دوللاردى قولما-قول ساتىپ الۋ كولەمى 6,6 پايىزعا تومەندەدى

قازان ايىندا قازاقستاندىقتاردىڭ دوللاردى قولما-قول ساتىپ الۋ كولەمى ايىرباستاۋ نۇكتەلەرىندە 6,6 پايىزعا تومەندەدى دەپ, حابارلادى ۇلتتىق بانك ءباسپاسوز قىزمەتى. ءبىر ايدا اقشا ايىرباستاۋ نۇكتەلەرىنەن جەكە تۇلعالار 304 ميلليون اقش دوللارىن ساتىپ العان. «جالپى اعىمداعى جىلى, حالىقتىڭ ايىرباستاۋ نۇكتەلەرىنەن اقش دوللارىن قولما-قول ساتىپ الۋى ەلەۋلى تومەندەۋمەن سيپاتتالادى. وتكەن جىلدىڭ قازان ايىمەن سالىستىرعاندا, شەتەل ۆاليۋتاسىن ساتىپ الۋ كولەمى 40,1 پايىزعا, 2014 جىلدىڭ قازايىن ايىندا 84 پايىزعا قىسقارعان», – دەپ اتاپ ءوتتى ءبىرىنشى دەڭگەيلى بانك. 2016 جىلدىڭ 10 ايىندا اقش دوللارىن ساتىپ الۋ 2015 جىلدىڭ قاڭتار-قازانداعى ارالىقپەن سالىستىرعاندا 10,5 ەسە ازايدى. مۇنداي تومەن كورسەتكىش 2001 جىلى تىركەلگەن. 2016 جىلعى 10 ايدا اقش دوللارىن ساتىپ الۋ 2015 جىلعى قاڭتار-قازان ايلارىنداعى كولەمنەن 10,5 ەسەدەن اسا از بولدى, بۇل 2001 جىلدان بەرگى بۇكىل باقىلاۋ كەزەڭىندەگى ەڭ تومەن كورسەتكىش بولىپ ەسەپتەلەدى. حالىقتىڭ اقش دوللارىن جالپى ساتۋ كولەمى سوڭعى 5-6 جىلداعى ورتاشا دەڭگەيدە, ال حالىقتىڭ اقش دوللارىن جيىنتىق ساتىپ الۋ كولەمى ەكى ەسەدەن اسا ازايدى. وسىلايشا, حالىقتىڭ قولما-قول اقش دوللارىنا دەگەن سۇرانىسىنىڭ تومەندەۋ ءۇردىسى جالعاسۋدا.