تۋشى  شارۋاشىلىق قۇرۋ كوزدەلۋدە. ول ءۇشىن شەتەلدەن جانە ەلىمىزدىڭ اسىل تۇقىمدى مال زاۋىتتارىنان, وسىنداي باعىتتاعى شارۋاشىلىق­تاردان اسىل تۇقىمدى اتالىق, انا­لىق جانە جاس مالدار ساتىپ الىنا­دى. بۇل وبلىستا ءىرى قارا مال ەتىن ۇلعايتىپ, رىنوكتى ساپالى ونىممەن تولتىرۋعا, ءىرى قارا ەتىنىڭ ەكسپورت­تىق دەڭگەيىن قالىپتاستىرۋعا العى­شارت جاساماق. ءبىر سوزبەن ايتقاندا, اۋىل شارۋاشىلىعى قۇرىلىمدارى ءۇشىن نەسيە الۋدا جاڭا ارنا اشىلعالى تۇر. رەسمي بايانداۋلارعا سۇيەنسەك, جىلدىق 6 پايىزدىق وسىممەن بەرىلەتىن نەسيە كەپىلدىگىنە ەندى جەردى, مالدى, سونداي-اق تەحنيكانى, تۇ­راتىن جەرىندەگى ءۇيىن سالۋعا بو­لادى. مال وسىرۋشىلەرگە ون ەكى جىلعا دەيىن, بورداقىلاۋ الاڭىن اشۋشىلارعا  9,5 جىلعا دەيىن نەسيە بەرىلمەكشى.  مال ساتىپ العىسى كەلەتىن شارۋالارعا نەسيە 7 جىلعا ۇسىنىلادى. نەسيەلەردى وتەۋ جەڭىل­دىكتەرى دە قارالعان. ساتىبالدى ءساۋىرباي. اقتوبە وبلىسى.