قازاقستان رەسپۋبليكاسى اۋىل شارۋاشىلىعى مينيسترلىگىنىڭ بۇيرىعى №11-2/13

2010 جىلعى 17 قاڭتار №11-2/13 استانا قالاسى بيووتىن ءوندىرىسىنىڭ كولەمى تۋرالى اقپاراتتىڭ اۆتوماتتاندىرىلعان تۇردە بەرىلۋىن قامتاماسىز ەتەتىن ەسەپتەگىش باقىلاۋ اسپاپتارىن قولدانۋ قاعيداسىن بەكىتۋ تۋرالى «بيووتىن ءوندىرىسىن جانە اينالىمىن مەملەكەتتىك رەتتەۋ تۋرالى» قازاقستان رەسپۋبليكاسىنىڭ 2010 جىلعى 15 قاراشاداعى زاڭىنىڭ 6-بابى 11) تارماقشاسىن ىسكە اسىرۋ ماقساتىندا, بۇيىرامىن: 1. قوسا بەرىلىپ وتىرعان بيووتىن ءوندىرىسىنىڭ كولەمى تۋرالى اقپاراتتىڭ اۆتوماتتاندىرىلعان تۇردە بەرىلۋىن قامتاماسىز ەتەتىن ەسەپتەگىش باقىلاۋ اسپاپتارىن قولدانۋ قاعيداسى بەكىتىلسىن. 2. قايتا وڭدەۋ ونەركاسىبىن جانە اگرارلىق ازىق-ت ۇلىك نارىعىن دامىتۋ دەپارتامەنتى وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە زاڭنامادا بەلگىلەنگەن تارتىپپەن مەملەكەتتىك تىركەلۋىن جانە ونىڭ بۇقارالىق اقپارات قۇرالدارىندا رەسمي جاريالانۋىن قامتاماسىز ەتسىن. 3. وسى بۇيرىق العاش رەت رەسمي جاريالانعان كۇنىنەن باستاپ ون كۇنتىزبەلىك كۇن وتكەن سوڭ قولدانىسقا ەنگىزىلەدى. مينيستر ا.كۇرىشباەۆ. قازاقستان رەسپۋبليكاسى اۋىل شارۋاشىلىعى ءمينيسترىنىڭ 2011 جىلعى 17 قاڭتارداعى №11-2/13 بۇيرىعىمەن بەكىتىلگەن بيووتىن ءوندىرىسىنىڭ كولەمى تۋرالى اقپاراتتىڭ اۆتوماتتاندىرىلعان تۇردە بەرىلۋىن قامتاماسىز ەتەتىن ەسەپتەگىش باقىلاۋ اسپاپتارىن قولدانۋ قاعيداسى 1. جالپى ەرەجەلەر 1. وسى بيووتىن ءوندىرىسىنىڭ كولەمى تۋرالى اق­پا­راتتىڭ اۆتوماتتاندىرىلعان تۇردە بەرىلۋىن قامتاماسىز ەتەتىن ەسەپتەگىش باقىلاۋ اسپاپتارىن قولدانۋ قاعيداسى «بيووتىن ءوندىرىسىن جانە اينالىمىن مەملەكەتتىك رەتتەۋ تۋرالى» قازاقستان رەسپۋبليكاسىنىڭ 2010 جىلعى 15 قاراشاداعى زاڭىنىڭ 6-بابى 11) تارماقشاسىنا سايكەس, سونداي-اق, بيووتىن ءوندىرىسىن باقىلاۋدى جۇزەگە اسىرۋ ماقساتىندا ازىرلەندى. 2. بيووتىندى ونىڭ ءوندىرىسى كەزىندە اۆتومات­تان­دىرىلعان تۇردە ەسەپتەۋدىڭ ماقساتى اقپاراتتى بيووتىن ءوندىرىسى بويىنشا ۋاكىلەتتى ورگانعا كەيىننەن بەرە وتىرىپ, وندىرىلگەن بيووتىن كولەمىن ۇزدىكسىز ولشەۋ جانە باقىلاۋ ەسەبى بولىپ تابىلادى. 