قازاقستان رەسپۋبليكاسى ۇكىمەتىنىڭ قاۋلىسى №1245

2010 جىلعى 24 قاراشا        استانا, ۇكىمەت ءۇيى   تەڭىزدە, ىشكى سۋ ايدىندارىندا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ قاعيداسىن بەكىتۋ تۋرالى «جەر قويناۋى جانە جەر قويناۋىن پايدالانۋ تۋرالى» قازاقستان رەسپۋبليكاسىنىڭ 2010 جىلعى 24 ماۋسىمداعى زاڭىنىڭ 16-بابىنىڭ 36) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى: 1. قوسا بەرىلىپ وتىرعان تەڭىزدە, ىشكى سۋ ايدىندارىندا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ قاعيداسى بەكىتىلسىن. 2. «قازاقستان رەسپۋبليكاسىنىڭ تەڭىزدەرى مەن ىشكى سۋ قويمالارىندا مۇناي وپەراتسيالارىن جۇرگىزۋدىڭ ءتارتىبى تۋرالى ەرەجەنى بەكىتۋ تۋرالى» قازاقستان رەسپۋبليكاسى ۇكىمەتىنىڭ 1997 جىلعى 27 قاڭتارداعى №105 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 1997 ج., №2, 23-قۇجات) كۇشى جويىلدى دەپ تانىلسىن. 3. وسى قاۋلى العاشقى رەسمي جاريالانعانىنان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ. قازاقستان رەسپۋبليكاسى ۇكىمەتىنىڭ 2010 جىلعى 24 قاراشاداعى №1245 قاۋلىسىمەن بەكىتىلگەن تەڭىزدە, ىشكى سۋ ايدىندارىندا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ قاعيداسى 1. جالپى ەرەجەلەر 1. وسى تەڭىزدە, ىشكى سۋ ايدىنداردا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ قاعيداسى (بۇدان ءارى – قاعيدا) «جەر قويناۋى جانە جەر قويناۋىن پايدالانۋ تۋرالى» 2010 جىلعى 24 ماۋسىمداعى قازاقستان رەسپۋبليكاسىنىڭ زاڭىنا (بۇدان ءارى – زاڭ), قازاقستان رەسپۋبليكاسىنىڭ ەكولوگيالىق كودەكسىنە (بۇدان ءارى – كودەكس), جانە «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنا سايكەس ازىرلەندى جانە تەڭىزدە, ىشكى سۋ ايدىنداردا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ ءتارتىبىن انىقتايدى. 2. تەڭىز بەن ىشكى سۋ ايدىندارداعى مۇناي وپەراتسيالارى وڭىرلىك گەولوگيالىق-گەوفيزيكالىق زەرتتەۋلەر مەن مۇناي, گاز جانە كوندەنسات وندىرۋگە, بارلاۋعا قاتىستى جۇمىستاردى جانە ولارمەن بىرىڭعاي تەحنولوگيالىق تسيكلمەن بايلانىستى مۇنايدى, گاز بەن كوندەنساتتى ۋاقىتشا ساقتاۋدى جانە قۇبىرجول كولىگىمەن تەڭىز قۇرىلىستارىنان قۇرلىققا ايداۋدى, سونداي-اق تەڭىز قۇرىلىستارىن, جاساندى ارالداردى, دامبالار مەن قوندىرعىلاردى سالۋ, مونتاجداۋ جانە ولاردىڭ تىنىس-تىرشىلىگىن قامتاماسىز ەتۋ جونىندەگى جۇمىستاردى قامتيدى. 3. كاسپي جانە ارال تەڭىزدەرىنىڭ قازاقستاندىق سەكتورىنداعى جەر قويناۋى ۋچاسكەلەرىندە جانە قازاقستان رەسپۋبليكاسىنىڭ ىشكى سۋ ايدىنداردا, توتەنشە ەكولوگيالىق جاعداي ايماقتارىندا جانە ەرەكشە قورعالاتىن تابيعي اۋماقتاردا مۇناي وپەراتسيالارى بەلگىلى ءبىر تەرەڭدىكپەن شەكتەلۋى مۇمكىن. 2. تەڭىزدە, ىشكى سۋ ايدىنداردا, توتەنشە ەكولوگيالىق جاعداي ايماقتارىندا جءانە ەرەكشە قورعالاتىن تابيعي اۋماقتاردا مۇناي وپەراتسيالارىن جۇرگىزۋ ءتارتىبى 4. تەڭىزدە مۇناي وپەراتسيالارىن جۇرگىزۋدىڭ ەرەكشەلىكتەرى بەلگىلەنگەن تارتىپپەن بەكىتىلگەن جوبالاۋ قۇجاتتارىندا كوزدەلۋگە ءتيىس. 