«استانا ارەنا» ستاديونى ماتچ كەزىندە جىلى بولادى

ۋەفا ەۋروپا ليگاسى توپتىق كەزەڭىنىڭ بەسىنشى تۋرىنداعى «استانا» – اپوەل ويىنى كەزىندە «استانا ارەنا» ستاديونىنداعى اۋا تەمپەراتۋراسى 12 گرادۋس جىلى بولادى, دەپ حابارلادى قازاقپارات. «ستاديونداعى اۋا تەمپەراتۋراسى 12 گرادۋس جىلى بولادى. جانكۇيەرلەرىمىزدى قۋانتۋ ءۇشىن بار كۇشىمىزدى سالىپ وينايمىز. اسحات تاعىبەرگەن, اگيم يبرايمي, پاتريك تۆۋماسي سياقتى مىقتى ويىنشىلاردىڭ جوعىنا, ونىڭ ۇستىنە ماۋسىمنىڭ سوڭى ەكەنىنە قاراماستان, كومانداداعى كوڭىل كۇي جاقسى», – دەدى ماتچ الدىنداعى ءباسپاسوز ءماسليحاتىندا «استانا» كومانداسىنىڭ ويىنشىسى ازات نۇرعاليەۆ. سپورتشىنىڭ ايتۋىنشا, اپوەل «استاناعا» تانىس توپ. سوندىقتان, قوناقتاردى جەڭۋگە بولادى. «استانا» كومانداسى ۆ توبىندا سوڭعى ورىندا تۇرسا دا, ۋەفا ەۋروپا ليگاسىنىڭ 1/16 فينالىنا شىعاتىنداي ءۇمىتى بار. ول ءۇشىن «استانا» كومانداسى اپوەل-ءدى جەڭىپ, «وليمپياكوس» كومانداسىنىڭ «يانگ بويز» كومانداسىنان جەڭىلۋىن تىلەيدى. «استانا» – اپوەل اراسىنداعى ماتچ 24 قاراشا كۇنى, كەشكى 22.00-دە باستالادى.