3. بيووتىن وندىرىسىنە بيووتىن ءوندىرىسى سالاسىنداعى ۋاكىلەتتى ورگانعا (بۇدان ءارى – ۋاكىلەتتى ورگان) اقپاراتتىڭ اۆتوماتتاندىرىلعان تۇردە بەرىلۋىن قامتاماسىز ەتەتىن ەسەپتەگىش باقىلاۋ اسپاپتارى (بۇدان ءارى – ەسەپتەگىش اسپاپتار) بولعان كەزدە رۇقسات ەتىلەدى. 4. ەسەپتەگىش اسپاپتار رەتىندە بيووتىن ءوندىرىسىنىڭ كولەمدەرى تۋرالى اقپاراتتى ۇزدىكسىز ولشەۋدى جانە قا­شىقتىقتان بەرۋدى, وڭدەۋدى, ساقتاۋدى جانە بەرۋدى (ين­ديكاتسيانى) جۇرگىزەتىن ارنايى اسپاپتار قولدانىلادى. 2. ەسەپتەگىش اسپاپتاردى قولدانۋ ءتارتىبى 5. ەسەپتەگىش اسپاپتاردى ورناتۋدى بيووتىن ءوندىرىسى بويىنشا تەحنولوگيالىق جەلىلەردە بيووتىن ءوندىرۋ­شىلەر جۇزەگە اسىرادى. ەسەپتەگىش اسپاپتاردى ورناتۋ كەزىندە تەحنيكالىق رەتتەۋ سالاسىنداعى ۋاكىلەتتى ورگاننىڭ مىناداي تالاپتارى ورىندالادى: 1) ەسەپتەگىش اسپاپتار ءتۇرىن بەكىتۋ ماقساتىندا سىناۋ راسىمىنەن نەمەسە مەترولوگيالىق اتتەستاتتاۋدان ءوتتى جانە ونىڭ ءتۇرى قازاقستان رەسپۋبليكاسى ولشەم بىرلىگىن قامتاماسىز ەتۋدىڭ مەملەكەتتىك جۇيەسىنىڭ تىزىلىمىندە تىركەلدى; 2) ەسەپتەگىش اسپاپتار «ولشەۋ بىرلىكتەرىن قامتا­ماسىز ەتۋ تۋرالى» قازاقستان رەسپۋبليكاسىنىڭ 2000 جىلعى 7 ماۋسىمداعى زاڭىنا سايكەس تەكسەرىلدى. 6. بيووتىن وندىرۋشىلەر ۋاكىلەتتى ورگانعا بيووتىن ءوندىرىسىنىڭ كولەمى تۋرالى اقپاراتتىڭ ۇزدىكسىز اۆتوماتتاندىرىلعان تۇردە بەرىلۋىن قامتاماسىز ەتەدى. 7. ەسەپتەگىش اسپاپتاردان الىنعان اقپارات ۋاكىلەتتى ورگاننىڭ بيووتىن ءوندىرىسىنىڭ بىرىڭعاي ەلەكتروندى دەرەكتەر قورىنا ەنگىزىلەدى. 8. ەسەپتەگىش اسپاپتارى بولماعان جانە (نەمەسە) اقاۋلى بولعان جاعدايدا بيووتىن ءوندىرىسى جۇزەگە اسىرىلمايدى. ەسەپتەگىش اسپاپتار جۇمىسىندا اقاۋلار انىقتالعان جاعدايدا بيووتىن ءوندىرۋشى اقاۋلىعىن تاپقان كۇنى ۋاكىلەتتى ورگانعا (ونىڭ اۋماقتىق بولىمشەسىنە) ءتيىستى جازباشا مالىمدەمە جىبەرەدى. 