5. جوبالاۋ قۇجاتتارىنىڭ كورسەتكىشتەرىن وزگەرتكەن كەزدە جەر قويناۋىن پايدالانۋشى جۇمىس باعدارلاماسىنا ءتيىستى وزگەرىستەر ەنگىزەدى. جوبالاۋ قۇجاتتارىن بەكىتۋ جانە جۇمىس باعدارلاماسىنا وزگەرىستەر ەنگىزۋ ءبىر مەزگىلدە جاسالادى. جوبالاۋ قۇجاتتارى (ولارعا وزگەرىستەر جانە/نەمەسە تولىقتىرۋلار) جەر قويناۋىن زەردەلەۋ جانە پايدالانۋ جونىندەگى ۋاكىلەتتى ورگان بەكىتكەنگە دەيىن پايدالى قازبالاردى بارلاۋ جانە يگەرۋ جونىندەگى ورتالىق كوميسسيادا قارالادى. پايدالى قازبالاردى بارلاۋ جانە يگەرۋ جونىندەگى ورتالىق كوميسسيا قارالعان جوبالاۋ قۇجاتتارىن بەكىتۋگە ۇسىنعان كەزدە جەر قويناۋىن زەردەلەۋ جانە پايدالانۋ جونىندەگى ۋاكىلەتتى ورگان جوبالاۋ قۇجاتتارىن بەكىتەدى. 6. جەر قويناۋىن پايدالانۋشى تەڭىزدە مۇناي وپەراتسيالارىن جۇرگىزۋ كەزىندە بۇل وپەراتسيالاردى تەڭىز كەمە قاتىناسىنا, بالىق اۋلاۋعا جانە ادەتتە, زاڭنىڭ 93-بابىنا سايكەس تەڭىزدىڭ ناقتى ۋچاسكەسىندە جۇزەگە اسىرىلاتىن وزگە دە زاڭدى قىزمەتكە كەدەرگى مەن زيان كەلتىرمەيتىندەي ەتىپ جۇزەگە اسىرادى. تەڭىزدە مۇناي وپەراتسيالارىن جۇزەگە اسىراتىن جەر قويناۋىن پايدالانۋشى زاڭنىڭ 93-بابىنا سايكەس تەڭىزدىڭ لاستانۋىن بولدىرماۋ جونىندەگى ارناۋلى باعدارلامالاردى ازىرلەيدى جانە ولاردى جوبالاۋ قۇجاتتارىنىڭ قۇرامىندا بەكىتەدى. بۇل باعدارلامالار: 1) جۇرگىزىلەتىن مۇناي وپەراتسيالارىن ىشكى باقىلاۋ; 2)   پەرسونالدى وقىتۋ; 3)   ۇڭعىمالاردى باقىلاۋعا الۋ, اۆاريالىق جانە وزگە دە قاۋىپتى جاعدايلار تۋىنداعان جانە تەڭىز لاستانعان جاعدايدا قاجەتتى جابدىقتارمەن جانە ماتەريالدارمەن قامتاماسىز ەتۋ; 4)   تەڭىزدە اۆاريالاردى جانە ولاردىڭ زارداپتارىن جويۋعا ماماندانعان وزگە دە ۇيىمداردى تارتۋ; 5)        تەڭىز لاستانعان جاعدايدا دەرەۋ وقشاۋلاۋ جانە تەڭىزدى تازارتۋ جونىندەگى شارالاردى ازىرلەۋدى قامتيدى. 7.         قازاقستان رەسپۋبليكاسىنىڭ ۇكىمەتى بەلگىلەگەن كاسپي تەڭىزىنىڭ سولتۇستىك بولىگىندەگى مەملەكەتتىك قورىق ايماعى شەگىندە فۋنكتسيونالدىق ايماققا ءبولۋ نەگىزىندە كودەكستىڭ جانە «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنىڭ تالاپتارىنا سايكەس شارۋاشىلىق نەمەسە وزگە قىزمەتكە تولىق تىيىم سالىنعان جانە جۇمىستاردىڭ جەكەلەنگەن تۇرلەرىن جۇرگىزۋگە قوسىمشا ۋاقىتشا شەكتەۋلەر سالىنعان قورىقتىق ۋچاسكەلەر بولىنەدى. كەن ورىندارىن پايدالانعان كەزدە كاسپي تەڭىزدىڭ سولتۇستىك بولىگىندەگى مەملەكەتتىك قورىق ايماعىندا مۇناي تاسىمالداۋ زاڭنىڭ 114-بابىنا سايكەس قازاقستان رەسپۋبليكاسىنىڭ ەكولوگيالىق زاڭناماسىندا بەلگىلەنگەن تالاپتار ساقتالعان جاعدايدا قۇبىرجولدار ارقىلى جۇزەگە اسىرىلادى. ەرەكشە ەكولوگيالىق, عىلىمي, تاريحي-مادەني, رەكرەاتسيالىق قۇندىلىعى بار جەر قويناۋى ۋچاسكەلەرىندە «ەرەكشە قورعالاتىن تابيعي اۋماقتار تۋرالى» قازاقستان رەسپۋبليكاسىنىڭ 2006 جىلعى 7 شىلدەدەگى زاڭىنىڭ 77-بابىنا سايكەس مەملەكەتتىك تابيعي-قورىق قورىنىڭ گەولوگيالىق, گەومورفولوگيالىق جانە گيدروگەولوگيالىق وبەكتىلەرىنىڭ ساقتالۋىنا قاتەر توندىرەتىن كەز كەلگەن قىزمەتكە تىيىم سالىنادى. 8. توتەنشە ەكولوگيالىق جاعداي ايماقتارىندا مۇناي وپەراتسيالارىن جۇرگىزۋ كودەكستىڭ 176-بابىندا بەلگىلەنگەن قۇقىقتىق رەجيمدى ساقتاۋمەن جۇزەگە اسىرىلادى. 9. تەڭىزدەگى, ىشكى سۋ ايدىندارداعى, توتەنشە ەكولوگيالىق جاعداي ايماقتارىنداعى جانە ەرەكشە قورعالاتىن تابيعي اۋماقتارداعى مۇناي وپەراتسيالارىن جەر قويناۋىن پايدالانۋشىلار قازاقستان رەسپۋبليكاسىنىڭ ۇكىمەتى ايقىندايتىن تارتىپپەن جەر قويناۋىن ۇتىمدى جانە كەشەندى پايدالانۋ تالاپتارىنا سايكەس جۇرگىزەدى.