استانادا 8 مىڭنان استام نىسان زاڭداستىرىلدى

وسى جىلدىڭ قاراشاسىنداعى اقپارات بويىنشا استانادا 38 ملرد. 517 ملن. تەڭگەنىڭ 8 224 نىسانى زاڭداستىرىلعان, دەپ حابارلادى استانا اكىمدىگىنىڭ ءباسپاسوز قىزمەتى. ازاماتتاردان جالپى سوماسى 111 ملرد. تەڭگە بولاتىن 9 023 ءوتىنىش تۇسكەن. سونىڭ ىشىندە 69 ملرد. 550 ملن. تەڭگە سومانىڭ 11 016 تۇرعىن ءۇي نىسانى, 42 ملرد. 288 ملن. تەڭگە سومانىڭ 11 725 تۇرعىن ءۇي ەمەس نىسانى, 22 ملرد. 872 ملن. تەڭگەنىڭ 1 132 كوممەرتسيالىق نىسانى, 457 ملرد. 949 ملن. تەڭگە سومانىڭ زاڭدى تۇلعالاردىڭ جارعىلىق كاپيتالىنا قاتىسۋىنىڭ 5 ۇلەسى بار. سونىمەن بىرگە, استانا قالالىق مەملەكەتتىك كىرىس ورگاندارىنا 1 ملرد. 054 ملن. تەڭگەنىڭ سوماسىنا 16 نىسان بويىنشا 17 ارنايى دەكلاراتسيا تاپسىرىلدى. سونداي-اق, قر اۋماعىنان تىس جەردەگى زاڭدى تۇلعالاردىڭ جارعىلىق كاپيتالىنا قاتىسۋدىڭ 6 ملن. 250 مىڭ تەڭگە سومانىڭ 3 ۇلەسى زاڭداستىرىلدى. اقشانى زاڭداستىرۋعا كەلسەك, اتالعان كەزەڭدە 584 ملرد. تەڭگەنىڭ 687 ارنايى دەكلاراتسياسى تاپسىرىلعان, سونىڭ ىشىندە ەسەپشوتقا سالماستان, 944 ملن. 230 مىڭ تەڭگە زاڭداستىرىلدى, ودان 94 ملن. 423 مىڭ تەڭگە كولەمىندە 10% الىم جينالدى. 10 ملرد. 807 ملن. تەڭگە سومانىڭ قۇندى قاعازدارى زاڭداستىرىلدى. ايتا كەتەيىك, ەلىمىزدە م ۇلىكتى زاڭداستىرۋ 2014 جىلدىڭ 1 قىرقۇيەگىندە باستالىپ, 2016 جىلدىڭ 31 جەلتوقسانىنا دەيىن جالعاسادى.