3. ەسەپتەگىش اسپاپتارعا قويىلاتىن نەگىزگى تالاپتار 1. ەسەپتەگىش اسپاپتار مىناداي نەگىزگى تالاپتارعا جاۋاپ بەرەدى: 1) ەسەپتەگىش اسپاپتاردىڭ كولەمدىك شىعىستاردى ولشەۋىشىنىڭ باستاپقى تۇرلەندىرگىشى ولشەۋ ۋاقىتىندا ارقاشان بارلىق قيماسى بويىنشا تولىپ تۇراتىن, قۇبىرجولدىڭ كولبەۋ ۋچاسكەسىنە ورناتىلادى. ەسەپتەگىش اسپاپتاردىڭ كيىستىرمەسى مەن دايىن بيووتىننىڭ شىعارۋىن جۇزەگە اسىراتىن جالعاستىرۋشى كيىستىرمە اراسىنا قۇبىرجولدىڭ ارالىق كيىستىرمەلى جانە باسقا دا اجىرتاقىشتارىن ورناتۋعا جول بەرىلمەيدى; 2) قۇبىرجولدىڭ كولبەۋ ۋچاسكەسىندە ولشەۋ كەزىندە ەسەپتەگىش اسپاپتاردىڭ كولەمدىك شىعىستاردى ءول­شەۋى­شىنىڭ جول بەرىلەتىن اقاۋلىعى ± 0,5 پايىزدى قۇرايدى; 3) قىسىمدى رەزەرۆۋاردى ەسەپتەگىش اسپاپتاردىڭ كولەمدىك شىعىستاردى ولشەۋىشىمەن جالعاستىراتىن قۇبىرجولدىڭ ۋچاسكەسىندە اۋا شىعاراتىن توراپ بولۋى مۇمكىن; 4) ەسەپتەگىش اسپاپتار جۇمىسىنىڭ تەمپەراتۋرالىق رەجيمى 0-دەن پليۋس 40 گرادۋس تسەلسياعا دەيىن قۇرايدى; 5) زەردەنىڭ سىيىمدىلىعى وسپەلى كورسەتكىشپەن بولادى; 6) ەسەپتەگىش اسپاپتار جۇمىسىندا كىدىرىستەر بولعان جاعدايدا سونداي-اق, ولاردى اۋىستىرۋ كەزىندە, بارلىق جينالعان اقپاراتتىڭ ساقتالۋىن قامتاماسىز ەتەدى; 7) رۇقساتسىز قول جەتكىزۋدەن قورعايتىن قاۋىپسىزدىك جۇيەسىنىڭ بار بولۋى (كود, كىلت, پلومبا, گولوگرافيالىق جاپسىرما); 8) كىدىرىستەردەن جانە سىرتقى اسەرلەردەن قورعاۋلى بولۋى (كەرنەۋدى قايتارعىش, ۇزدىكسىز قورەكتەندىرۋ كوزى), ال اپاتتى كىدىرىستەر جاعدايىندا ەلەكترمەن جابدىق­تاۋداعى اۆتونومدى جۇمىس ىستەۋ ۇزاقتىعى 3 تاۋلىكتەن كەم ەمەس; 9) ەسەپتەگىش اسپاپتاردا تەحنيكالىق پاسپورت, پايدالانۋ جونىندەگى نۇسقاۋلىق جانە سايكەستىك سەرتيفيكاتى بولادى. 10. كولەمدىك شىعىس ولشەگىش (كيىستىرمە جالعامالار) ورناتىلعان ورىندى, اقپاراتتى وڭدەۋ بلوگىنىڭ قال­قانىن رۇقساتسىز قول جەتكىزۋدى بولدىرماۋ ءۇشىن ۋاكى­لەتتى ورگان قىزمەتكەرى (ونىڭ اۋماقتىق بولىمشەسىنىڭ وكىلى) پلومبىلايدى. –––––––––––––––––– بۇيرىق قازاقستان رەسپۋبليكاسىنىڭ ادىلەت مينيسترلىگىندە 2011 جىلعى 1 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №6760 بولىپ ەنگىزىلدى.